1 Samweli 21:5 - KITABU KITAKATIFU

⁵ Daudi yativura, “Ligali vakikiri. Avasaza va mbeeye navo vilindaa aveene kuva vatakase kali lwa kuziiza ichova ku vutumwa vwa kazozo; nasindi ing'inga yiyi lwa koveeye ku vutumwa vuduukiru!”

1 Samweli 21:5 Iomraidhean Croise

Kutwula 19:14

Maku Musa yasulunguta kutura mu kiguru kuzia ku vandu navavoolera, vetegeke kusigamira Yahova, kunangwa vafuuya zinguvu ziavo.

Kutwula 19:15

Kandi Musa yavavolera, “Mwetegekere lidiku lia gavaga kutura kalunu kandi mutava harara nu mukali ku ing'inga yeyo mba.”

Kutwula 25:30

Uviiki mugadi mutakatifu komesa na ugiviki imbiri wilisandugu lie lilagana, na komesa yiku koveku kazozo nu mugadi mutakatifu guhaaniywi ku inzi.

Kyavalevi 24:9

Migadi jiveeye ja Haruni ni visukululwi vivie, kandi valajilila havundu ahatakatifu, kigira yiki keveeye kedonye kitakatifu ligali chi chukulia chahaanwa ku Inzi Yahova kigira avasaalisi.”

Kyavalevi 8:26

Maku yavugula mugadi gutaveeye namamera, ugwali niguhaaniywi ku Yahova, ni imango yindi yalombwa na maguta, ni chabati kilala, naviviika ku zitinya ni kinama chu mukono mulungi.

Vikolwa 9:15

Navuzwa Mwami yamuvolera, “Zia vuzwa, kigira ndovoye uyu ave kiju change, yiilwaaze lieta liange ku zihiiri na avami vaavo, kandi ku avandu va Isiraeli.

1 Vakorintho 7:5

Mutasuulani aveene naveene ku likolerana agamuduukira mba, nigataveeye ku lihulirizana lia mulagani kutanga ku ing'inga ngekeeke, muduuki kuva nu vwiyangu vulahi vwu kusaala; ma inyima muve harara kandi, kunangwa Setani avuli kuva nu vwiyangu ku mugerizaa kigira livula kwilinda kwinyu.

1 Petro 3:17

Ni vulahi ligali kusalirizwa kigira likora vulahi, niiva nu vulaliri vwa Nyasaye, kuvita lisalirizwa ku likora vudamanu.