1 Samweli 20:5 - KITABU KITAKATIFU

⁵ Kunangwa Daudi yativura, “Mugamba ni Lisavo liu Mweli Muhia, na gandukira kulia harara nu mwami. Navuzwa niiva voveeye vulahi ku ivi, ndazia kwivisa mu mulimi kuduuka hamugorova gwi lidiku liakavaga.

1 Samweli 20:5 Iomraidhean Croise

2 Avami 4:23

Musaza weve yateeva “Kigira ki uzie kalunu? Siliveeye lisabato kinga lisavo liu Mweli Muhia.” Yativura, “Utahenda mwoyo mba.”

Zaburi 55:12

Niiva yakaveeye musigu ongoleraa kehenyahenye, ngano ndakikuziyi kuye; kandi niiva yakaveeye umuhing'ani wi gingira ku inzi, ngano ndakivisi ihale kutura kuye.

Zaburi 81:3

Mukubi kisiriva kigira lilia, lwu mweli gulavaa kandi lwu mweli guchelaa.

Tsing'ano 22:3

Mundu mugeri alolaa vuhimwa mayeleha, navuzwa mundu musiru azizaa maduuka mu vudinyu inyima yiduli.

Amosi 8:5

Mwevoleraa aveene, “Lihonga liu mweli muhia lilafa ng'inga ki, ku kuduuki kuguliza vuswage vwitu? Kandi lidiku lie Lisabato lilahera ng'inga ki kunangwa kuduuki kuguliza vuswage vwitu kandi? Hene yaho kunyala kuviika vuswage ku vuguli vwi igulu ligali nu kutumikira vibimu viu vugadi nukuviika ziratiri ziu vugadi ukugaada avaguli.

Livalidza 10:10

Kandi ku lidiku liu vusangali vwinyu, ing'inga yi lilia mu litanga lie mieli mihia, mulakuba visiliva lwa muhaana vihaanwa viu kusambwa kandi vihaanwa vie mirembe. Yivi vilava kuli lizuliza imbiri wa Nyasaye. Inzi mbeeye Yahova Nyasaye winyu.”

Livalidza 28:11

Valeete ku Yahova kihanwa chu kusambwa vuli lidiku liu kutanga ku vuli mweli: Vimoli vigiriki viviri, limigu lilala, vimeme vimigu saba vio muhiga mulala, viosi vitaveeye nimbara

Yohana 8:59

Kunangwa vadoola amagina nivenya vamulase, navuzwa Yeso yiivisa, natura mu Litembeli.

Vikolwa 17:14

Avaamitu vamuhereka vwangu kuzia kunyanza; navuzwa Sila na Timateo vatigara Berea.

Vakolosai 2:16

Kunangwa mutaleka mundu woosi amukalagiri kigira viukulia anoho viukunwa anoho ku lidiku lie lisavo, anoho kulilonda mweli muhia, anoho lisabato mba.

1 Samweli 19:2

kandi Jonazani yamuvolera, “Baba wange agerizaa kukwita. Mwaza nuyanza ove manyo mugambazuri; wivise havundu hatamanyikani na omenye ho.

1 Samweli 20:18

Maku Jonazani yamuvolera, “Kigira mugamba liveeye Lisavo liu Mweli Muhia, livula kuva ho liilio lilaloleka niiva ulavula kuva komesa ing'inga yi chukulia.

1 Samweli 20:19

Lidiku lilonda mugamba, niiva ulavula kuvaho, ulamanyikana ligali kuvita; kunangwa, zia havundu ha wivisa ing'inga yu vudinyu yivu vwatanga, na wivisi yaho inyima wi kitumi cha magina.

1 Samweli 20:24

Kunangwa Daudi yivisa mu mulimi. Ku ing'inga yi Lilia liu Mweli Muhia, Mwami Saolo yaza kulia chukulia.

1 Samweli 20:27

Lidiku lialonda ku, lidiku inyima wu Mweli Muhia uvwiyangu vwa Daudi vwali ni vukikiri uvwere, na Saolo yateeva, Jonazani “Kigira ki Daudi si yaazi kulia chukulia mugolova anoho kalunu?”

1 Samweli 20:4

Jonazani yavolera Daudi, “Ndakora kindu choosi cha wenya.”

1 Samweli 20:6

Niiva baba woovo alolaa ndi si mbeeye komesa mu lilia, muvoolere ndi ngusavi munwa kuzia yengo vwangu Bezelehemu, kigira eveeye ing'inga yukuhaana visiuviliru viu muhiga uwene yeyo ku avinyumba yange vosi.