1 Samweli 20:32 - KITABU KITAKATIFU

³² Jonazani yateeva Saolo, “Kigira ki yiitwi? Akoli ki?”

1 Samweli 20:32 Iomraidhean Croise

Litanga 31:36

Maku Yakobo yasinyika nateeva Labani muvutima, “Vudamanu ki vwa inzi mali kokora? Vwoni ki vwa mali kokora uvugira ivi nonondelera, nukwenyeleriza mu mahema gange?

Tsing'ano 22:24

Utalomba vulina nu mundu wuvutima vululu ligali mba,

Kohelethu 7:9

Utava nu vutima vwa vwangu mba, kigira mundu musiru vutima.

Kohelethu 9:3

Vosi valanyora kivi kilala chere, yiki ni kindu kidamanu kuli vindu viekoleka mu kivala yiki. Lwa vandu vakemenyi mu kivala yiki, zing'anagani ziavo ziayizula vudamanu nu vulalu, nonoho vakuza.

Jeremia 17:9

“Nivwaha unyala kumanyiriza zing'anagani ziveeye mu mwoyo gwu mundu? Goveeye mwoyo gwu vugadi ligali kuvita vindu vindi viosi. Goveeye mulwaye ligali kali si gunyala kohona mba.

Matayo 27:23

Pilato yateeva, “Kigira ki? Akoli uvudamanu ki?” Navo vaakira iliyoga, ni vahanzuka: “Avambwe!”

Luka 23:22

Pilato yavavolera lwa kavaga, “Kigira ki? Mundu uyu akoli vudamanu ki? Inzi sindoli uvudamanu muye uvuduukanaa nilikuza mba. Kigira yaga, ndaleka akuywi ma muvoholore.”

Yohana 7:51

“ Kolondekana ni Lilaga lietu sikunyala kukalagira mundu vudamanu imbiri wa kukiri kumuhuliriza kandi kumanyiriza icha mali kokora mba.”

1 Samweli 18:11

Saolo yavoola, “Ndamutumitira ku lidigi ni litimu yili,” ma yaamulasa ni litimu zana haali kaviri, navuzwa Daudi yiivaraa vuli ing'inga.

1 Samweli 19:4

Jonazani yizominya Daudi ku Saolo navoora, “Mwami, utakola kindu kidamanu ku mutumikiri woovo Daudi mba. Akikiri kukokolera ku uvudamanu ku vwosi. Kuvita goosi vindu viosi via yakola vialange viovokonyi vonene ku ivi.

1 Samweli 19:5

Yavika livamwoyo lilie mu vuhimwa lwa yita Goliati, na Yahova yahaana liguuta linene ku Isiraeli. Lwa ivi walola inguuva yiyi, waasangala. Maku, kigira ki wenyaa kokora uvudamanu kalunu ku mundu utali niimbala, na wiite Daudi vugira kivuni kali kilala?”

1 Samweli 20:1

Maku Daudi yiruka kutura Nayozi mu Rama nazia ku Jonazani. Yateeva, “Ngoli ki? Nzoni ki? Ngoleeye baba woovo vudamanu ki uvugiraa niyenya kunzita?”

1 Samweli 20:7

Niiva avoora, ‘Ni vulahi’ ndava ni mirembe, navuzwa niiva asinyika, ivi ulamanya ndi usaaviyi kusaliriza inzi.

1 Samweli 22:14

Ahimeleki yativura, “Daudi niyie aveeye mutumikiri musuuvirifu ligali kuvita ava oveeye navo vosi. Aveeye navizara woovo, munene wa vasikari valindaa ivi, kandi wahevwa luyali na vandu vosi munyumba yu vwami.