1 Samweli 20:2 - KITABU KITAKATIFU

² Jonazani yativura, “Awa, ku Nyasaye ivi si unzizaa kukuza mba. Henza, baba wange si akolaa ku kindu choosi, ekenene anoho kekekeeke natambuuliyi mba. Kigira ki avisi agene yaga kutura ku inzi? Si gaveeye ndio mba!”

1 Samweli 20:2 Iomraidhean Croise

Litanga 44:7

Navuzwa vandu yava vamuvolera, “Mwami wiitu, yaga gaveeye kovora ki lwa ovola makuva kuli yaga? Kunyi kwisuhaa ndi, si kwakora kindu kuli yiki mba.

Zaburi 40:6

Ivi siwenya ivisiuviliru anoho ivihaanwa mba; siotevanga oheevwe zinyama ziukusambwa zing'ima ku vwali, anoho ivisiuviliru viukusamiha uvwoni. Mu vogono yivwo, wamba amatu kukuhulira.

Tsing'ano 29:24

Mulina wu mundu mwivi yiviika muvuhimwa vwu vusigu, ahulira kilaamo, navuzwa si avoora kindu mba.

Isaya 50:5

Yahova Nyasaye umali kumba limanyiriza, kandi sinyala kwibaala kuye mba, noho sinyala kwirana inyima kutura kuye mba.

Luka 20:16

“Alaza kandi aliita avalimi yava, nukuhaana kizabibu ku avalimi vandi.” Lwa avandu vahulira yaga, vavoola, “Yaga gatava ndio mba.”

Yohana 15:15

Kutura kalunu sinyala kumulanga avatumwa kandi mba, kigira mutumwa siamanyi ichu mwami weve akolaa mba. Navuzwa inzi mali kumulanga avalina, kigira mali kumuvolera goosi aga ndahulira kutura ku Baba wange.

Yohana 17:8

Inzi mali kuvavoolera amakuva ga wambolera mbavoolere navo vagavugiliyi. Vamanya agiligali ndi inzi ndaatula ku Ivi, kandi vamali kusuuvira ndi ivi wanduma.

Joshua 22:29

Sikwakibaaye ku Yahova ligali mba anoho koleke kumulonda lero ku liumbaka uvwali kusambira ku vihaanwa, anaho kigira vihaanwa viuvuswage anoho visiuviliru mba. Sikwakumbaki uvwali vundi ukuvita uvwali vwa Yahova vusingiyi imbiri wi Lihema liu kuvuganira mu naye.”

Joshua 24:16

Avandu vaativura, “Sikulaleka Yahova ukutumikira avanyasaye vandi kandi mba.

1 Samweli 14:45

Navuzwa vandu vavoolera Saolo, “Jonazani umali koletera Isiraeli liguuta linene, anyala ndi kwitwa? Awa! Kwisuuhaa mu lieta lia Yahova oveeye mwoyo ndi Jonazani sialagotiza liisu kali lilala ku mutwi gwigwe mba. Chakoli kalunu, kekoleeywe novokonyi vwa Nyasaye.” Kunangwa avandu vaahonyia Jonazani kutura mu liitwa.

1 Samweli 20:1

Maku Daudi yiruka kutura Nayozi mu Rama nazia ku Jonazani. Yateeva, “Ngoli ki? Nzoni ki? Ngoleeye baba woovo vudamanu ki uvugiraa niyenya kunzita?”

1 Samweli 20:12

na Jonazani yavolera Daudi, “Yahova Nyasaye wa Isiraeli ave muloli wiitu! Mugamba, ku ing'inga kuli yiyi kandi ku lidiku lilonda ku, ndateeva baba wange. Niiva liiva lilie ku ivi ni lilahi, ndakutumira likuva.

1 Samweli 20:3

Navuzwa Daudi yisuha navoora, “Baba woovo amanyi vulahi ndi ivi unyaanzaa, na aganagana ndi, ‘Jonazani atamanya yili mba gase alaverera.’ Navuzwa ligali kuli Yahova aveeye mwoyo kandi kuli oveeye mwoyo, keveeye ho vuzwa kika kilala hagati hange ni likuza!”

1 Samweli 9:15

Lidiku lia Saolo yaali nakiri kuuza, Yahova yaali navuuliyi Samweli,