1 Samweli 20:1 - KITABU KITAKATIFU

¹ Maku Daudi yiruka kutura Nayozi mu Rama nazia ku Jonazani. Yateeva, “Ngoli ki? Nzoni ki? Ngoleeye baba woovo vudamanu ki uvugiraa niyenya kunzita?”

1 Samweli 20:1 Iomraidhean Croise

Zaburi 54:3

Avandu vu kwigingira vazaa nu kwenya kunwaana; avandu vaveeye ni kirage, avandu valulu vaageriza kunzita, avandu vatahenda mwoyo kigira Nyasaye; vageriza kunzita.

2 Vakorintho 1:12

Kwekonya kigira ziganagani zie mioyo jietu zikusuuvirizaa ndi ilimenya lietu mu lirova yili, mbitilira uvuhambani vwitu ni munyi, vumali kwamiifwa nu vutakatifu, uvusuuvirifu ni zimbavasi zia Nyasaye, na sigaveeye kigira vogeri vwa vandu mba.

2 Petro 2:9

Kulwayago, Mwami amanya kuli anyala kohonyia avandu valungi kutura mu ligerizwa liavo, nu kuhaana mageri ku vandu, vachamu kuduuka Lidiku lie Likalaga,

1 Yohana 3:21

Avalina avayaanze vange niiva zing'anagani zie mioyo jietu ziivulaa kukukalagira, koveeye nu vuluviliri imbiri wa Nyasaye;

1 Samweli 12:3

Mbeeye hano. Niiva ndamala kokora kindu kidamanu choosi, munzaale kalunu imbiri wa Yahova kandi imbiri wu mwami wamali kotovola. Ni eng'ombe ya vwaha kinga ni ibunda ya vwaha ya ndavugura kuzinguru? Nivwaha wa ndaga vindu vivie, anoho wa ndadambiza? Nivwaha wa ndavugura ku viambeti nduuki kuhaana likalaga litali lirungi? Niiva ndaakola kilala ku vindu yivi, ndirana kutunga cha ndaavugura.”

1 Samweli 19:1

Saolo yavolera muyaayi weve Jonazani harara na vatumikiri veve ndi asaavilaa kwita Daudi. Navuzwa Jonazani yaali ni yayanza Daudi kuvita kegero,

1 Samweli 19:18

Daudi yiruka nazia ku Samweli mu lidaala lia Rama namuvolera goosi ga Saolo yaali naamukoleye. Maku oyo na Samweli vazia komenya mu lidaala lia Nayozi.

1 Samweli 20:2

Jonazani yativura, “Awa, ku Nyasaye ivi si unzizaa kukuza mba. Henza, baba wange si akolaa ku kindu choosi, ekenene anoho kekekeeke natambuuliyi mba. Kigira ki avisi agene yaga kutura ku inzi? Si gaveeye ndio mba!”

1 Samweli 20:32

Jonazani yateeva Saolo, “Kigira ki yiitwi? Akoli ki?”

1 Samweli 24:11

Henza, baba wange, henza kilaka chi iganza yooyo cha ngumiyi mu mukono! Ndaali nyara kukwita navuzwa mu vogono yivwo ngali vuzwa kilaka yiki. Yiki kidukanaa kikumanyie ndi simbeeye niganagani yukwibaala ku ivi kinga kukusaliriza mba. Ivi umbizaa uduuki kunzita, kali nindavula kukokolera kindu choosi kidamanu.

1 Samweli 24:12

Yahova akalage hagati hange niivi nivwaha ku kunyi oveeye mudamanu! Yahova ahane ku ivi amageri kigira likora liilio ku inzi, navuzwa inzi sindakusaliriza kali hakuzu mba.

1 Samweli 24:17

Maku yavolera Daudi, “Ivi oveeye mulungi, na inzi mbeeye vudamanu. Ivi waali mulahi ku inzi ligali, lwa ndakokolera vudamanu kuvita.

1 Samweli 24:9

navoora, “Kigira ki uhuliriza vandu avavoora ndi inzi ngerizaa kukusaaliriza?

1 Samweli 26:18

Kandi yameda kovora, “Kigira ki okenondeleraa, inzi mutumikiri woovo? Inzi ngoli ki? Kinga nzoni ki?