1 Samweli 2:5 - KITABU KITAKATIFU

⁵ Avandu vaali ninziguta kalunu vayinzira ku vaduuki konyoora chukulia, navuzwa yavo avaari ninzara si vaveeye ni inzara kandi mba. Mukali mugumba wivuuyi avana saba. Navuzwa mama wa vayaayi vanyingi utigaye umwere vugira mwana.

1 Samweli 2:5 Iomraidhean Croise

Zaburi 113:9

Aheezaa mukali mugumba uluyali hango hehe. Amukolaa asangale ku linyola avana; Mwizominye Yahova.

Zaburi 34:10

Kali avasigu va Nyasaye vavezaa ninzara kuli zisimba zisoleri ziveezaa ninzara, navuzwa, yavo avasuuviraa mu Yahova sivaladaka kindu kilahi kali kilala mba.

Isaya 33:9

Kivala keveeye king'anye kandi icheele. Militu ja Lebanoni jiniaye, Livona ligunamu lia Sharoni ligwi kuli ichangalangwe, kandi amatu gahalulukaa kutura ku misaala mu kivala cha Bashani kandi ku kiguru cha Karimeli.

Isaya 54:1

Wimbi nuvusangali, O, ivi Jerusalemi oveeye mugumba; ivi uwavula kwivura umwana. Uhanzuki nukwimba vudinyu kigira uvusangari, ivi uwavula kuva ku ni lilumwa liu kwivura. Mukali walekwa alava na vana vanyingi kuvita avana vu mukali oveeye numusaza.

Jeremia 15:9

Mukali wagotiza avana veve saba umali kukinda, nukugamula imieka. Vulavu vwi lidiku lilie vumali kugirung'ana kugwa kisundi kenene; Umali kuduuka mu zisoni kandi mwoyo gwigwe gulwaye. Ndaleka avasigu vinyu viiti yavo kumunyi avakikiri mwoyo. Inzi Yahova, mali kovora.”

Luka 1:53

Wigutizi avinzara ni vindu vilahi, O, uvukungi avatugi amakono vugira kindu.

Luka 16:25

“Navuzwa Aburahamu yamutivulira, ‘Mwana wange, wizulizi ndi wanyoola vindu vilahi lwa waali nukikiri mwoyo, na Lazaro nanyoora vindu vidamanu. Kalunu asosiziywi, na ivi oveeye mu vusaliri.

Vagalatia 4:27

Mang'oda Matakatifu gavoora, “Usangale, ivi oveeye mukali mugumba. Hanzuka kandi uliri nu vuyanzi, ivi uwavula kuhulira uvuzunu vwi lilumwa liu mwana. Kigira mukali walekwa alakave na avana vanyingi kuvita va uyu uwavula kolekwa nu musaza weve. ”

Ruth 4:15

Naye alava uwilanyia livamwoyo liilio kandi wukukulinda mu ovokeere vuvwo; kigira navizara woovo wakuyaanza aveeye wi kivuni ku ivi ligali kuvita avana vayaayi saba, avawivuyi.”

1 Samweli 1:20

Na gaali ndio, yavereka kandi yivula mwana muyaayi. Yamugulika Samweli, kandi niyiivaala, “Ndateeva Yahova yambe mwana uyu.”

1 Samweli 1:6

Penina muhalikwa weve yaali anyala kumudambiza nukumuleganyia ligali muno kigira Yahova yaali niyavoha inda yeeye avuli kwivura.