1 Samweli 2:36 - KITABU KITAKATIFU

³⁶ Ku vosi visukululwi vovo avalitigala mwoyo valazia ku musaalisi oyo kandi vamusave mabese ni chukulia, kandi kogoonya vavugilirwi vakonye avasaalisi, kunangwa vaduuki konyoora kindu cha valia.”

1 Samweli 2:36 Iomraidhean Croise

1 Avami 2:27

Maku Solomoni yaha Abiazari ku litumika kuli musaalisi wa Yahova. Nandio yaduukiza aga Yahova yaali navooye mu Shilo ku musaalisi Eli harara ni visukululwi veve.

2 Avami 23:9

Vasaalisi yavo sivavugilirwa kutumika mu Litembeli lia Yahova mba, navuzwa vaali vanyara kulia ku migadi gitali na mamera jaleetelwa avasaalisi vache vaavo.

Tsing'ano 14:19

Vandu vachamu valasigamira valungi, kandi valegehiza kuvo nu kuvagoonya zimbavasi.

Malaki 1:13

Muvooraa, ‘Kunyi kuluhi ni vindu yivi viosi!’ Na mugilung'anaa ni mumbezaa. Lwa muhaanaa ku inzi muletaa vihaanwa vie zinyama zia mumali kwiva, anaho inyama yalema anoho ilwalaa, muganaganaa ndazivugilira?

Vakalagi 17:10

Mika yamuvolera, “Menya hano harara ninzi. Ulava ku Inzi kuli umukonyi kandi umusaalisi. Ndakuha ividonye viefeza likomi vuli muhiga komeeda ku zinguvu, harara ni chukulia.”

1 Samweli 2:35

Ndatovora musaalisi uliva musuuvirifu ku inzi. Kandi akole kindu choosi icha nyenya akole. Ndamuha visukululwi, avalitumika kazozo imbiri wu mwami wange mutovole.

1 Samweli 3:1

Mu madiku yago, lwa muyaayi Samweli yaali natumikira Yahova hasi hu vwimiliri vwa Eli, gaali ho amakuva makekeeke vuzwa kutura ku Yahova, na malola kutura kuye sigali ho vuli ing'inga mba.