1 Samweli 2:30 - KITABU KITAKATIFU

³⁰ Inzi Yahova Nyasaye wa Isiraeli, ndasuuviriza ku maziambiri ndi avinyumba yooyo na vikiliango chicho valatumikira inzi kuli avasaalisi zing'inga ziosi. Navuzwa kalunu mboraa ndi sindava nago kuli ndio kandi mba! Muvogono yivwo, ndahaana uluyali ku yavo avambeezaa uluyali. Ndachaya yavo avanjayaa.

1 Samweli 2:30 Iomraidhean Croise

1 Avami 11:11

Kunangwa Yahova yavolera Solomoni, “Kigira yili nilio liiva liilio kandi uvuli kugumira lilagana liange na malago gange, ga ndakulaga, ligali ndasa lanyia vwami vuvwo kutura ku ivi kandi mbuhaane ku mulala ku vatumikiri vovo.

1 Avami 2:27

Maku Solomoni yaha Abiazari ku litumika kuli musaalisi wa Yahova. Nandio yaduukiza aga Yahova yaali navooye mu Shilo ku musaalisi Eli harara ni visukululwi veve.

1 Kyetsinyinga 17:18

Inzi nyara kovora ki ku ivi kuvita yaga! Ivi umanyi inzi vulahi, kandi uhaanaa luyali ku inzi, mutumikiri woovo.

2 Kyetsinyinga 15:2

ma yazia kwagana nu mwami Asa. Yamuvolera, “Mbulirizaa, mwami Asa harara na vandu vosi vi Ivuyuda na Benjamini! Yahova aveeye harara na munyi lwa mukikiri harara naye. Niiva mulenya Yahova mulamunyoola, navuzwa niiva mulatula kuye, naye alamuleka.

2 Kyetsinyinga 26:18

kumugaya. Va vola, “Uzia! Si oveeye nuvunyari kusamba kimuli ku Yahova mba. Avasaalisi veng'ine, avaveeye kisukururwi cha Haruni, nivo avatakaswa kokora yaga. Tula ahatakatifu yaaha. Ivi umali kwonera Yahova Nyasaye, na sialakugasiza kandi mba.”

Zaburi 18:20

Yahova yaambezaa amadanyi kigira ngolaa agaveeye malungi; yangasizaa kigira mbeeye vugira imbara.

Zaburi 18:26

Ivi oveeye mutakatifu ku yavo avaveeye vatakatifu, navuzwa oveeye umululu ku yavo avaveeye vachamu.

Zaburi 50:23

Lwa muhaanaa lisandiza ku inzi, gaveeye kuli muhanaa visiuvilu viu kuhaana luyali ku inzi, na mulikola ndio, ligali ndahonya yavo vosi avambuliraa.”

Zaburi 73:20

Avandu vadamanu yava vaveeye kuli amalooto agivirirwa mu ing'inga yu mugamba, O, Yahova, lwa ivi uvukaa, vatulaa ho.

Zaburi 91:14

Nyasaye avoora, “Ndahonyia yavo avayaanzaa, kandi ndakinga yavo avambugiliraa kuli Yahova.

Zaburi 91:15

Lwa vanira ku inzi, ndavativulira; ndava harara navo lwa vaveeye mu vudinyu. Ndavasoola nukuvaha luyali.

Kutwula 28:43

Haruni na vayaayi veve kuduuka viviiki zisuruhali yizi kazozo lwa vazizaa mu Lihema liu kuvuganira mu, anoho lwa visunda ahimbi ku vwali kutumika kuli avasaalisi Havundu Hatakatifu, kunangwa vavuli kwitwa kigira kuva ni chahonyo. Yili liveeye lilago liukuhindira ku Haruni kandi visukululwi vivie.

Kutwula 29:9

imisibi mu visindi viavo kandi zikofia ku mitwi jaavo. Nindio gakuduukiraa uviiki utakase Haruni na vayaayi veve. Yavo harara ni visukululwi viavo valandumikira kuli avasaalisi mihiga ni mihiga.

Tsing'ano 12:8

Niiva oveeye mundu wovogeri, ulizominywa, navuzwa noveeye musiru vandu valakuchaya.

Tsing'ano 4:8

Yaanza ovogeri na vulakokola kuva munene ligali. Uvukumbelerizi na vulakuleetela luyali.

Tsing'ano 8:17

Nyanza yavo vanyanza; uyu onyenyaa alanyoola.

Isaya 29:13

Yahova yavoola, “Avandu yava vavoola vaasigamira, navuzwa makuva gaavo gaveeye vugira kivuni, na mioyo jiavo jiveeye ihale kutura ku inzi. Idini yavo eveeye vuzwa malago gavandu ni miima ja vandu vigiza, makuva ga vaagumilira mumutwi.

Jeremia 29:32

Kunangwa, ndahaana amageri kuye harara ni visukululwi vivie. Sialakaveho mundu kali mulala ulimenya hagati ha avandu yava ulilola uvulahi vwa ndakakolele avandu vange, kigira amali kwibaala ku inzi Yahova.”

Jeremia 49:15

Yahova azizaa kumukola kuva vadedekere, kandi mundu kali mulala si alahaana liegehiza ku munyi mba.

Ezekieli 34:10

Inzi, Mwami Munene Yahova mboraa, mbeeye musigu winyu. Ndakavuguli magondi gange kutura ku munyi kandi si mulakave aviimiliri vago kandi mba. Si nandeke na mwilindi aveene kandi mba. Ndakahonyie magondi gange kutura ku munyi kandi si mulagalia kandi mba.

Danyeli 4:34

Mwami yavoola, “Lwi mihiga 7 jaali ni jakavita,” ndahenza mu ligulu, kandi vulamu vwange vwirana. Ndizominya Nyasaye Wuvunyali kandi ndahaana luyali nu vukumi ku omenya mihiga ni mihiga. Alakamiihi mihiga ni mihiga kandi vwamihi vwivwe vulakahindili zing'inga ziosi.

Malaki 1:6

Yahova Wuvunyali avooreraa avasaalisi, “Muyaayi ahaanaa luyali ku baba weve, kandi mutumikiri ahaanaa luyali ku munene veve. Inzi mbeeye baba winyu, kigira ki muvura kuhaana luyali ku inzi? Munyi munjayaa, navuzwa muteeva, ‘Kunyi kukuchayaa ndi?’

Malaki 2:3

Ndakahaane mageri ku vana vienyu kandi ndakavake mu zimoni zienyu isingu yi mitugu ja muhaana kuli visiuviliru. Mulahilwa kutura imbiri wange nukuhirwa ku isiina.

Livalidza 11:20

navuzwa mulagilia ku mweli gwosi, kuduuka, lwimusinya. Yaga galekoleka kigira mumali kusura Yahova oveeye harara ni munyi, kandi mumali kwililira ndi vwakaveeye vulahi mulavula kutura Egebeti.’ ”

Livalidza 35:34

Mutonogonyi kivala hamumenya mba kigira inzi ni Yahova na menyi hagati ha vandu va Isiraeli.”

Yohana 12:26

Uyu wenyaa kundumikira gamuduukira anonde, kandi hoosi ha mbeeye, niho hu mutumikiri wange ava, kandi mundu ku vosi undumikira, Baba wange alamuha uvukumi.

Yohana 5:23

kunangwa avandu vosi vaduuki kukuminya mwana kuli mwana akuminyaa Baba. Uyu uvula kukuminya Mwana, kandi siakuminya Baba wamutuma mba.

Yohana 5:44

Munyala ndi kusuuvira inzi lwa munyi muyanzaa konyoora vukumi kutura ku munyi aveene, na simwenya konyoora vukumi kutura ku uyu oveeye Nyasaye yeng'ine mba?

Yohana 8:49

Yeso yativura, “Inzi simbeeye nilidemoni mba, navuzwa nguminyaa Baba wange, navuzwa munyi si munguminyaa.

1 Vakorintho 4:5

Kunangwa mutakalagiri mundu wundi woosi ing'inga nikikiri kuduuka mba. Likalaga liu kumaliriza kuduuka lilindi lwu Mwami yaza. Alalang'aminya havulavu ivindu viaviswa viosi viu mu kisundi kandi alamanyia havulavu viaviswa mu zing'anagani zia vandu. Maku vandu vosi valakanyore lizoinywa lidukanaa navo kutura ku Nyasaye.

1 Petro 1:7

Kivuni cha magerizu yaga kimanyia ndi lisuuvira liange liveeye lia giligali kali izahabu inyala kusambwa mu muliru; kandi ndio lisuuvira lienyu liveeye lilahi ligali kuvita izahabu, ligerizwa kunangwa liduuki kuhindira. Maku mulakanyoole lizominywa, vukumi kandi luyali ku lidiku lia Yeso Kristo aliloleka.

Vakalagi 9:10

Maku imisaala javoolera umukuyu, ‘Hamba ukwamiihi.’