1 Samweli 2:29 - KITABU KITAKATIFU

²⁹ Kigira ki, muheenzaa nu vuhuuvali ku visiuviliru kandi vihaanwa viange via ndalange mbeevwe kutura ku vandu vange? Kigira ki, Eli, uhaanaa luyali ku vana vovo kuvita inzi ku livaleka veekomerize aveeneni vidonye vilahi ligali vie visiuviliru viosi via vandu vange vahaana ku inzi?

1 Samweli 2:29 Iomraidhean Croise

2 Avami 12:6

Navuzwa kuduuka ku muhiga gwa sirini na tatu gwi liamiiha liu mwami Joashi, avasaalisi vaali ni vakikiri kolomba ahe Litembeli liali ni liasasuguka.

Zaburi 26:8

O, Yahova, nyanza mu Litembeli liilio aha omenyi havundu hu vukumi vuvwo vomenyaa.

Ezekieli 13:19

Munyi mwavura kuhaana luyali ku inzi imbiri wa vandu vange kunangwa muduuki konyoora uvuswage vokekeeke kandi migadi mikekeeke. Mwita vandu vataduukanaa kwitwa kandi muhonyia vandu vataduukanaa vavuli kuva mwoyo. Kunangwa muvooraa makuva gu vugadi ku vandu vange, kandi vamusuuvira.”

Ezekieli 34:10

Inzi, Mwami Munene Yahova mboraa, mbeeye musigu winyu. Ndakavuguli magondi gange kutura ku munyi kandi si mulakave aviimiliri vago kandi mba. Si nandeke na mwilindi aveene kandi mba. Ndakahonyie magondi gange kutura ku munyi kandi si mulagalia kandi mba.

Ezekieli 34:2

Yavoola, “Mwana wu Mundu, oporofete uvudamanu vwa avami va Isiraeli. Porofeta kuvo, uvavoolere aga inzi, Yahova Wuvunyali mbavooleraa: Kivi keveeye ku, munyi aviimiliri va Isiraeli! Munyi mwehendera mwoyo, navuzwa si mulinda magondi gange mba.

Hosea 4:8

Munyi munyoora uvutugi kutura ku uvwoni vwa avandu vange, kunangwa mwenya vazizagiliri kokora uvwoni.

Kyavalevi 19:15

“Muve vasuuvirifu kandi avalungi lwa muva nimuhaanaa likalaga mu viyaalo mutamanyia lieriza anoho liyaanzilira vadaka kandi mutatia vatugi mba.

Mika 3:5

Yahova avoora, “Avandu vange vamali kugadwa na avaporofeti avasuuvirizaa mirembe ku yavo avavatuungaa navuzwa vatihiza nuvulwani yavo avatavahezaa kindu.

Matayo 10:37

“Uyanzaa baba weve anoho mama weve kuvita inzi, siaduukanaa kuva mulondi wange mba. Uyu uyanzaa muyaayi weve anoho mukaana weve kuvita inzi, siaduukanaa kuva mulondi wange mba.

Matayo 22:16

Kunangwa, vaatuma kuye valala ku aviigi vaavo harara na avasangi vu muganda gwa Herodi. Vamuteeva, “Mwigizi, kumanyia ivi oveeye umundu wiligali, kandi wigiza uvulariri vwa Nyasaye mu agiligali. Ivi siutiizaa mundu woosi mba, kigira ovonene vwu mundu anoho iligondo si viveeye ikindu ku ivi mba.

Luka 14:26

“Mundu ku woosi naava niyazaa ku inzi, sianyala kuva mulondi wange na atanyaanza kuvita kuli ayaanza baba na mama weve, mukali weve, avana, amwavo na vavoozo veve mba.

Varumi 16:18

Kigira avandu vu lugano yilu sivatumikiraa Mwami wiitu Kristo mba, navuzwa vahenderaa zinda ziavo veene. Ku makuva gaavo malahi, na guvugadi, vagotiza avandu vataveeye ni mbala.

2 Vakorintho 5:16

Kutura kalunu, kunyi sikukalagiraa mundu woosi kolondekana ni liiva liu muviri mba. Kali niiva ing'inga yindi kwakalagira Kristo kolondekana ni liiva liu muviri mba. Kali niiva ing'inga yindi kwakalagira Kristo kolondekana ni liiva lia vandu kalunu sikokolaa ndio kandi mba.

Kwidzulitsa 32:15

“Avandu va Yahova vaagwa avatugi, navuzwa avibaali. Vakomera kandi vaali ni viukulia vinyingi. Valeka Nyasaye wavo uwavalomba, kandi nivasuula muhonyi wavo wi zinguru.

Kwidzulitsa 33:9

Vamanyia uvusuuvirifu vonene ku ivi kuvita ku aviivuli vaavo, avamwavo, anaho avana vaavo vahulira malago googo Kandi vaali avasuuvirifu ku Lilagana liilio.

Yakobo 3:17

Navuzwa ovogeri vuturaa igulu, voveeye vulahi mulitanga ku viosi; voveeye vwi mirembe kandi, vwovohocha, kandi vwu vulina; vwokoleeta avandi ahimbi, vwizuyi zimbavasi na kandi vwama amakuyu gi vikolwa vilahi; uvutaveeye ni lieriza kandi uvugadi.

Joshua 18:1

Inyima wa vandu va Isiraeli vaali nivakaguuta kivala, avandu vosi vavunga ha Shilo, kandi vumbakayo Lihema liukuvuganira mu na Yahova.

1 Samweli 3:13

Ndaamara kumuvolera ndi ndahaana mageri ku vinyumba yeeye mihiga ni mihiga, kigira vayaayi veve vamala konyega. Eli yamanya ndi vakora ndio, navuzwa siyavagaya mba.