1 Samweli 19:5 - KITABU KITAKATIFU

⁵ Yavika livamwoyo lilie mu vuhimwa lwa yita Goliati, na Yahova yahaana liguuta linene ku Isiraeli. Lwa ivi walola inguuva yiyi, waasangala. Maku, kigira ki wenyaa kokora uvudamanu kalunu ku mundu utali niimbala, na wiite Daudi vugira kivuni kali kilala?”

1 Samweli 19:5 Iomraidhean Croise

2 Samweli 23:10

navuzwa yasingira vudinyu nalwaana vandu va Filisitia kuduuka lwu mukono gwigwe gwaruha kandi niguhanda ku kivavi, na siyaali anyala kukilakula mba. Yahova yaguuta uvuguuti vonene ligali lidiku yilio. Inyima wa vwali nivwakahera, vandu va Isiraeli viirana ahu Elieza yaali, kandi nivatuliza isalamba ku vakuzu.

1 Kyetsinyinga 11:14

Kunangwa oyo na vasaza va yaali navo vasingira vudinyu nokogosoola ligali ma nivaguuta Vafilisitia. Yahova yahaana uvuguuti vonene lidiku yilio.

1 Kyetsinyinga 11:18

Vasikari vi zinguru vi limanyikana vavaga vavitira hagati hokososa hi liihi lia Vafilisitia kuzinguru ni vadaha amazi kutura mu kidaho yicho ma ni vagaleeta ku Daudi. Navuzwa si yaganwa mba. Nitali, yagasundula ichova gave kihanwa ku Yahova,

Zaburi 109:5

Vandungaa uvudamanu ku vulahi vwa mbakoleraa, kandi vandungaa uvudunyi mbogono vwuvuyanzi vwange vwa mbakolera.

Zaburi 119:109

Livamwoyo liange liveeye mu vuhimwa kazozo navuzwa ngikiri kwivilira amalago googo.

Zaburi 25:3

Utaleka yavo avasuuviraa mu ivi vanyoore zisoni kigira liguutwa. Navuzwa oleke yavo avaveeye vwangu ukwiibaala ku ivi, vave soni.

Zaburi 69:4

Yavo avandunyira vugira kivuni, vaveeye avanyingi ligali kali kuvita liisu liu kumutwi gwange. Avasigu vange vavoola ovovehi ku inzi; vaveeye ni zinguru ligali kandi venya kunzita. Vamali konomba kali kwilanyia ivindu viandavula kwiva.

Zaburi 94:21

Avazilohizaa mu vwivisu kokolera avandu valahi uvudamanu. Kandi avakalagiraa avandu vataveeye niimbala likuza.

Kutwula 14:13

Musa yavativulira navoora, “Mutatia mba! Musingiri vudinyu, na mulalora icha Yahova akolaa kumuhonyia: lidiku linu simulalola vandu va Egebeti yava kandi mba.

Jeremia 26:15

Navuzwa mumanye yaga: niiva mulanzita, munyi navandu vilidaala yili mulava nilihiolo liukwita umundu utaveeye nimbara, kigira ni Yahova uwanduma nduuki kumwiganihiza.”

Matayo 27:24

Lwa Pilato yalora ndi sianyala kokora kindu, kandi iliyoga limeedeki, yavugula amazi niyisaava makono geege imbiri wi kiduma, navoora, “Inzi simbeeye nimbala ku likuza liu mundu mulungi uyu mba. Gaveeye ku munyi aveene.”

Matayo 27:4

Yavavolera, “Mali kokora uvwoni ku kuzaama umundu utaveeye na mahiolo akuzi!” Navuzwa vamuvolera, “Yago gaveeye ki ku kunyi? Agene yago nagoogo ivi umwene!”

Yohana 15:25

Navuzwa yaga gaveeye kuduukiza likuva liang'odwa mu Lilaga liavo: ‘Vandunyiraa vuzwa vugira kivuni.’

Vikolwa 20:24

Navuzwa livamwoyo liange sindivalizaa kuva kindu ku inzi mba, nitali nduuki kuduukiza uvutumiki vwange, nu kumala miyinzi ju Mwami Yeso yamba kujikola, ijiveeye kulandiza Ivangeri yi zimbavasi zia Nyasaye.

Vafilipi 2:30

Yavika livamwoyo lilie liosi mu uvuhiimwa, kali naava ahimbi kukuza kigira imiyinzi ja Kristo. Yiviika mu uvuhiimwa ni yenya kongonya ligali kuvita munyi.

Vahebraina 2:3

Kunyi sikunyala kohononoka kutura ku mageri yaga niiva kulasula vohonyi vonene kuli yivu mba. Mwami mwene yalandiza ovohonyi yivu kutanga kandi yavo vahulira vohonyi yivwo valolekiza ku kunyi ndi vwali vwiligali.

Vakalagi 12:3

Lwa ndaalora nichakavula, ndamanya ninzidinyia, nisiila ulwako, ninzia kuvalwaana; na Yahova yangoonya nimbaguuta. Kigira ki mwenya kunwaana kalunu?”

Vakalagi 9:17

Mwizurizi baba wange yavalwaanira. Yavika livamwoyo lilie mu vudinyu aduuki kohonyia munyi kutura ku vandu va Midiani.

1 Samweli 11:13

Navuzwa Saolo yavoola, “Sihaveeyeho nu mundu unyala kwitwa kalunu mba, kigira lidiku yili, Yahova umali kosoola Isiraeli.”

1 Samweli 14:45

Navuzwa vandu vavoolera Saolo, “Jonazani umali koletera Isiraeli liguuta linene, anyala ndi kwitwa? Awa! Kwisuuhaa mu lieta lia Yahova oveeye mwoyo ndi Jonazani sialagotiza liisu kali lilala ku mutwi gwigwe mba. Chakoli kalunu, kekoleeywe novokonyi vwa Nyasaye.” Kunangwa avandu vaahonyia Jonazani kutura mu liitwa.

1 Samweli 19:6

Saolo yahuliriza makuva ga Jonazani ma ni yisuha ndi, “Ligali Yahova naveeye mwoyo, Daudi sialiitwa mba.”

1 Samweli 20:32

Jonazani yateeva Saolo, “Kigira ki yiitwi? Akoli ki?”

1 Samweli 22:14

Ahimeleki yativura, “Daudi niyie aveeye mutumikiri musuuvirifu ligali kuvita ava oveeye navo vosi. Aveeye navizara woovo, munene wa vasikari valindaa ivi, kandi wahevwa luyali na vandu vosi munyumba yu vwami.

1 Samweli 28:21

Mukali zana yazia kuye nalora ndi atihiiziiywi kunangwa yamuvolera, Mwaza, “Mwami, mbiki livamwoyo liange mu vuhimwa ku likora cha oteevi.