1 Samweli 18:17 - KITABU KITAKATIFU

¹⁷ Maku Saolo yavolera Daudi, “Mukaana wange munene Merabu aveeye hano. Ndamuhaana ku ivi kuli mukali woovo ku livugilirizana ndi undumikiri kuli musikari muluviliri kandi musuuvirifu kandi ulwaane uvulwani vwa Yahova.” Saolo yaali naganagana ndi, munzira yiyi avandu va Filisitia valiita Daudi, vugira oyo kumwita.

1 Samweli 18:17 Iomraidhean Croise

2 Samweli 11:15

Daudi yang'oda navoora, “Viika Uria imbiri wi liihi wu uvulwani voveeye uvululu ligali. Maku mwiruki ma mwirane inyima muleke yiitwi.”

2 Samweli 12:9

Kigira ki nuchaya amalago gange? Kigira ki nokora inguuva ndamanu yiyi? Ivi walaga Uria yiitirwi muvulwani. Waleka vandu va Amoni vamwiti; ma nuvugula mukali weve!

2 Samweli 6:16

Lwi Lisandugu lie Lilagana, liali nilileetwa mu Lidaala linene Mikali, mukaana wa Saolo yahenzera mwidirisha nalora mwami Daudi navina kandi natuumatuuma mu livinira Yahova, kandi yavihilirwa ligali.

Zaburi 12:2

Vuli mundu avoora ovovehi ku wache, vagadana aveene naveene.

Zaburi 55:21

Makuva gu munwa gwigwe gaali manulu ligali kuvita isiagi, navuzwa yaali ni livihiliriza mu mwoyo gwigwe. Amakuva geege gaali kuli amaterere gokodotiza, navuzwa gakalagaa kuli vivavi viugi.

Tsing'ano 26:24

Mundu mwigadi avisaa vusigu vwivwe mu makuva geege guvugadi.

Tsing'ano 26:25

Makuva gege gahulirika vulahi, navuzwa utamusuuvila mba, kigira mwoyo gwigwe gwayizura uvusigu.

Tsing'ano 26:26

Anyala kwigadiza mu vusigu vwivwe, navuzwa vuli mundu alalola vindu vidamanu viakola.

Livalidza 21:14

Yicho nicho chagira kitabu chuvulwaani vwa Yahova kevoolaa, “Lidaala lia Wahebu liveeye mu Sufa kandi mavoona gazizaa kuduuka ku mugera gwa Arinoni

Livalidza 32:20

Musa yativura navoora, “Niiva mulakola yaga, imbiri wa yahova, mwetegeke ma muzie muvulwani.

Livalidza 32:27

Navuzwa kunyi vosi kwetegeki kuzia muvulwani kolondekana na malago ga Yahova. Kulambuka mugera gwa Jorodani nokulwaana kuli umali kuvoola.”

Livalidza 32:29

“Niiva zihiiri zia Gadi na va Rubeni zilambuka mugera gwa Jorodani ni zietegeki kulwaana kuli Yahova alagi, kandi niiva mulanyola vokonyi vwavo ma muguuti kivala yicho, muvahe kivala cha Gileadi kuli mwandu gwaavo.

Kwidzulitsa 17:7

Avaloli valava vukutanga kulasa kuye magina, maku avandu vandi valonde ku. Munzira yiyi mulatuliza uvudamanu yivu hagati winyu.

1 Samweli 14:49

Avayaayi va Saolo vaali Jonazani, Ishivi na Malikishua. Mukaana weve mukulundu yalangwa Merabu na umuke yalangwa Mikali.

1 Samweli 17:25

Avandu va Isiraeli vavolerana aveene naveene, “Loli mundu uyu! Huliri ku lilegeriza lilie! Mwami Saolo umali kulaga ndi alahaana madanyi manene ku musaza wita Goliati; mwami alamuha mukaana weve ave mukali weve kandi avinyumba ya baba weve sivatungizwa uvusuuru mba.”

1 Samweli 17:36

Inzi, mutumikiri woovo ndayita ving'ang'a kandi ni zidubu, kandi ndakora malala mere ku Mufilisitia musiindi uyu, umali konyega liihi lia Nyasaye, oveeye mwoyo.

1 Samweli 17:47

Kandi avandu vosi avavungi hano valalola ndi Yahova siyeenyaa ivivavi na matimu, okohonyia avandu veve mba. Aveeye muguuti mu vulwani kazozo, na alaviika munyi mwosi mu zinguru zietu.”

1 Samweli 18:21

Yavoola, “Ndahaana Mikali ku Daudi; Ndamutumikira kotega Daudi. Kandi alakiitwi na vandu va Filisitia.” Kunangwa ku ing'inga ya kaviri, Saolo yavolera Daudi, “Waza ove navizara wange.”

1 Samweli 18:25

na Saolo yavalaga vavoolere Daudi: “Chu mwami yenya vuzwa kutura ku ivi kuli uvukwi kigira mwiha na magodo 100 agakeveywe kutura ku vandu va Filisitia vakuzi, kuli kisaalia ku vasigu veve.” Nindi Saolo yasavira Daudi yiitwi na Avafilisitia.

1 Samweli 18:27

Daudi harara na vasikari veve vazia niviita avasaza Vafilisitia mia mbiri. Yaahira magodo gakeveywe ku mwami naamuvalizira goosi, kunangwa aduuki kuva navizara weve. Kunangwa, Saolo yamanya nahaana Mikali ku Daudi kuli mukali weve.

1 Samweli 25:28

Mwaza, nuyanza, ombere, mwami wange ku vudamanu vwa inzi mali kokora. Yahova alakola mwami, kandi kisukururwi chicho, kigira ulwaanaa amahe geege; na siulakola kindu kidamanu kali hakuzu ku lohono lwa ivi oveeye mwoyo mba.

1 Samweli 30:26

Lwa Daudi yirana mu lidaala lia Zikilaga, yatuma kidieli kilala chi vilaanye via yanyoora ku avalina veve, aviimiliri vi Ivuyuda, na makuva, “Ngiki kihanwa ku munyi kutura ku vilaanye via kwavugula kutura ku vasigu va Yahova.”