1 Samweli 17:46 - KITABU KITAKATIFU

⁴⁶ Lidiku lia lero yili Yahova alaviika ivi hasi hi zinguru ziange. Ndakuguuta kandi ndatema mutwi guugwo gutuli. Ndahaana miviri ja vasikari Vafilisitia ku manyonyi kandi zinyama zilie. Ahene yaho avandu vosi mu lirova valamanya ndi Isiraeli vaveeye na Nyasaye.

1 Samweli 17:46 Iomraidhean Croise

Litanga 40:19

mu madiku gavaga, mwami alakovoholora, na alakala mutwi gwugwo! Maku alasunga muviri gwugwo ku musaala; na manyonyi galakalia zinyama ziu muviri gwugwo.”

2 Samweli 18:28

Ahimaazi yacheliza mwami vudinyu, niyituula hasi umwene navoora, “Yahova Nyasaye woovo yizominywi, umali kukuha liguuta ku avasaza vibaara ku Mwami Wuluyali!”

2 Samweli 21:10

Maku Rizipa, mukali mbikaa wa Saolo, mukaana wa Aia, yatumikira zinguvu zia magunia kwelombera umwene lidili ku lwanda ukwimiviri mikuzu yijo jaali, kandi namenya ho kutura ku litanga lie ligesa kuduuka ing'inga yi imbura yaatanga kukuba ku miviri zana. Ing'inga ya mbasu, yakunga amanyonyi gavuli kuuza, kujilia, kandi ha vudiku, yaajikinga kutura ku zinyama ziu muvulimu.

1 Avami 8:43

huliriza ku lisaala lilie. Mwigulu, mwa ivi omenyi, umuhuliri kandi umukolere cha akoteeva, kunangwa vandu vosi vi lirova vaduuki kumanya ivi kandi vaduuki kutia ivi, kuli vandu vovo Isiraeli vakolanga. Hene yaho valamanya ndi Litembeli lia inzi mali kwumbaka yili ni havundu ha ivi unyala kusigamirwa.

1 Avami 8:60

kunangwa vandu vosi vilirova vaduuki kumanya ndi ivi Yahova wengine ovveye Nyasaye; kandi sihali nuwundi mba.

2 Avami 19:19

Kalunu, Yahova Nyasaye witu, ukosoole kutura ku Avasiria, kunangwa izihiiri ziosi zie lirova ziduuki kumanya ndi ivi weng'ine, O, Yahova, oveeye Nyasaye.”

2 Avami 5:15

Naamani na vandu veve vosi virana ku muporofeti Elisha. Yavoola, “Kalunu ndakamanya ndi sihali ho na nyasaye wundi navuzwa Nyasaye wa Isiraeli yeng'ine. Kunangwa, mwaza, yaanza vugilira kihanwa chu kuyanziza kutura ku inzi mutumikiri woovo.”

Zaburi 31:8

Ivi sioleki avasigu vange vaang'umiri; umali kumba ovovoholore hoosi ahumwoyo gwange gulalira.

Zaburi 46:10

Avoora, “Muchiring'ane kandi mumanye ndi inzi mbeeye Nyasaye! Inzi nzizominywa hagati hi zihiiri ziosi; inzi nzizominywa ku lirova liosi!”

Kutwula 9:16

Navuzwa kukumanyia zinguru ziange inzi mali koleka ivi ove mwoyo, kunangwa lusuma lwange luduuki kulanda mu lirova liosi.

Isaya 37:20

Kalunu, O, Yahova Nyasaye wiitu, okosoole kutura ku vandu va Asiria, kunangwa zihiiri ziosi zie kivala ziduuki kumanya ndi ivi weng'ine oveeye Nyasaye.”

Isaya 52:10

Yahova umali kumanyia mukono gwigwe mutakatifu imbiri wi zihiiri ziosi. Keheri choosi chi lirova kilalola ovohonyi vwa Nyasaye wiitu.

Isaya 56:9

Yahova yavolera zihiiri zing'eni: “Munyi zinyama ziosi zinduru, na munyi mwosi zinyama ziu mu mulitu, hambi mulie avandu vange.

Jeremia 19:7

Havundu hano, ndononyia lilohiza liosi lia avandu vi Ivuyuda na Jerusalemi. Ndakaleke avasigu vaavo vavaguuti nukuvitira muvulwani. Ndakahaane miviri jiavo mikuzu ku amanyonyi kandi zinyama ziumbulimu kuli chukulia.

Jeremia 34:20

ndavaviika ku vasigu vaavo avenya kuviita. Miviri jaavo mikuzu najiliivwi namanyonyi, nizinyama ziumuvulimu.

Danyeli 2:47

Mwami yavoola, “Nyasaye woovo aveeye munene kuvita vanyasaye vandi vosi, kandi aveeye munene kuvita avami, kandi niyie uvula viokogenyia vievisa. Inzi manyi yaga kigira waali nu vunyali kwivaala viokogenyia vievisu yivi.”

Danyeli 3:29

“Kalunu ndagizaa ndi, mundu woosi wi kivala choosi, zihiiri ziosi, anoho lulimi lomoloma makuva gu kuchaya Nyasaye wa Sadaraka, Meshaka na Abedinego, vivero vivie viladonyanywa, na inyumba yeeye ilava kitumi cha makindi. Si aveeye ho na nyasaye wundi unyala kohonyia kuli ndi mba.”

Matayo 24:28

“Havundu hi miviri mikuzu jiveeye niho ahi zindizu zievungizaa.

Kwidzulitsa 28:26

Lwa mukuza manyonyi gu muvulimu galalia miviri zienyu. Sihalavaho nu mundu wu wukuzikunga mba.

Kwidzulitsa 7:2

Lwa yahova Nyasaye winyu aguutaa zihiiri yizi, kuduuka mu viiti vosi ligali. Mutahambani navo anoho kuvaveera zimbavasi mba.

Kwidzulitsa 7:23

Yahova alaguuta vasigu vinyu kandi alavakola vadegere kuduuka vadivizwi vosi.

Joshua 10:8

Yahova yavolera Joshua, “Utavatia mba: inzi mali kuhaana kuivi liguuta. Sihaveeye ho numulala muvo unyala kusingira ku lihingira ivi mba.”

Joshua 4:24

Kigira yaga, vandu vosi ku lirova valamanya kuli ovonene uwe zinguru zia Yahova ziveeye namunyi mulahaana uluyali ku Yahova Nyasaye winyu mihiga ni mihiga.”

1 Samweli 14:6

Jonazani yavolera musoleri zana, “Genda kwambuki kuzie mu hokososa ha vandu va Filisitia vasindi yavo. Hawundi Yahova alakokoonya; niiva akola ndio, sikeveeye ho kindu kimwigalira avuli kuha kunyi liguuta, kali nikoveeye vakekeeke kuli ndi!”

1 Samweli 17:44

Yavolera Daudi, “Hamba hano noveeye musaza, na ndahaana muviri gugwo ku manyonyi ni zinyama zilie.”