1 Samweli 17:32 - KITABU KITAKATIFU

³² Daudi yavolera Saolo, “Utaleka mundu ku vosi akuze mwoyo kigira Mufilisitia uyu mba; ndazia kulwaana naye.”

1 Samweli 17:32 Iomraidhean Croise

Zaburi 3:6

Simbeeye nuvuti ukutia zielefu zia vasigu mba; avangumbirizaa zimbega ziosi.

Isaya 35:4

Muvoolere vuli mundu woosi utaveeye ni lilema mwoyo ndi, “Muve nizinguru kandi mutava avati mba! Nyasaye alaza kumusoola, kandi alahaana amageri ku vasigu vinyu.”

Isaya 7:4

Umuvolere ahenzerizi kandi yiituliri na atatia anoho kukuza mwoyo mba. Uvutima vwu mwami Rezini na Vasiria veve kandi mwami Peka sivaveeye nuvuhimwa ligali kuli mwoki gwi vigenga viviri mba.”

Livalidza 13:30

Kalebu yakiring'anyia vandu vaali ni vililira imbiri wa Musa, yavoola, “Gendi kuzie kuvingilira kalunu na kuvuguli kivala yiki. Kunyi koveeye ni zinguru kandi kulakiguuta.”

Livalidza 14:9

Mutahing'ana na Yahova mba, kandi mutatia vandu vamenyi mu kivala yiki mba. Kulavaguuta ligali. Yahova aveeye harara ni kunyi kandi amali kuguuta avanyasaye vaavo avavakingaa. Kunangwa mutatia mba.”

Vahebraina 12:12

Kunangwa gingi igulu makono ginyu gamali kuluha kandi mulungikizi amaru ginyu gamali kodedekera.

Joshua 14:12

Kunangwa kalunu, mbe kivala chi kiguru icha Yahova yandaga ku lidiku yilio lwa avandu vange harara ninzi kwahaana amakuva giitu. Kwakovoolera ulwene yilwo ndi ihiiri ya imindu minene ligali, avalangwa vandu va Anaki vaali yo mu madaala manene gizimbinga. Hawundi Yahova alangoonya, kuvakunga vatuli, kuli yahova yaali navooye.”

1 Samweli 14:6

Jonazani yavolera musoleri zana, “Genda kwambuki kuzie mu hokososa ha vandu va Filisitia vasindi yavo. Hawundi Yahova alakokoonya; niiva akola ndio, sikeveeye ho kindu kimwigalira avuli kuha kunyi liguuta, kali nikoveeye vakekeeke kuli ndi!”

1 Samweli 16:18

Mulala ku vatumikiri veve yavoola, “Jese, wi lidaala lia Bezelehemu, aveeye nu muyaayi oveeye mwimbi kandi ukubaa vukana vulahi. Aveeye musaza muluviliri kandi wi ligondo lilahi musikari wi liihi mulahi kandi mimolomi mulahi. Yahova aveeye harara naye.”

1 Samweli 17:31

Avandu valala vahulira aga Daudi yaali navooye; ma nivavolera Saolo, wamanya natuma mundu alange Daudi.