1 Samweli 17:26 - KITABU KITAKATIFU

²⁶ Daudi yateeva vasaza vaali nivaveeye ahimbi naye, “Musaza uva niyiita mundu Mufilisitia uyu nokovoholola Isiraeli kutura mu zisoni yizi alahevwaki? Kali ndio nivwaha, Mufilisitia musiindi uyu olegeriza liihi lia Nyasaye oveeye mwoyo?”

1 Samweli 17:26 Iomraidhean Croise

2 Avami 19:4

Mwami wa Asiria umali kutuma Rabishake, munene wa vanene veve kuuza konyega Nyasaye oveeye mwoyo. Yahova Nyasaye woovo ahuliri manyego yago nu kuhaana mageri ku yavo avagamolomaa. Kunangwa saali ku Nyasaye kigira avandu yavo avatigara mwoyo.”

2 Kyetsinyinga 32:17

Ibarwa yu mwami Senakeribu yang'oda yaali yukuchaya nokonyega Yahova Nyasaye wa Isiraeli ligali kandi kumutala vudamanu mbitilira. Ibarwa yavoola, “Avanyasaye vi zihiiri zie vivala vakikiri kohonyia ku avandu vaavo kutura mu zinguru ziange mba, kandi ndio Nyasaye wa Hezekia sialahonyia avandu veve kutura kuzinguru ziange.”

Nehemia 5:9

Maku ndavoora, “Icha mukoraa keveeye kidamanu! Muduukana mutie Nyasaye na mukore agaveeye malungi. Maku simulahana ku avizihiiri kivuni choosi icha vakokolera kehenyahenye mba.

Zaburi 44:13

Ivi wakokola nikololeka kuva linyegwa ku vatende tiitu, vakosekerizaa ni vakokolera kehenyahenye.

Zaburi 74:18

Navuzwa, O, Yahova, wizulizi ndi avasigu vovo vakosekerizaa, avandu vasiru vaanyegi lieta liilio.

Zaburi 79:12

O, Yahova, utungi zihiiri zindi haali saba, kigira amanyego goosi gavamali kokonyega.

Isaya 37:23

Uganaganaa nivwaha wa ivi onyegaa kandi kohenyahenyera? Ivi siuhaani luyali ku inzi, Nyasaye Mutakatifu wa Isiraeli mba.

Jeremia 10:10

Navuzwa ivi, Yahova, oveeye Nyasaye wagiligali, oveeye Nyasaye oveeye mwoyo kandi umwami uhindiraa mihiga ni mihiga. Lirova lidegera lwa oveeye nu vutima; izihiiri sizinyala kwikuzira ku vutima vuvwo mba.

Jeremia 9:25

Yahova avoora, “Madiku gaaza, lwa ndihaana mageri ku yavo vosi avakevwa vuzwa kuligodo -

Jeremia 9:26

Avandu va Egebeti, Ivuyuda, Edomu, Amoni, Moabu kandi avandu avamenyaa muchangalangwe nivivala vie ihale. Kigira izihiiri yizi ziosi nagiligali siziakevwa mba, kandi kali avandu vosi va Isiraeli sivakevwa mumwoyo mba.”

Ezekieli 28:10

Ulakitwi kuli imbwa navageni vataveeye avasuuvirifu. Inzi Yahova Wuvunyali, mali kovora.”

Danyeli 5:23

Oveeye ni liegingira ku Yahova wu mwigulu, kandi wavugula viju kutura munyumba ya Nyasaye wavileeta imbiri woovo. Wavihaana ku vandu vu munyumba yu vwamihi, avakali vovo kandi vakali vovo vaviika vanweramu iwaini. Wizominya avanyasaye valombwa kutura ku ifeza, izahabu, magina gu mugasa, vivia, misaala kandi magina; vanyasaye vatalolaa anoho kuhulira anoho vatamanyi, navuzwa si wahaana luyali ku Nyasaye oveeye ni litovola ku limenya anoho likuza mba; kandi oveeye nu vunyali ku vindu viosi via okolaa.

Danyeli 6:27

Ahonyia kandi asolaa; akolaa go kogenya, kandi vilolekizu mwigulu nu ku lirova yahonyia Danieli kuvula kwitwa ni zisimba.”

Danyeli 9:16

O, Yahova, kolondekana ni vikolwa vivio viu vulungi, tuliza vutima vwuvwo ku lidaala lia Jerusalemi, kiguru kitakatifu. Jerusalemi harara na vandu vovo vaduuki mulichaywa hagati hayavo vosi avamali ku kukumberiza.

Joeli 2:19

Yavativulira: “Kalunu ndamuha vuswage, iwaini na maguta ga muzeituni, na muliigutizwa ligali. Zihiiri zindi siziramulegeriza kandi mba.

Kwidzulitsa 5:26

Ni mundu ki uwamanya alava mwoyo niyakamara kuhulira Nyasaye oveeye mwoyo namolomaa kutura hagati hu muliru, kuli kunyi?

1 Vatesalonike 1:9

Avandu yavo vosi vamoloma kuli mwakwingiriza hagati hinyu lwa kwamugeniha. Kandi kuli mwaleka vifananyi nukuzia ku Nyasaye, kandi kutumikira Nyasaye wa giligali oveeye mwoyo,

Joshua 3:10

Lwa muva nimuzia imbiri kuvatulira, alakunga vandu va Kanaani, vandu va Hiti, vandu va Hivi, vandu va Perezi, vandu va Girigashi, vandu va Amori na vandu va Jebusi. Munyi mulamanya ligali ndi Nyasaye oveeye mwoyo aveeye hagati hinyu,

1 Yohana 5:20

kandi kumanyi vulahi Mwana wa Nyasaye umali kuuza kandi umali kukuha limanyiriza ku kuduuki kumanya Nyasaye wiligali. Kunyi komenyi muvuhambani na Nyasaye wiligali muvuhambani nu Mwana weve Yeso Kristo. Uyu niyie Nyasaye wiligali kandi yili nilio livamwoyo litahera mba.

1 Samweli 11:2

Navuzwa Nahashi yativura, “Ndalomba lilagana ni munyi niiva muvugiliraa mbuduli emoni yu mundu woosi yu mukono mulungi nandio ndaleta zisoni ku vandu va Isiraeli vosi.”

1 Samweli 14:6

Jonazani yavolera musoleri zana, “Genda kwambuki kuzie mu hokososa ha vandu va Filisitia vasindi yavo. Hawundi Yahova alakokoonya; niiva akola ndio, sikeveeye ho kindu kimwigalira avuli kuha kunyi liguuta, kali nikoveeye vakekeeke kuli ndi!”

1 Samweli 17:10

Lidiku lia lero mali kuchaya ovonene vwa mahi ga Isiraeli. Mumbe musaza mulala alwaane niinzi.”

1 Samweli 17:30

Yagirung'ana nazia ku mundu wundi kandi namuteeva liteeva lilala liere; yanyoora litivuli lilala liere kuli maziambiri.

1 Samweli 17:36

Inzi, mutumikiri woovo ndayita ving'ang'a kandi ni zidubu, kandi ndakora malala mere ku Mufilisitia musiindi uyu, umali konyega liihi lia Nyasaye, oveeye mwoyo.

1 Samweli 31:4

Yavolera muyaayi waginga viugi vivie, “Somola kivavi chicho na unziti, kunangwa avandu va Filisitia avasinde vavuli kongolera kehenyahenye nukunzita.” Navuzwa muyaayi zana yaali nuvuti vonene muno okokora ndi. Kunangwa Saolo yavugula kivavi chiche naagwa kucho.