1 Samweli 16:7 - KITABU KITAKATIFU

⁷ Navuzwa Yahova yamuvolera, “Utahenza ku vutambi kinga ku vulahi vwi ligondo lilie mba. Mali kumusuura, kigira inzi sindora kuli mundu alolaa mba. Umundu aheenzaa ku ligondo liukwiigulu, navuzwa inzi mbenzaa ku mwoyo.”

1 Samweli 16:7 Iomraidhean Croise

Litanga 4:5

navuzwa yasura Kaini harara ni isadaka yeeye. Kaini yaali nu vutima uvululu ligali, kandi navihilirwa ligali.

2 Samweli 14:25

Mu Isiraeli mwosi sihaaliho nu mundu uwamanyikana ligali kigira ligondo lilahi lilie kuli Abisolomu mba. Siyaali nimbala kutura ku induvatiru yeeye kuduuka ku lwote lwu mutwi gwigwe mba.

2 Samweli 7:20

Ivi umanya inzi mutumikiri woovo.

1 Avami 8:39

hulira lisaala liavo. Uvahulirizi noveeye yengo woovo mwigulu, uvasamihi, kandi uvakonye. Ivi weng'ine umanya zing'anagani ziu mumwoyo gwu mundu. Kolera sa mulala kuli adukanaa akolerwe,

1 Kyetsinyinga 17:18

Inzi nyara kovora ki ku ivi kuvita yaga! Ivi umanyi inzi vulahi, kandi uhaanaa luyali ku inzi, mutumikiri woovo.

1 Kyetsinyinga 28:9

Daudi yavolera Solomoni, “Mwana wange, ngovolera umanye Nyasaye wa baba woovo, ma kandi umutumikiri nu mwoyo gwugwo gwosi, nu vulaliri vwi zing'anagani zizio ziosi. Yahova amanya zing'anagani zietu ziosi kandi lienya lietu liosi. Niiva ulazia kuye, alakuvugilira; navuzwa niiva ulagirung'ana kutura kuye, alakoleka mihiga ni mihiga.

2 Kyetsinyinga 16:9

Zimoni zia Yahova zihenzaa havundu hoosi mu lirova liosi. Yahova ahaanaa lidinyiriza ku yavo avaveeye vasuuvirifu kuye. Kuyaga goosi, wakola uvudamanu, na kutura kalunu ulamenya mu, vulwani.”

2 Kyetsinyinga 6:30

Huliriza lisaala liavo kutura hango hoho mwigulu, ma uvasamihi. Ivi weng'ine umanya zing'anagani zia vuli mwoyo gwu mundu. Kolera vuli mundu sa mulala kuli adukanaa akolerwe,

Ayubu 10:4

Ivi ololaa vindu kuli mundu alolaa? Kandi oveeye ni zimoni kuli ziu mundu?

Ayubu 35:5

“Henza igulu mwigulu na olole, kandi olole amalesi gaveeye igulu kuvita ivi!

Zaburi 139:2

Ivi umanya inzi kandi vindu viosi viangolaa; ivi umanyirizaa zing'anagani ziange ziosi kali noveeye ihale.

Zaburi 7:9

Ivi Nyasaye oveeye mulungi, kandi umanya zing'anagani zietu ziosi ni likayirwa lietu. Heriza uvudamanu vwa vandu vadamanu kandi uhaane madanyi malahi ku valungi.

Tsing'ano 15:11

Kali niiva kivala cha vakuzu sikinyala kwigalira Yahova kumanya agaveeyo mba; vandu vanyara kuvisa ndi zing'anagani ziavo kutura ku Nyasaye?

Tsing'ano 16:2

Unyala kuganaganyia ndi viosi viokolaa viveeye vilahi, navuzwa Yahova akalagira zing'anagani zizio.

Tsing'ano 24:12

Unyala kovora yaga ngamanyi mba, navuzwa Nyasaye yamanya, kandi akalagira lienya liilio. Akohenzerizaa kandi yamanya. Alakuha amadanyi kolondekana ni miyinzi jijo.

Tsing'ano 31:30

Vulahi voveeye vwu vugadi, ni ligondo liveeye vuzwa, navuzwa mukali uhaana luyali ku Yahova adukanaa yizominywi.

Jeremia 11:20

Maku ndaasaara nembora, “Yahova Wuvunyali, ivi oveeye mukalagi mulungi; kandi ogerizaa mioyo ja avandu kandi zing'anagani ziavo. Inzi mali kuviika makuva gange ku ivi. Ndakayanzi kokolola nuvanzaa kisaalia ku avasigu vange.”

Jeremia 17:10

Inzi Yahova nyenyerizaa zing'anagani kandi ngeriza mioyo ja vandu. Inzi ngolera mundu samulala kolondekana ni limenya lilie, kandi kolondekana ni likora lilie.”

Jeremia 20:12

O, Yahova Wuvunyali, ivi ogerizaa avandu nuvulungi; wamanya agaveeye mu mioyo jaavo kandi mu zing'anagani ziavo. Kunangwa, ndakayanzi kolola ivi nuvaanzaa kisaalia ku avasigu vange, kigira inzi mali kuviika ku ivi kivuni cha makuva gange.

Luka 16:15

Navuzwa Yeso yavavolera, “Munyi muveeye yavo aveekolaa aveene kuva avalungi imbiri wa avandu, navuzwa Nyasaye yamanya mioyo jinyu. Kindu cha avandu vizominyaa kuva chuluyali ligali, imbiri wa Nyasaye kelolekaa kuva chukuvihiliriza ligali.

Yohana 7:24

Muleke kukalagira avandu kolondekana ni liloleka lie ichova, navuzwa mukalage likalaga lia muloraa ndi liveeye lia agiligali.”

Yohana 8:15

Munyi mukalagaaku zing'anagani zia avandu, navuzwa inzi singalagiraa mundu kali mulala.

Vikolwa 1:24

Kunangwa, vasaala nivavoora, “Mwami, ivi umanya mioyo ja avandu vosi. Ku lwa yago ukumanyie ni uliha ku avandu vaviri yava wa ivi otovooye,

2 Vakorintho 10:10

Kigira vavoola, “Zibarwa zia Paolo ziveeye ni zinguru, navuzwa mwene lwaveeza harara ni kunyi aveeye mudedekere mu muviri, kandi limoloma lilie siliveeye kindu mba.”

2 Vakorintho 10:7

Munyi muheezaa vuzwa ku ligondo lie ichova wi vindu. Mundu ku vosi niyiganagana umwene kuva aveeye muduukiru umutumikiri wa Kristo, gamudukira yiganagane umwene kigira kuli oyo aveeye wa Kristo, kunyi kandi koveeye ndio.

Vahebraina 4:13

Sihaveeye ho ni kindu kinyala kuviswa ku Nyasaye, vindu viosi vialombwa, viamanywa havulavu imbiri wizimoni zizie. Uyu niyie Nyasaye wa kulihaana kuye makuva gi vikolwa vietu.

1 Petro 2:4

Hambi ku Mwami, oveeye ligina limenya ilia vandu vambakana ligali, navuzwa mu zimoni zia Nyasaye yatovola kuva lio vokonyi kandi liu vuguli.

1 Petro 3:4

Navuzwa liesiaha lienyu live liu mu mwoyo; liesiaha litanyala kwoneka imihiga josi; iliveeye lia roho wo vohocha no vohoma, kandi oveeye nu vuguli ovonene imbiri wa Nyasaye.

Likunula 2:23

Nainzi ndiita valondi veve, kandi amakanisa goosi galamanya ndi ndaamanya zing'anagani zia vuli mundu harara ni lienya lilie. Ndatunga vuli mulala winyu kolondekana ni likora liayaakola.

1 Samweli 2:3

Lekera lieyizominya, leka limoloma liilio liu kwigingira. Kigira Yahova aveeye Nyasaye oveeye nilimanya, kandi akalagaa vindu viosi via vandu vakora.

1 Samweli 9:2

Yaali nu muyaayi walangwa Saolo, uwaali muyaayi wi ligondo. Yaali mutambi ligali kuvita vandu vandi vosi, kandi wi ligondo lilahi ligali kuvita.