1 Samweli 16:12 - KITABU KITAKATIFU

¹² Kunangwa Jese yatumana yaaze. Yaali muyaayi wiligondo lilahi ligali, wuvulamu vulahi, na zimoni zizie ziavereng'anaa vulahi. Yahova yavolera Samweli, “Uyu niyie; singira muvake amaguta!”

1 Samweli 16:12 Iomraidhean Croise

Litanga 39:6

Potifa yavika vindu viosi mu vulindi vwa Josefu. Si yenya kumanya vindu yivi mba, nitali yenya kumanya vuzwa chukulia cha yaalia. Josefu yaali wi zinguru kandi wi ligondo lilahi ligali.

2 Samweli 23:1

Daudi muyaayi wa Jese yaali mundu uwa Nyasaye yakola munene, uwa Nyasaye wa Yakobo yatovola kuva mwami munene, kandi mung'odi wi zinyimbu zindahi ligali kigira Isiraeli. Yaga na makuva gukumaliriza ga Daudi:

2 Samweli 7:8

“Kunangwa volera mutumikiri wange Daudi ndi, inzi Yahova wanyala Viosi muvooleraa, ‘Ndaakuvugura kutura mu liaya amagondi mu milimi kandi ningokola ove mwamihi wa avandu vange Isiraeli.

1 Avami 1:34

aha gaduukanaa Zadoku na Nazani vamuvakiri maguta kuli mwami wa Isiraeli. Ahene yaho, mulakuba kisiriva na muhanzuki, ‘Ahindiri mwami Solomoni!’

Zaburi 2:2

Avami vi lirova vibaara vene. Avamihi vaavo valomba zing'anagani mu vwivisu ukusuula Yahova Nyasaye Wuvunyali Viosi harara nu mwami mutovole weve.

Zaburi 2:6

Yahova avoora, “Mali kwamiihiza mwami wandatovola, ku Ziyoni, kiguru change kitakatifu.”

Zaburi 78:70

Yahova Nyasaye yatovola mutumikiri weve Daudi; naamutuliza ku miyinzi ju vwayi vwa magondi,

Kutwula 2:2

Mukali oyo yavereka niyivura umwana muyaayi. Lwa yalora ndi mwana uyu aveeye wi ligondo lilahi, yamuvisa ku lwi mieli jivaga.

Lwimbu lwa Solomoni 5:10

Muyanze wange aveeye wi ligondo lilahi kandi wi zinguru; aveeye mulala yeng'ine kutura mu vakali zielefu likomi.

Lisyoma lya Jeremia 4:7

Aviimiliri va Jerusalemi vaali avanifu ligali kuvita likonza, kandi avalavu kuvita amaveere. Miviri jaavo jaali milamu ligali kandi jang'ereng'anaa kuvita amagina guvuguli vonene.

Zekaria 4:14

Maku yavoola, “Yava na vasaza 2 va Nyasaye amali kotovola nu kuvavaka maguta vaduuki kutumikira Yahova wi kivala choosi.”

Vikolwa 4:27

“Kigira ligali, nindio Herodi Pontio Pilato, vavugana harara mu lidaala yili na Avizihiiri kandi avandu va Isiraeli, kuhingira Yeso, Mutumikiri woovo mutakatifu wa wakola ave Mesia.

Vikolwa 7:20

Musa yiivulwa ing'inga zana yeyo. Yaali mwana wi ligondo lilahi ligali. Yalelerwa munyumba yaavo ku imieli jivaga,

Vahebraina 11:23

Kigira lisuuvira lwa Musa yiivulwa, aviivuli veve vamuvisa ku mieli jivaga kigira valora aveeye Mwana mulahi; sivaatia kuvunaga malago gu Mwami wa Egebeti mba.

1 Samweli 16:18

Mulala ku vatumikiri veve yavoola, “Jese, wi lidaala lia Bezelehemu, aveeye nu muyaayi oveeye mwimbi kandi ukubaa vukana vulahi. Aveeye musaza muluviliri kandi wi ligondo lilahi musikari wi liihi mulahi kandi mimolomi mulahi. Yahova aveeye harara naye.”

1 Samweli 17:42

na lwa yahenza Daudi vulahi ligali, yakolera Daudi kehenyahenye, kigira yaali vuzwa muyaayi mulahi, wiligondo lilahi.

1 Samweli 17:55

Lwa Saolo yalora Daudi nazizaa kulwaana Goliati, yateeva Abineri, munene wi liihi lilie, “Abineri! Uyu nu muyaayi wa vwaha?” Abineri yativura, “Inzi si manyi mba, O, mwami wange.”

1 Samweli 9:17

Lwa Samweli yalora Saolo, Yahova yamuvolera, “Uyu niyie mundu wa ngovoleyange. Alamiiha avandu vange.”