1 Samweli 16:1 - KITABU KITAKATIFU

¹ Yahova yavolera Samweli, “Ulasiomera Saolo kuduuka ng'inga ki? Inzi mali kumusuura kuli mwami wa Isiraeli. Navuzwa kalunu vugula maguta ga Muzeituni na uzie Bezelehemu, ho mundu ulangwa Jese, kigira mali kotovola mulala ku vayaayi veve kuva mwami.”

1 Samweli 16:1 Iomraidhean Croise

1 Avami 8:16

‘Kutura ing'inga ya ndatuliza vandu vange mu kivala cha Egebeti, ningikiri kotovola lidaala linene ku goosi mu kivala choosi cha Isiraeli mwi Litembeli linyala kwumbakwa na ha nyara kusigamirwa. Navuzwa ndatovora ivi, Daudi, kwamiiha vandu vange.’ ”

2 Avami 9:1

Lidiku lilala, muporofeti Elisha yalanga mulala ku vaporofeti vayaayi namuvolera, “Wetegeke na uvuguli keseve cha maguta ga muzeituni yaga mu makono googo na uzie Ramozi mu Gileadi.

2 Avami 9:3

Mwituliri amaguta ga muzeituni yaga ku mutwi gwigwe, na ovoole, ‘Yahova alandizaa ndi akuvakaa maguta kuva mwami wa Isiraeli.’ Maku utuli ha vundu yaho vwangu kuli unyaliza.”

2 Avami 9:6

Vingira vombi munyumba, na umuporofeti musoleri oyo yitulura maguta ga muzeituni ku mutwi gwa Jehu, namuvolera, “Yahova, Nyasaye wa Isiraeli alandizaa ku ivi ndi: ‘Nguvakaa maguta uve mwami wa vandu vange Isiraeli.

1 Kyetsinyinga 11:3

Kunangwa aviimiliri vosi va Isiraeli vaza ku mwami Daudi ha Heburoni; yalomba lilagana navo imbiri wa Yahova, na vaamuvaka amaguta naagwa Mwami wa Isiraeli, kuli Yahova yaali niyamusuuviriza kuvitira ku Samweli.

1 Kyetsinyinga 28:4

Navuzwa Yahova, Nyasaye wa Isiraeli, yandovola kutura ku avinyumba ya baba wange vosi kuva mwami wa avandu va Isiraeli vosi kulwa mihiga ni mihiga. Yatovola ihiiri ya Yuda ukuhaana aviimiliri, na kutura mu ihiiri yiyi, yatovola avinyumba ya baba wange. Kutura munyumba yange yoosi, uvulariri vwivwe kumbugura no kongola mbe mwami ku Isiraeli vosi.

Isaya 11:1

Avinyumba yu vwami vwa Daudi vaveeye kuli umusaala gumali kotemagwa; navuzwa kuli visivu visivukaa kutura ku kitinya, nindio mwami muhia alasingira kutura hagati hi visukululwi via Daudi.

Isaya 11:10

Lidiku lizaa lwu mwami muhia kutura munyumba yu vwami vwa Daudi alava kelolero ku zihiiri ziosi. Valavunga harara mu lidaala lilie liu vwami nukumuha luyali.

Isaya 55:4

Ndaakola Daudi ave mwimiliri kandi munene wi zihiiri ziosi, kandi nimanyia zinguru ziange kuvitira muye.

Jeremia 11:14

Jeremia, utasaala ku inzi anoho kongonya muvogono vwa avandu yava mba. Lwa vaveeye mu vudinyu nu kwaniri ku inzi mbakonye, si ndahulira lianira liavo mba.”

Jeremia 15:1

Maku Yahova yambolera, “Kali niiva Musa na Samweli vakasingiyi hano nokogoonya inzi, sindakamanyi avandu yava livererera liange mba. Vakole vazie ihale; vakole vatuli imbiri wange.

Jeremia 6:30

Kunangwa valalangwa ifeza yasuulwa kigira inzi, Yahova mali kuvasuura.”

Jeremia 7:16

Yahova yavoola, Jeremia, “Utasaalira avandu yava mba, utavalirira kinga kusaalira kuinzi mu vogono vwavo mba; utavagoonyera ku inzi mba, utagonya inzi kigira yavo mba, kigira si ndakuhulira mba.

Zekaria 4:14

Maku yavoola, “Yava na vasaza 2 va Nyasaye amali kotovola nu kuvavaka maguta vaduuki kutumikira Yahova wi kivala choosi.”

Varumi 15:12

Isaya avoora “Kisukururwi cha Jese kilaloleka; kilaaza kwamiiha vandu vizihiiri, kandi navo valaviika lisuuvirizwa liavo muye.”

Vahebraina 11:32

Mbeeye namanyingi gokovoola, navuzwa zing'inga sizimbugiliraa mbore amakuva ga Gidioni, naga Baraka, naga Samusoni, naga Jafeza; naga Daudi, naga Samweli, naga Vaporofeti mba.

1 Yohana 5:16

Niiva mundu alolaa amwavo weve naakoraa uvwoni vutaveeye vumudukiza ku likuza, gamudukira amusaaliri ku Nyasaye, na Nyasaye alamuha livamwoyo litahera mba. Likuva yili mbolera yavo avakolaa uvwoni uvutavimiliraa kuduuka ku likuza. Navuzwa voveeye ho nu uvwoni vuhilaa vandu mu likuza. Simbolaa musaale Nyasaye ku vwene yivwo mba.

1 Samweli 10:1

Ahene yaho Samweli yavugula ijuba ya maguta ga muzeituni naazuka ku mutwi gwa Saolo kandi naamuvusa, kandi navoora, “Yahova akuvakaa maguta kuli mwamihi wa vandu veve Isiraeli. Ulamiha vandu veve na uvakingi kutura ku vasigu vaavo. Na yiki kilava kimanyiru ku ivi ndi Yahova umali kokotovolo kuva mwami wa vandu veve.

1 Samweli 15:11

“Mbereraa ndi ndaakola Saolo kuva Mwami; umali kugirung'ana kutura ku inzi kandi uvuli kuhulira malago gange.” Samweli yavihilirwa ligali, na uvudiku vwosi yanira ku Yahova namugoonyaa.

1 Samweli 15:23

Uvwibaali kuye voveeye uvudamanu kuli ovologi kandi kizalo keveeye kuli uvwoni uvwu kusigamira misambwa. Kigira wasuula lilago lia Yahova, naye umali kusuura ivi kuli mwami.”

1 Samweli 15:26

Samweli yativura, “Sindirana niivi mba. Ivi wasuula malago ga Yahova, naye ukusuuye kuli mwami wa Isiraeli.”

1 Samweli 15:35

Kumadiku goosi ga Samweli yaali mwoyo, siyaazia kolola mwami Saolo kandi mba; navuzwa yamusiomera ligali. Yahova yavelera kigira yakola Saolo kuva mwami wa Isiraeli.

1 Samweli 16:15

Avatumikiri vamuvolera, “Kumanya vulahi ndi roho mudamanu watumwa kutura ku Nyasaye akudambizaa.

1 Samweli 16:23

Kutura ulwene yilwo na kazozo, lwa roho mudamanu kutura ku Nyasaye gwaazaa ku Saolo, Daudi yavugulaa uvukana nu kuvukuba vulahi. Roho mudamanu gwaturaa kuye, Saolo yaali anyala kwihulira vulahi ligali.

1 Samweli 17:12

Daudi yaali muyaayi wa Jese, Umuefurazi kutura mu lidaala lia Bezelehemu mu kivala chi Ivuyuda. Jese yaali na vayaayi munane, kandi ku ing'inga ya Saolo yaali mwami, yaali naveeye musakulu wimihiga jiduuki.

1 Samweli 9:16

“Mugamba, ahimbi ing'inga kuli yiyi ndakutumira mundu musaza kutura mu ihiiri ya Benjamini; umuvake amaguta kuli mwami wa vandu vange va Isiraeli. Alavasoola kutura ku vandu va Filisitia. Mali kolola linyang'ana lia vandu vange kandi mali kuhulira lianira liavo nilienya vokonyi.”