1 Samweli 14:15 - KITABU KITAKATIFU

¹⁵ Avandu va Filisitia vosi avaari mu kiguti vaali ni vadegera lidegera linene ligali. Avalanyi na vasikari vi liihi avaari mu hokososa vaatenga novodegeri vonene kigira uvuti. Lirova liatenga ligali, kandi haali nilidundana linene ligali.

1 Samweli 14:15 Iomraidhean Croise

Litanga 35:5

Lwa Yakobo yaatanga logendo harara na vayaayi veve, avandu va madaala gaali ahimbi, vaali nuvuti ovonene ligali, na si vavalondelera mba.

2 Samweli 5:24

Lwa uhulira muliviti gwi ligenda ku zisonga zie misaala ji zinyangeleri, ahene yaho zia uvingiliri kigira ndava niing'endanga imbiri woovo kuguuta liihi lia Avafilisitia.”

Ayubu 18:11

Vindu viu kutihiza vimukumbirizi na vimulondeleraa zimbiru ahimbi nahimbi ku machi geege.

Zaburi 14:5

Navuzwa valatiihizwa; kigira Nyasaye aveeye harara na yavo avamutizaa.

Kutwula 19:18

Kiguru cha Sinai choosi chizula umwochi, kigira Yahova yaali niyiiki hasi ku cho mu muliru. Mwochi gwaazia igulu kuli mwochi gwi kisambiru kenene, na avandu vosi vaadegera ligali.

Danyeli 5:6

Maku ligodo lilie lia girung'ana, kandi zing'anagani zizie ziagota, vivero vivie viadegera kandi amalu geege gakubagana.

Matayo 24:6

Mulahulira amahi nulusuma lwa amahi, navuzwa mutahenda mioyo mba kigira ivindu yivi vilaza, navuzwa ekeheri chene kikiri kuduuka.

Joshua 2:9

navavoolera, “Inzi manya ligali ndi Yahova umali kuhaana ku munyi kivala yiki. Mundu sa mulala omenyi mu kivala yiki atiihiziywi ligali ni munyi.

Vakalagi 7:21

Vuli mundu yetegeka hayaviikwa ku lwako lwa hokososa, kandi liihi lia vandu va Midiani liosi lianyagura; vaakuba izikwiri niviruka.

1 Samweli 13:17

Avasikari vu vulwani vwa vandu va Filisitia vaatura mu hokososa haavo mu viduma vivaga kuzia kwingilira vandu va Isiraeli nukuvalaanya: Kiduma kilala chazia kolovega loheenza mu lidaala lia Ofura mu kivala cha Shuali;

1 Samweli 13:18

Kiduma kindi chazia kolovega loheenza mu lidaala lia Bezi-horoni, na ikindi chazia ku lwako loheenza livona lia Zeboiimu, kolovega loheenza mu ligendanyama.

1 Samweli 13:23

Avandu va Filisitia vaatuma valala ku vasikari vu vulwani kuzia kukinga inzira ya Mikimashi.

1 Samweli 14:14

Mu liita liukutanga yilio, Jonazani numuyaayi weve vita ahimbi avasaza sirini havundu harara haduukana inusu ye yeka ndala.

1 Samweli 14:16

Avasaza va Saolo yavika ku vulindi mu kivala cha Benjamini valora vandu va Filisitia nivanyagura yiyi na yiyi mu lidandana.

1 Samweli 7:10

Lwa Samweli yaali naahaanaa kisiuviriru chukusambwa zana, Avafilisitia visunda imbiri kuvingilira nukuvalwana; navuzwa ahene yaho vuzwa, Yahova yaahirigana kutura mwigulu ku vandu va Filisitia. Vadandana ligali ma niviruka mu lihenda mwoyo nokodegera.