1 Samweli 14:1 - KITABU KITAKATIFU

¹ Lidiku lilala, Jonazani yavolera muyaayi wamugingiraa iviugi vivie, “Genda kwambuki kuzie mu hokososa ha vandu va Filisitia.” Navuzwa Jonazani siyavolera baba weve Saolo mba,

1 Samweli 14:1 Iomraidhean Croise

Mika 7:5

Utasuvira mutende woovo mba; utaviika lisuuvira liilio mu mulina woovo mba. Ohenze vulahi ku agovoola kali kumukali woovo.

Vakalagi 14:6

Nonoho, Samusoni yahulira zinguru zia Yahova ni zimwizuuyi, na yatandulanyia isimba zana yeyo mu vidonye kuli umundu anyala kutandulanyia kememe chimbuli, kali niiva siyaali nichugi mu mukono gwigwe. Navuzwa siyavolera aviivuli veve chayaali naakori mba.

Vakalagi 14:9

Yavugula uvwuki mu makono geege nagenda nalia. Yaahilira ku baba weve na mama weve. Valia ku, navuzwa Samusoni siyavavoolera ndi avutulizi mu isimba yakuza mba.

Vakalagi 6:27

Kunangwa Gidioni yavugula avandu likomi mu vatumikiri veve, naakora kuli Yahova yamuvolera; kunangwa yaali natiiyi avandu vinyumba ya baba weve, kandi vandu vi lidaala yilio; siyaali anyala kusambula mbasu mba; yasambula vudiku.

1 Samweli 13:2

Saolo yatovola avasaza 3,000 kutura mu vandu va Isiraeli, vasaza 2,000 vaali harara naye ha Mikimashi kandi mu kivala chi vigulu cha Bezeli, na avasaza 1,000 vaali na Jonazani ha Gibea mu kivala chi ihiiri ya Benjamini. Saolo yatuma vasaza vandi vosi vazie yengo wavo.

1 Samweli 13:22

Kunangwa ku lidiku liu vulwani sihaali ho numulala ku vasikari va vandu va Isiraeli uwaali nikivavi kandi nilitimu nitali Saolo nu muyaayi weve Jonazani.

1 Samweli 13:23

Avandu va Filisitia vaatuma valala ku vasikari vu vulwani kuzia kukinga inzira ya Mikimashi.

1 Samweli 14:2

Baba weve yaali nalombi hokososa hehe isi wumusala gulangangwa mukomamanga, mu lidaala lia Migironi ahimbi na Gibea. Yaali na vasaza 600 harara naye.

1 Samweli 25:19

Maku yavolera vatumikiri zana, “Munyi mukore nimuzia imbiri na inzi ndamulonda.” Navuzwa siyavoola kindu choosi ku musaza weve mba.