1 Samweli 13:6 - KITABU KITAKATIFU

⁶ Maku vingilira vandu va Isiraeli ni induta enene ligali nivavakola kuva avadedekere. Avalala ku vandu va Isiraeli viivisa mu zimbangaywa numumaliina, anoho hagati mu zinyanda, anoho m'mbogo kandi mu visima.

1 Samweli 13:6 Iomraidhean Croise

2 Samweli 24:14

Daudi yavolera Gadi, “Mbeeye mu kivi kenene ligali. Leki kugwi mu makono ga Yahova, kigira zimbavasi zizie liveeye linene; navuzwa utaleka inzi ngwi mu makono ga avandu mba.”

Isaya 42:22

Navuzwa kalunu avandu va Nyasaye vamali kulanywa, vamali kotegwa nu kugumirwa kandi vavikiywi mu vuhambe, Siyaali ho nu mundu kali mulala uwaali anyala kuvahonyia mba, anoho kwilanyia ivilanye viavo mba.

Jeremia 41:9

Ovogo vwa Ishimaeli yasiuva mu miviri ja avandu vayaali niyiiti vwali vuvambalaru uvwu mwami Asa yaali nayavi lwu mwami Baasha wa Isiraeli yaali namwingiliyi. Ishimaeli yizuliza vogo ni miviri.

Ezekieli 33:27

“Uvavoolere ndi inzi, Yahova Wuvunyali, mbiganihizaa ndi, kuli mbeeye ligali Nyasaye oveeye mwoyo, avandu vamenyi mu madaala manene gaveeye mang'anye valitwa. Yavo avamenyaa mukivala valalivwa ni zinyama ziu muvulimu. Yavo avivisaa mu vigulu kandi mu zimbangaywa valakakuzi kigira vulwaye.

Vafilipi 1:23

Mbeeye hagati hi zimbega ziviri. Nyenya koleka livamwoyo yili kuzia komenya harara na Kristo, kigira yiki keveeye kindu kilahi ligali.

Vahebraina 11:38

Lirova si liali lilahi kuvo mba! Vavodong'ana kuli viruki mu changalangwi; kandi mu vigulu, nivamenyi mu zimbangaywa, nu mumalina.

Joshua 8:20

Lwa avasaza va Ayi viikivuka, valora umwochi niguduumaa. Sihaali ho ninzira ya virukira mu mba; kigira vandu va Isiraeli aviirukira muchangalangwe, vavingilira.

Vakalagi 10:9

Avandu va Amoni vaambuka mugera gwa Jorodani kulwaana izihiiri zia Yuda, Benjamini, na Efuraimu. Isiraeli yaali mu vudinyu harara ni lidambizwa linyingi.

Vakalagi 20:41

Maku avandu va Isiraeli vavagirung'ana, na vandu va Benjamini vaali nu vuti vonene ligali kigira vamanya vaali ahimbi kudivizwa.

Vakalagi 6:2

Avandu va Midiani vaali ni zinguru kuvita vandu va Isiraeli, na kigira ageene yaga, vandu va Isiraeli vivisa mu zimbanganywa na havundu handi muvigulu nu muviguuti.

1 Samweli 13:15

Samweli yatura Giligali nazizagilira nologendo lwilwe kuzia Gibea mu kivala cha Benjamini. Saolo yavaliza vandu vayaali harara naye. Vaduuka ahimbi avasaza 600.

1 Samweli 14:11

Kunangwa vombi valeka vandu va Filisitia vavalole, kandi avandu va Filisitia vavoola, “Henza! Avalala ku Avaheburaina vatuli mu malina mwa vivisangi!”

1 Samweli 14:22

Lwa vandu va Isiraeli vosi avaari ni viivisi mu kivala chi vigulu cha Efuraimu vahulira ndi avandu va Filisitia vaali kwiruka, navo kandi viiyunga mu vulwani kwingilira nokolondelera Avafilisitia.

1 Samweli 23:19

Avandu valala kutura mu lidaala lia Zifu vazia ku Saolo ha Gibea nivavoora, “Daudi yivisaa mu kivala chietu ha Horeshi ku kiguru cha Hakila, mu lovega lwa isavaalu lwi ligendanyama lie Ivuyuda.

1 Samweli 24:3

Yaza ha luhangaywa ahimbi ni vigo vilala via magondi viali kunzira kandi yingira mu ukwekonya. Muluhangaywa zana yilwo nimwo mwa Daudi na vasaza veve vaali nivivisi musi ligali.

1 Samweli 31:7

Lwa vandu va Isiraeli ku lovega lundi lwi Livona lia Jezireeli kandi ivugwi wumugera gwa Jorodani vahulira ndi liihi lia Isiraeli vamali kwiruka ma kandi Saolo harara na vayaayi veve vamali kwitwa, vaang'araa madaala gaavo niviruka. Ahene yaho vandu va Filisitia vaza nivavugura nokomenya mu.

1 Samweli 7:7

Lwa vandu va Filisitia vahulira ndi avandu va Isiraeli vamali kuvunga ha Mizipa, avami vanene vatano vandu va Filisitia harara na vasaza vaavo vuvulwani vatanga kuuza kuvingilira. Avandu va Isiraeli vahulira makuva yaga na vaali nuvuti,