1 Samweli 13:5 - KITABU KITAKATIFU

⁵ Avandu va Filisitia vavunga harara kulwaana Avaisiraeli; vaali na magare gu vulwani 30,000, avasaza vu kuniina ku zibarasi 6,000, na avasikari vuvulwani avanyingi kuli muyeke gwu ku lujinga lwi inyanza. Vazia Mikimashi, ivugwi wi lidaala lia Bezaveni, kandi nivalomba ho ahokososa.

1 Samweli 13:5 Iomraidhean Croise

Litanga 22:17

Inzi ndagaa ndi ndakakohe visukululwi vinyingi kuli zing'ereng'ani ziu muligulu anoho muyeke gwu kunyanza. Visukululwi vivio vilakaguuti nukuvugula miandu ja madaala ga vasigu vaavo.

2 Samweli 17:11

Livoora lie zing'anagani ziange liveeye ndi oleete avandu vosi va Isiraeli harara, kutura ku lwako lulala kuduuka ku lundi, avanyingi kuli muyeke ku lujinga lwi inyanza, kandi uviimiliri ivi mwene mu vulwani.

1 Avami 20:27

Avandu va Isiraeli navo valangwa harara kandi nivahevwa viukulia niviugi; vazia kwagana nukulwana navo. Valomba hokososa haavo mu viduma viviri viahenza lovega lwa vandu va Siria. Avandu va Isiraeli vaali kuli viayo viviri vie zimburi nolenganyia na Vandu va Siria vizura kivala choosi.

2 Kyetsinyinga 1:9

O, Yahova Nyasaye dukiza lisuuviriza lia walomba ku baba wange. Ivi umali kongola mbe mwami ku vandu avanyingi ligali kali sivanyala kuvalizwa mba.

Isaya 10:28

Liihi lia vasigu ligumiye lidaala linene lia Ayazi! Vavitiye mu Migironi! Vaaleki miandu jaavo ha Mikamashi!

Isaya 48:19

Zinzivulu zienyu ziakaveeye kuli muyeka, kandi visukululwi vienyu viakaveeye kuli zinzaro ziu muyeke, kandi ngano sindaamuvika ku lidivizwa mba.”

Jeremia 15:8

Vaveeye ho avakunzakali avanyingi mukivala chienyu kali kuvita zinzaro ziu muyeke mu inyanza. Ndiita avasoleri vinyu mu vosooleri vwavo; kandi ningora avamama vaavo nivasalirizwa ligali Nonoho ndaavakuya vululu ligali kandi nindeeta litihiza kuvo.

Hosea 10:5

Avandu vamenyi mu lidaala lia Samaria valava nuvuti kandi valasioma kigira igiriki yu mugasa ha Bezaveni. Yavo harara na avasaalisi vatumikira kifananyi valagilirira kigira uvukumi vumali kutulizwa kuyo.

Hosea 4:15

“Kali niiva munyi avandu va Isiraeli simuveeye avasuuvirifu ku inzi mba, vwakaveeye vulahi avandu vi Ivuyuda valavula kuva nilihiolo kuli yili. Mutasigamira ha Giligali anoho Bezaveni mba, anoho mutalomba malagano ku Yahova oveeye mwoyo mba.

Hosea 5:8

Mukubi visiriva viu vulwani mu Gibea! Mukubi kiliri mu Rama! Mukubi liyoga liu vulwani ha Bezaveni! O, munyi avandu va Benjamini, muzie muvulwani!

Varumi 9:27

Isaya yahanzuka ku Isiraeli navoora ndi: “Kali niiva avandu va Isiraeli vaveeye vanyingi kuli muyeke gwu munyanza, ni vakekeeke vuzwa kuyavo avalihonywa;

Joshua 11:4

Vaza na vasikari vi liihi vaavo vosi iliihi liali na vasaza vanyingi kuli muyeke ku lujinga lwinyanza. Vaali kandi ni zibarasi zinyingi kandi magare gu vulwani manyingi.

Joshua 18:12

Kolovega lwa ivaale, lwako lwavo lwatangira ha mugera gwa Jorodani ma kandi ni lwanigira ku visulungutu viveeye ivaale wa Jeriko kandi kuzia imadioli kuvitira mu kivala chi vigulu kuduuka ku changalangwe cha Bezaveni.

Joshua 7:2

Joshua yatuma avasaza valala kutura Jeriko vazie Ayi, lidaala liveeye ivugwi wa Bezeli, ahimbi Bezaveni, namalago ndi vazie kutunyiriza kivala zana yicho. Lwa vaali nivakamara kokora ndio,

Vakalagi 7:12

Avandu va Midiani, Maleki harara na avandu vi zihiiri ziu mwigendanyama vaaloreka kuva vanyingi mulivoona kuli izisigi, na vaali ni zing'amia izinyingi kuli umuyeka kulujinga lwinyanza.

1 Samweli 13:11

navuzwa Samweli yamuvolera, “Okoli ki?” Saolo yamutivulira, “Avandu vaali nivaanzirukaa, na ivi waali nukikiri kuuza kuli wavoola; komeeda ku agene yago, avandu va Filisitia vavunga ha Mikimashi.

1 Samweli 13:2

Saolo yatovola avasaza 3,000 kutura mu vandu va Isiraeli, vasaza 2,000 vaali harara naye ha Mikimashi kandi mu kivala chi vigulu cha Bezeli, na avasaza 1,000 vaali na Jonazani ha Gibea mu kivala chi ihiiri ya Benjamini. Saolo yatuma vasaza vandi vosi vazie yengo wavo.

1 Samweli 14:23

Kunangwa uvulwani vwazizagilira kali kuvita lidaala lia Bezihaveni. Yahova yahonyia Isiraeli lidiku liene yilio.

1 Samweli 14:52

Madiku goosi ga Saolo yaali mwoyo, yaali nuvulwani vululu na Vafilisitia. Kunangwa, lwa yanyoolaa musaza wizingulu anoho muluviliri yamuvugulaa ave mulala ku vasaza vi liihi lilie.

1 Samweli 17:1

Avandu va Filisitia vavunga harara ha Soko, mu lidaala lia Ivuyuda kwetegekera uvulwani; valomba hokososa havundu halangwa Efesi Damimu, hagati ha Soko na Azeka.

1 Samweli 7:13

Kunangwa Avafilisitia vaaguutwa, kandi Yahova yaavigalira kwingilira vandu va Isiraeli, ku madiku goosi ga Samweli yaali mwoyo.