1 Samweli 12:23 - KITABU KITAKATIFU

²³ Kolovega lwange si gandukira ngolere Yahova uvwoni ku livula kusaalira munyi. Mu vogono yivwo, ndamwigiza agaveeye malahi kandi malungi ku munyi kokora.

1 Samweli 12:23 Iomraidhean Croise

1 Avami 8:36

uhuliri lisaala liavo noveeye mwigulu. Samiiha mwami kandi vwa avandu va Isiraeli. Uvigizi vakole gaveeye malungi. Hene yaho O, Yahova, tuma imbura ku kivala chicho kinu, cha waha vandu vovo kuli miandu ji mihiga ni mihiga.

2 Kyetsinyinga 6:27

O, Yahova, hulira lisaala liavo mwigulu ma usamihi uvwoni vwa vatumikiri vovo, avandu va Isiraeli ma uviigize vakole agaveeye malungi. Hene yaho, O, Yahova, tuma imbura ku kivala chicho cha waha avandu vovo kuli miandu ji mihiga ni mihiga.

Zaburi 122:6

Musaale Nyasaye aduuki kuhaana mirembe ku Jerusalemi, “Leka yavo vosi avayaanzaa ivi vagasizwe.

Zaburi 34:11

Hambi munyi vana vange, mumbulirize, na nda mwigizaa kuhaana luyali ku Yahova.

Zaburi 34:12

Ni mundu ki ukayirangwa kuva ni livamwoyo? Kandi ukayirangwa komenya amadiku manyingi aduuki kuyaanzizwa ni vindu vilahi?

Kutwula 32:30

Kunangwa lidiku lialondaku Musa yavolera avandu, “Mumali kokora uvwoni ovonene ligali. Navuzwa kalunu ndanigira kuzia mukigulu ku Yahova; mbula ndanyoora lisamiifwa kigira vwoni vwinyu.”

Tsing'ano 4:11

Mali kukwigiza ovogeri ni liiva lilahi lio komenya.

Kohelethu 12:10

Mwilwazi yageriza kwenyaa makuva gu kuleminya mwoyo, navuzwa makuva ga yang'oda gaali giligali.

Isaya 30:21

Lwa mugendagendaa kutura kunzira yu mukono mulungi anoho kunzira yu mukono mumosi, mulahulira umwoyo gwigwe kutura inyima winyu nigovoora, “Inzira ni yiyi, mulonde kuyo.”

Jeremia 15:1

Maku Yahova yambolera, “Kali niiva Musa na Samweli vakasingiyi hano nokogoonya inzi, sindakamanyi avandu yava livererera liange mba. Vakole vazie ihale; vakole vatuli imbiri wange.

Jeremia 27:18

Niiva vaveeye avaporofeti va agiligali, kandi niiva vaveeye na amakuva gange, vateeve inzi Yahova Wuvunyali, mburi kuvugilira mavikiru gatigala mu Litembeli lia Jerusalemi kandi munyumba yu vwami yi Ivuyuda kandi vilanywe mu Babiloni.”

Jeremia 42:4

Maku ndaativura, “Inzi mali kumuhulira, ndasaara ku Yahova Nyasaye wiitu kolondekana ni ligoonya lienyu, na goosi agaativula ku munyi, ndamuvolera. Sindamuvisa kindu kali kilala mba.”

Jeremia 6:16

Yahova yavolera avandu veve, “Musingiri muvwavukaniru vwizinzira na muhenze. Muvateeve zinzira ziakale kandi winzira indahi eveeye. Mugeendeku kandi muramenya mumirembe.” Navuzwa vavoola, “Awa kokora mba!”

Vikolwa 12:5

Kunangwa lwa Petero yaali muvuhambe likanisa liamusaalira Nyasaye ni zinguru ziosi.

Vikolwa 20:20

Mumanyi vulahi sindaaleka kali hakuzu kumwilwazira imbiri wa vandu vosi, kandi mu zinyumba zienyu; nimwigiza goosi aganyala kumukonya.

Varumi 1:9

Nyasaye wa inzi ndumikiraa numwoyo gwange gwosi mu Iilwaza Ivangeri yu Mwana weve, aveeye mulolekizi wange ku gambolaa kigira gaveeye giligali. Nyasaye amanyi vulahi ndi inzi nzizuliza munyi vuli kazozo.

1 Vakorintho 9:16

Inzi simbeeye nu vunyali kwiyizominya vuzwa kigira nzilwazaa Ivangeri mba. Kali ndio, inzi mbeeye hasi ha malago kokora ndio. Kivi kenyoole niiva sindiilwaza Ivangeri!

Vakolosai 1:28

Kunangwa kwilwazaa Kristo ku vandu vosi kutumikira vogeri vwosi kuviganihiza kandi kuvigiza, kuduuki koleta vuli mundu imbiri wa Nyasaye, kuli mundu muduukiru mu Kristo.

Vakolosai 1:9

Kigira yaga, kutura nikuhulira, amakuva ginyu kwamenya ni kumusaalira kazozo. Koteva Nyasaye aduuki kumukola Mwizuli limanya liu vulaliri vwivwe, no vogeri vwosi kandi ni limanyiriza liosi lia Roho weve ahaanaa.

1 Vatesalonike 3:10

Kusaala Nyasaye vudiku nu mbasu ligali numwoyo gwitu gwosi aleke kunyi kololane nimunyi moni namoni, kuduuki kumuha ekegeheraa mu lisuuvira lienyu.

1 Samweli 12:19

kandi vavoolera Samweli, “Mwaza kusaaliri ku Yahova Nyasaye woovo, kunangwa kunyi avatumikiri vovo kuvuli kukuza. Kalunu kumanyi ndi, komeeda ku vwoni vwitu vundi vwosi, kwakora uvwoni ku liteeva koheevwe mwami.”

1 Samweli 8:6

Samweli si yayanzizwa ni liteeva liavo liu kwenya mwami mba; ku yasaala ku Yahova,