1 Samweli 12:22 - KITABU KITAKATIFU

²² Yahova umali kulagana ligali kandi si alamuleka mba, kigira umali kukalaga akole munyi kuva vandu veve.

1 Samweli 12:22 Iomraidhean Croise

1 Avami 6:13

Ndamenya hagati ha vandu vange Isiraeli na sindavaleka kali hakuzu mba.”

1 Avami 8:57

Yahova Nyasaye wiitu ave ni kunyi kuli yaali na vaguuga viitu; atakoleka kandi atakoleka mba.

2 Avami 14:27

Navuzwa sivwaali vulaliri vwa Yahova kudiviza Isiraeli ligali kandi mihiga ni mihiga, kunangwa yavahonyia kuvitira mu mwami Jeroboamu wa kaviri.

2 Avami 21:14

Ndakaleke vandu valahononoke, kandi ndakavahaane ku vasigu vaavo, avalivaguuta nu kulanya kivala chavo.

1 Kyetsinyinga 28:9

Daudi yavolera Solomoni, “Mwana wange, ngovolera umanye Nyasaye wa baba woovo, ma kandi umutumikiri nu mwoyo gwugwo gwosi, nu vulaliri vwi zing'anagani zizio ziosi. Yahova amanya zing'anagani zietu ziosi kandi lienya lietu liosi. Niiva ulazia kuye, alakuvugilira; navuzwa niiva ulagirung'ana kutura kuye, alakoleka mihiga ni mihiga.

2 Kyetsinyinga 15:2

ma yazia kwagana nu mwami Asa. Yamuvolera, “Mbulirizaa, mwami Asa harara na vandu vosi vi Ivuyuda na Benjamini! Yahova aveeye harara na munyi lwa mukikiri harara naye. Niiva mulenya Yahova mulamunyoola, navuzwa niiva mulatula kuye, naye alamuleka.

Nehemia 9:17

Vasuura kuhulira; vivilira vilolekizu ni viokogenyia viawakola hagati haavo. muligingila liavo vaatovora mwimiliri vaduuki kwirana mu vutugwa vwavo mu Egebeti. Navuzwa oveeye Nyasaye usamihaa; Ivi oveeye wizimbavasi kandi wuvuyanzi; wagalaha ku vutima, zimbavasi zizio ni zinene; Na ivi siwavaleka mba.

Zaburi 106:8

Navuzwa yavahonyia kuli yaali niyavasuuviriza. Kunangwa vaduuki kumanyia zinguru zizie zinene.

Zaburi 94:14

Yahova sialaleka avandu veve mba; sialang'ara yavo avaveeye aveeve mba.

Kutwula 32:12

Kigira ki avandu va Egebeti vavoole ndi ivi wimilira avandu vovo kutura mu kivala chavo kuvitira mu vigulu noveeye nililohiza liukuvadiviza ligali? Lekera kuva nu vutima; girung'anyia zing'anagani zizio, na utaleta ikivi yiki ku vandu vovo mba.

Isaya 37:35

Ndakinga kandi ndahonyia lidaala yili, kigira luyali lwange mwene kandi kigira lisuuviriza lia ndalomba ku mutumikiri wange Daudi.’ ”

Isaya 41:17

“Lwa avandu vange avadaka kandi avadambi vaveeye ni lienya amazi kigira uvuluhu, Inzi Yahova ndahaana amativuli ku lisaala liavo. Inzi Nyasaye wa vandu va Isiraeli sindavaleka mba.

Isaya 42:16

“Ndimilira avandu vange avavoku, kandi ndavamanyia inzira ya vakikiri kolonda ku. Ndagirung'anyia kisundi chavo kugwa uvulavu, kandi ndalungikiza kivala keveeye chamajichi kuva kilahi imbiri wavo. Yili nilio lisuuvirizwa liange ku vandu vange, kandi sindavaleka mba.

Isaya 43:25

Inzi mbeeye Nyasaye usamiihaa vwoni vwinyu; kandi ngolaa yaga kigira ku lwa inzi mwene. Sindizuliza uvwoni vwinyu kandi mba.

Isaya 43:7

Vaveeye avandu vange, ndaavalomba vaduuki koleta uvukumi ku inzi.”

Isaya 48:11

Ndaakola yaga kigira inzi mbeeye Wuvunyali, sindaleka lieta liange livuli kohevwa luyali mba, noho sindaleka munyasaye wundi kohevwa lizominywa mba.”

Isaya 49:15

Kunangwa Yahova yavativulira, “Mundu mukali anyala kwivilira umwana weve mudoto, Kandi anyala kuvula kuyaanza umwana weve wa yiivuyi mwene? Kali niiva alivilira mwana weve, navuzwa inzi sinyala kwivilira avandu vange mba.

Isaya 63:8

Yahova yavoola, “Ligali yava vaveeye avandu vange, avandu vatanyala kungada kali hakuzu.” Nandio yavahonyia.

Jeremia 14:21

Wizulizi malagano googo ku kunyi kandi utakoleganyia mba; utavika avandu va Jerusalemi, havundu he endeve yooyo yu vwami vwu vukumi mu zisoni mba. Utavunaga lilagana lia walomba ni kunyi mba.

Jeremia 14:7

Avandu vange valira ku inzi ni vavoola, ‘Kali niiva uvwoni vwitu vumali kukalagira kunyi aveene, O, Yahova okokonye kuli waakusuuviriza. Kwagirung'ana kutura ku ivi haali kanyingi; kandi kwamala kokora uvwoni imbiri woovo.

Jeremia 14:9

Kigira ki oveeye kuli mundu oveeye mu ligenya, kuli musikari utaveeye ni zinguru kokonya? O, Yahova, ligali ivi oveeye harara ni kunyi! Kunyi koveeye avandu vovo; utakoleka mba.’ ”

Lisyoma lya Jeremia 5:20

Kigira ki vakoleka kuing'inga itambi? Yivi alakakwizuliziku kandi?

Ezekieli 20:14

Navuzwa si ndaakola ndio mba, kigira yaga gaali ganyala kwikiza luyali lwange hagati hi zihiiri zialola ninyimiliraa avandu va Isiraeli kutura mu kivala cha Egebeti.

Ezekieli 20:9

Navuzwa sindaakola ndio mba, kigira yaga gaali ganyala kwikiza luyali lwange, kandi imbiri wi ihiiri yavamenyi hagati haavo, avandaali ninandizi mu vandu va Isiraeli ndi, nziza kuvatuliza mu kivala cha Egebeti.

Malaki 1:2

Yahova avooreraa vandu veve, “Inzi ndamuyaanza zing'inga ziosi.” Navuzwa vandu vaativura, “Ivi ukuyaanza kuli ndi?” Yahova yativura, “Esau na Yakobo vaali avamwavo, navuzwa ndayaanza Yakobo.

Matayo 11:26

Yee, Baba, nindio wenyaa gakoleke.

Yohana 15:16

Munyi simwandovola mba; navuzwa inzi ndamutovora kandi nimutuma muzie kwama makuyu manyingi kandi makuyu ginyu gahindiri; kunangwa Baba aduuki kumuha choosi cha muteeva mu lieta liange.

Varumi 11:1

Kunangwa, ndeva: Nyasaye yasura avandu veve? Sigaveeye ndio mba! Inzi mwene mbeeye mundu wa Isiraeli wi kisukururwi cha Aburahamu, wihiiri ya Benjamini.

Varumi 11:29

Nyasaye namali kugasiza avandu ni vihaanwa kandi namali kuvalanga, si agirung'anaa mu zing'anagani zizie kandi mba.

1 Vakorintho 4:7

Nivwaha wakokora kuva munene kuvita vandi? Siaveeye Nyasaye wakuha ivindu yivi viosi? Na niiva ivi waahevwa, kigira ki wigingira kuli kitaveeye kihanwa cha Nyasaye yakuha?

Vafeso 1:12

Kunangwa gendi kunyi ava kwaali vukutanga kuva ni lisuuvirizwa mu Kristo, kwizominyi uvukumi vwa Nyasaye!

Vafeso 1:6

Gendi kwizominyi Nyasaye kigira vukumi vwi zimbavasi zizie, ku kihanwa chiche cha yahaana ku kunyi mu Mwana weve Muyanze.

Kwidzulitsa 14:2

Muveeye avandu vatovole va Yahova Nyasaye winyu. Kutura mu vandu vosi ku lirova, Yahova umali kotovola munyi muve avandu veve mwene.

Kwidzulitsa 31:17

Lwa yago galiekoleka, ndakave nu vutima vonene ligali. Ndakavaleke kandi valakadivizwi. Amaduywa gukutihiza, manyingi ni kivi galakavagwiri, ma kandi valakamanyirizi ndi vindu yivi viekoleka kuvo kigira inzi, Nyasaye wavo simbeeye navo kandi mba.

Kwidzulitsa 31:6

Muve avagulu kandi avaluviriri. Mutatia kandi mutadegerizwa navo mba, kigira Yahova Nyasaye winyu alazia harara nimunyi. Sialamuleka anoho kumusuura mba.”

Kwidzulitsa 31:8

Yahova mwene alakwimilira kandi ave harara niivi. Sialamuleka anoho kumusura mba, kunangwa utakuza mwoyo anoho kutia mba.”

Kwidzulitsa 7:6

Mukore ndio kigira muveeye vandu va Yahova Nyasaye winyu. Kutura mu vandu vosi vilirova, Yahova Nyasaye winyu yamutovola muve avandu veve avadukiru kuvita avandu vandi.

Kwidzulitsa 9:5

Sigaveeye kigira muveeye avalahi kandi mukoraa agaveeye amalungi mba, nandio Yahova amuleeka mwidikiri mu kivala chavo mba. Navuzwa gaveeye kigira vaveeye avadamanu kandi kigira Yahova Nyasaye winyu yenya aduukizi lisuuvirizwa lia yisuhira avaguuga vinyu, Aburahamu, Isaka na Yakobo.

Vafilipi 1:6

Mbeeye ni lisuuvira ligali ndi Nyasaye watanga miyinzi milahi yiji mu munyi, alazizagilira najo kuduuka ajitwekizi ku Lidiku lia Kristo Yeso.

Vahebraina 13:5

Mutava niliiva liu kuyaanza mabese mba, navuzwa muvugiliri vindu via muveeye navio. Nyasaye umali kovora, “Inzi sindamwivilira mba.”

Joshua 7:9

Avandu va Kanaani kandi navandu vandi vosi mu kivala valahulira amakuva yaga goosi. Valakukumbiriza nukwita vuli mulala ku kunyi! Kunangwa ivi ulakola ki kulinda luyali lwi lieta linene liilio?”

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.