1 Samweli 12:20 - KITABU KITAKATIFU

²⁰ Kunangwa Samweli yavativulira, “Mutatia mba. Kali niiva mwakora kindu kidamanu kuli yiki, mutagirung'ana kutura ku Yahova mba, navuzwa mumutumikiri nimioyo jinyu josi.

1 Samweli 12:20 Iomraidhean Croise

1 Kyetsinyinga 28:9

Daudi yavolera Solomoni, “Mwana wange, ngovolera umanye Nyasaye wa baba woovo, ma kandi umutumikiri nu mwoyo gwugwo gwosi, nu vulaliri vwi zing'anagani zizio ziosi. Yahova amanya zing'anagani zietu ziosi kandi lienya lietu liosi. Niiva ulazia kuye, alakuvugilira; navuzwa niiva ulagirung'ana kutura kuye, alakoleka mihiga ni mihiga.

Zaburi 101:3

Sindavugilira uvudamanu ligali kuva imbiri wange kali hakuzu mba. Ndunyiraa vikolwa via yavo avagirung'ana okoleka Nyasaye; Sindahambana namakuva gaavo mba.

Zaburi 125:5

Navuzwa lwa uhaana mageri ku avachamu, uhaane mageri kandi ku yavo avalekaa zinzira zizio. Mirembe jive ku Isiraeli.

Zaburi 40:4

Vaveeye nuvugasu avandu vasuuviraa mu Yahova, avatagirung'anaa nu kusigamira misambwa, kandi siviyungaa ku yavo avasigamiraa avanyasaye vuvugadi mba.

Kutwula 23:25

Niiva mulasigamira inzi, Yahova Nyasaye winyu ndamugasiza ni viukulia kandi amazi, kandi ndatuliza uvulwaye vwinyu vwosi ku munyi.

Kutwula 32:30

Kunangwa lidiku lialondaku Musa yavolera avandu, “Mumali kokora uvwoni ovonene ligali. Navuzwa kalunu ndanigira kuzia mukigulu ku Yahova; mbula ndanyoora lisamiifwa kigira vwoni vwinyu.”

Jeremia 3:1

Yahova yavolera avandu va Isiraeli: “Niiva umundu alakunga mukali weve, naamuleke agwi mukali wu musaza wundi, sianyala kumwiranyia kandi mba. Yaga galononyia kivala ligali. Navuzwa munyi avandu va Isiraeli mwasigamira avanyasaye vandi vanyingi, kalunu mwenya mwirane ku inzi!

Haggai 2:5

Lwa mwatula mu kivala cha Egebeti, ndaalaga ndi ndava na munyi ing'inga yoosi. Inzi ngikiri harara na munyi. Kunangwa, mutatia mba.

Kwidzulitsa 10:12

“Kalunu avandu va Isiraeli, muhuliri aga Yahova Nyasaye winyu yenya munyi mukore: Sigamiri Yahova ma mukora goosi agalagaa. Mumuyaanze, mumutumikiri ni mioyo jinyu josi, na roho jinyu josi,

Kwidzulitsa 11:16

Mwilindi aveene gase mulagadwa mugirung'ane koleka Yahova kandi musigamiri nokutumikira avanyasaye vandi.

Kwidzulitsa 31:29

Manyi ligali ndi inyima wilikuza liange, avandu valagwa avadamanu kandi vasuuli icha ndaavigiza. Mu ing'inga yizaa, maduywa gukutihiza galavagwira, kigira valava ni vakora Yahova kuva nu vutima mulikola ga yavagaya vavuli kokora.”

Joshua 23:6

Kunangwa muve avagulu kuhulira kandi kokora goosi aga Musa yang'oda mu kitabu chiche chi Lilaga. Mutagirung'ana nokoleka likora lilago kali lilala mba,

1 Petro 3:16

navuzwa mukore yaga no vohoma kandi luyali. Muve ni zing'anagani zindahi kunangwa lwa munyegwa, yavo vamoloma nu kumunyega kigira miima jinyu milahi mu Kristo, vaduuki kuva mu zisoni.

1 Samweli 12:19

kandi vavoolera Samweli, “Mwaza kusaaliri ku Yahova Nyasaye woovo, kunangwa kunyi avatumikiri vovo kuvuli kukuza. Kalunu kumanyi ndi, komeeda ku vwoni vwitu vundi vwosi, kwakora uvwoni ku liteeva koheevwe mwami.”