1 Samweli 12:12 - KITABU KITAKATIFU

¹² Navuzwa lwa mwalora ndi mwami Nahashi wa Amoni aveeye ahimbi kumwingilira, mwambakana Yahova kuli mwami winyu kandi muvooleraa Inzi, ‘Kweenyaa mwami akwamihi.’

1 Samweli 12:12 Iomraidhean Croise

Litanga 17:7

“Inzi ndakalindi lilagana liange ku ivi kandi ku visukululwi vivio mu makura gaaza kuli lilagana lihindira mihiga ni mihiga. Inzi ndakave Nyasaye woovo kandi wi visukululwi vivio.

Zaburi 74:12

Navuzwa ivi O, Nyasaye, oveeye mwami wiitu kutura kale; ivi wakola manyingi kokohonyia haali kanyingi.

Isaya 33:22

Kigira Yahova aveeye mukalagi wiitu; alakakohonyie.

Jeremia 40:11

Lwa Avayuda vosi mu Moabu, Amoni, Edomu nivivala vindi viosi viahulira ndi mwami wa Babiloni yaleka vandu va Isiraeli valala kutigala mu Ivuyuda kandi vamali kotovola Gedalia mwana wa Ahikamu, mwana wa Shafani kuva umwimiliri wavo,

Hosea 13:10

Mwami winyu aveeye haliha aduuki kumuhonyia? Aviimiliri vinyu vosi vaveeye haliha vamukingi, avamwavoola, ‘Okohe mwami kandi okohe mwimiliri?’

Livalidza 23:21

Ndolaa madiku gaaza imbiri ga Isiraeli, sialavaleetela vudamanu naho vudinyu mba; Yahova Nyasaye wavo aveeye navo; valandiza ndi Yahova nu mwami wavo.

Vakalagi 8:23

Gidioni yavativulira, “Inzi sindava umwami winyu mba, kali umwana wange si alamwamiiha mba. Yahova niye waza amwamihi.”

Vakalagi 9:18

Navuzwa kalunu mwakugilung'ana vandu vinyumba ya baba wange. Mumali kwita avayaayi veve avasaza sabwini nimutumikira iligina lilala. Kandi kigira Abimeleki, umuyaayi weve wu mukaana mutugwa weve oveeye mwiko winyu mumali kumukola ave umwami ku vandu va Shekemu.

1 Samweli 10:19

Inzi mbeeye Nyasaye winyu, umuhonyiaa kutura mu kivi chienyu kandi mu vudinyu vwinyu vwosi, navuzwa kalunu, mumali kunyambakana kandi muteevi inzi muhe mwami. Vulahi ligali; kunangwa, mwivungize imbiri wa Yahova kolondekana ku zihiiri zienyu kandi ku miliango jinyu.’ ”

1 Samweli 8:3

Navuzwa vayaayi veve sivalonda mwima gwigwe mba; vaali vuzwa nu mwoyo gwu kwenya mabese; kunangwa vavugura viambeti na sivakalaga viina nu vusuuvirifu mba.