1 Samweli 12:10 - KITABU KITAKATIFU

¹⁰ Ahene yaho, vanira ku Yahova avakonye nivavoora, ‘Kunyi kwayona kigira kwagirung'ana nikutula ku ivi, Yahova, kandi nikusigamira vifananyi via Baali na Asitarite. Mwaza akohonyie kutura ku vasigu viitu, na kunyi kulakusigamira!’

1 Samweli 12:10 Iomraidhean Croise

Zaburi 106:44

Navuzwa Yahova yahulira lwa vanira kuye, kandi yalora lidambizwa liavo.

Isaya 26:16

O, Yahova, oheeye avandu vovo mageri, na mu vuzunu vwavo vululu, vasaala ku ivi.

Isaya 33:22

Kigira Yahova aveeye mukalagi wiitu; alakakohonyie.

Joshua 13:31

Ku inusu yi ihiiri ya Manase, iyaatula ku kisukururwi chaali harara ni inusu ya Gileadi, harara na Ashitarozi kandi Edirei, madaala manene gu vwamihi vwa Ogu mu Bashani. Kivala yiki choosi chahaanwa ku ihiiri yi kisukururwi cha Makiri muyaayi wa Manase.

Vakalagi 10:10

Maku vandu va Isiraeli vanira Yahova nivavoora, “Kwakora vwoni imbiri woovo, kigira kwaleka Ivi Yahova wiitu nukusigamira vanyasaye va Baali.”

Vakalagi 2:11

Maku vandu va isiraeli vaakora vwoni imbiri wa Yahova, nivatanga kusigamira vanyasaye va Baali;

Vakalagi 2:13

Valeka kusigamira Yahova, nivatanga litumikira vanyasaye Vabali na Ashitarozi.

Vakalagi 3:15

Navuzwa lwa vandu va Isiraeli vanira ku yahova, yavatumira umundu kuvavoholola. Umundu zana yaali Ehudi. Yatumikiraa umukono mumosi, na yaali umwana wa Gera, kutura muhiiri ya Benjamini. Avandu va Isiraeli vaatuma vihaanwa ku Egiloni umwami wa Moabu kuvitira ku Ehudi.

Vakalagi 3:7

Avandu va Isiraeli vivilira Yahova Nyasaye wavo; vaakora vwoni imbiri weve, kandi nivasigamira vifananyi via Baali na Ashera.

Vakalagi 3:9

Avandu va Isiraeli vanira Yahova, naye yatuma umundu wamanya navavoholola. Umundu zana yaali Ozinieli, mwana wa Kenazi, amwavo muke wa Kalebu.

Vakalagi 4:3

Jabini yaali na magare miatisa gi kivia, na yamiha avandu va Isiraeli nu vululu kandi ni zinguru ku mihiga sirini. Maku vandu va Isiraeli vanira Yahova avakoonye.

Vakalagi 6:7

Lwa avandu va Isiraeli vaali ni ku Yahova kigira Midiani,

1 Samweli 7:2

Lisandugu lie Lilagana lia Yahova liamenya mu Kiriazi-Jearimu ku ing'inga indambi, ahimbi mihiga sirini. Ing'inga yiyi yoosi, Avaisiraeli vosi vanira ku Yahova avakonye.

1 Samweli 7:6

Kunangwa vosi vavugana harara ha Mizipa vadaha amazi kandi nivagasundula ichova kuli kihanwa ku Yahova kandi ni vahonga lilia lidiku liosi. Vavoola; “Kumali kwonera Yahova.” Haali ha Mizipa ha Samweli yahuliriza lisolana lia vandu va Isiraeli nokoleta mirembe hagati haavo kandi kuvakalagira.