1 Samweli 10:3 - KITABU KITAKATIFU

³ Ulazizagilira kutura ahene yaho kuduuka lwa uzaa ku musaala mutakatifu ha Taba, aha nuwaagane na vasaza vavaga nivaziizaa kuhaana vihaanwa viavo ku Nyasaye ha Bezeli mulala kuvo naave niyimiliyi vimeme vivaga vie zimburi, na wundi nagingi migadi jivaga na wakavaga naave naveeye niimuuya ye kesero ni yizuuyi iwaini.

1 Samweli 10:3 Iomraidhean Croise

Litanga 28:19

Yalanga havundu yaaha “Bezeli” navuzwa maziambiri halangwa Luzi.

Litanga 28:22

Havundu hamali kuviika ligina liu kwizulizilaku yaaha, halava hu kukusigamira; kandi ku viosi via uhaana ku inzi, ndahaana ku ivi kidieli chi likomi.”

Litanga 35:1

Nyasaye yavolera Yakobo, “Zia Bezeli na omenye uwene yeyo. Unyumbakiri uwene yeyo uvwali. Nyasaye waloleka ku ivi lwa waali ni wiruka kutura ku amwavo woovo Esau.”

Litanga 35:3

Maku kulatula hano na kulazia komenya Bezeli, uwananyumbakiri Nyasaye uvwali; Nyasaye wangonya ing'inga ya ndaali mu vudinyu, kandi havundu hoosi handazizaa yaala harara na inzi.”

Zaburi 89:12

Ivi walomba lirova kutura Ivaale kuduuka Isavaalu; Avandu vu kukiguru cha Tabori kandi kiguru cha Herimoni viimba ni vizominya ivi kigira uvusangari.

Jeremia 32:8

Maku, kuli Yahova yaali navooye, Hanameli yaza ku inzi mu mugizi gwi inyumba yu vwami, hene yaho, yaandeva nguli mulimi. Kunangwa, ndaamanya ndi Yahova yaali naamulomi na inzi ligali.

Kyavalevi 1:10

Niiva mundu zana ahaanaa ligondi lilala ku chayo chiche cha magondi anoho chi zimburi, kuduuka keve kekore kitaveeye nimbala.

Kyavalevi 23:13

Harara nacho, mulaleeta zikilo ziviri ziu vusie vuzuganyiywi mu maguta ga muzeituni kuli kihanwa chichukulia kifunyaa mwayu. Mulaleeta kandi harara navwo, iliita indala yi waini.

Kyavalevi 3:12

Niiva alahaana imburi, alageleeta imbiri wa Yahova,

Kyavalevi 3:6

Niiva ligondi anoho imburi itumikiywi kuli kihanwa chi mirembe ku Yahova, kinyala kuva kekole anoho kisuveni, navuzwa kuduuka keve vugira imbara.

Kyavalevi 7:13

Komeeda ku kihanwa chiche chi mirembe chi lisandiza, alahaana milaango ji migadi gizuganyiywi mu mamera.

Joshua 19:12

Kolovega lundi lwa Saridi, lwazia ivugwi kuduuka ku lwako lwa madaala manene ga Kisilozi Tabori, Daberazi kandi kuduuka Jafia.

Joshua 19:22

Lwako lwidiira kandi ku Tabori, Shahazumari, na Bezi-shemeshi, niluduuka hamugera gwa Jorodani. Lwali harara na madaala manene komi na sita harara nu tudaala twago twagakumbiriza.

Vakalagi 20:18

Avandu va Isiraeli vazia havundu hukusigamira Yahova ha Bezeli, kandi nivateeva Nyasaye, “Hiiri ki idukanaa kwingilira vandu va Benjamini kutanga?” Yahova yativura, “Ihiiri ya Yuda.”

Vakalagi 20:23

Avandu va Isiraeli vazia nivalilira Yahova kuduuka hamugorova, kandi nivamuteeva, “Gakuduukiraa kwilane muvulwani kulwaane vandu va Benjamini avaveeye avamwavo viitu?” Yahova yavavolera, “Tuli muzie kuvalwaana.”

Vakalagi 20:27

Avandu va Isiraeli vazia koteeva Yahova. Mu madiku yago Lisandugu lia Malago ga Nyasaye liali ha Bezeli.

Vakalagi 4:12

Lwa Sisera yahulira ndi Baraka umali kuzia ku Kiguru cha Tabori,

Vakalagi 4:6

Lidiku lilala yatumana Baraka, mwana wa Abinoamu kutura Kedeshi mu kivala cha Nafutali, na amuvoleraa, “Yahova, Nyasaye wa Isiraeli akulagaa ndi, ‘Vugula avandu izielefu likomi kutura mu zihiiri zia Nafutali na Zabuloni, ma uvatumi ku Kiguru cha Tabori.

Vakalagi 8:18

Maku Gidioni yateeva Zeba na Zalimuna, “Vaali vandu ki avamwita ha Tabori?” Vaativura nivavoora, “Vafana kuli munyi; vuli mulala yafanaa kuli umwana wu mwami.”

1 Samweli 10:4

Valakucheliza na vakohe migadi giviri ku migadi zana; na ivi ulajivugilira kutura kuvo.