1 Samweli 10:27 - KITABU KITAKATIFU

²⁷ Navuzwa vandu valala avikivihiri vavoola, “Mundu uyu anyala kokokolera malahi ki?” Vachaaya Saolo kandi si vamuleetera ku kihanwa choosi mba. Navuzwa Saolo yakiring'ana.

1 Samweli 10:27 Iomraidhean Croise

2 Samweli 20:1

Yaali ho mundu mulala wi miima midamanu mu lidaala lia Giligali uwalangwa Sheba muyaayi wa Bikiri, uwi ihiiri ya Benjamini. Yakuba kisiriva kandi naalangiriza ndi, “Koveeye ni kidieli ki mu Daudi, kandi koveeye na miandu ki mu muyaayi wa Jese! Vasaza va Isiraeli, gendi kuzie sa mulala yengo, weve!”

2 Samweli 8:2

Maku yaguuta vandu va Moabu kandi. Yahaana lilago avahambe vagone hasi kandi niyiita vaviri ku vuli vavaga kuvo. Kunangwa vandu va Moabu vaagwa avatumikiri veve kandi vatuunga uvusuru kuye.

1 Avami 10:25

Vulii mundu waza, yamuletera vihaanwa, kuli; viju vie zahabu ni feza, ziganza, viugi, mudalasini, zibarasi, kandi zisukiri. Yaga gazizagilira vuli muhiga.

1 Avami 4:21

Vwamihi vwa Solomoni vwosi vwa haambanyia harara vivala kutura ku mugera gwa Efurate kuduuka ku kivala cha Avafilisitia, kandi kuduuka ku lwako lwa Egebeti. Avandu vi vivala yivi viosi vaatunga uvusuru kuye kandi yavamiiha mu madiku goosi ga yaali mwoyo.

1 Avami 5:1

Mwami Huramu wa Tiro yalange mulina wa Daudi kazozo, kandi lwa yahulira ndi Solomoni uvuguyi vogono vwa baba weve Daudi kuli mwami, yatuma vatumikiri veve kuye.

2 Kyetsinyinga 13:7

Lwinyima yavungiza harara muganda gwa vavunagi va malago avatakonya kindu, na vanigaa valeke uvulariri vwavo ku Rehoboamu muyaayi wa Solomoni, uwaali umwana muyaayi vuzwa kandi utaali nilimanya linyingi kuvahingiira.

2 Kyetsinyinga 17:5

Kunangwa Yahova yadinyiriza uvwami vwi Ivuyuda mu zinguru zizie, na vandu vosi vi Ivuyuda valetera Jehoshafati vihaanwa, na yagwa mutugi ligali.

Zaburi 38:13

Mbeeye kuli mundu wahana amatu, na sinyala kuhulira mba; mbeeye kuli idimbidi, sinyala komoloma mba.

Zaburi 72:10

Avami va Sipeini na vivisulu valamuha vihaanwa; avami va Sheba na Seba valamuleetera vihaanwa.

Kohelethu 7:21

Utahuliriza vindu viosi via vandu vavoola mba gase ulahulira mutumikiri woovo namoloma vudamanu.

Isaya 36:21

Navuzwa avandu vakiring'ana makiriri vuzwa, kandi sivamutivulira likuva kali lilala mba, kuli mwami Hezekia yaviganihiza.

Matayo 2:11

Vingira munyumba, ni valora umwana na Maria mama weve; na viinama imbiri weve ni vamusigamira. Vavoholora iziakiiba ziavo, ni vamuha vihaanwa viezahabu, ikimuli na manemane.

Vikolwa 7:35

“Musa uyu niyie wa avandu va Isiraeli vasuura lwa vavoola: ‘Nivwaha wakuviika ove mwimiliri kandi mukalagi wiitu?’ Kuvitira mu engelosi waloleka kuye mu kisaka chaali ni chaadukaa muliru, Nyasaye yatuma Musa uyu ave mwimiliri nu muvohololi wavo.

Kwidzulitsa 13:13

ndi avandu valala vadamanu vi ihiiri yinyu vamali kuhila halovega avandu vi lidaala liavo kusigamira avanyasaye va mwavura kusigamira maziambiri.

1 Samweli 11:12

Maku avandu va Isiraeli vavoolera Samweli, “Vaveeye haliha vandu vavoola ndi Saolo sialava mwami wiitu? Vahane ku kunyi, na kunyi kulaviita!”

1 Samweli 11:13

Navuzwa Saolo yavoola, “Sihaveeyeho nu mundu unyala kwitwa kalunu mba, kigira lidiku yili, Yahova umali kosoola Isiraeli.”

1 Samweli 16:20

Jese yatuma Daudi ku Saolo nekememe chi imburi, ibunda nigingi migadi kandi nu musigo gwe kesero nigwiizuyi iwaini du.

1 Samweli 2:12

Avayaayi va Eli vaali avadamanu ligali; sivahaana ku Yahova luyali mba,

1 Samweli 25:17

Mwaza yaanza ganagana ku makuva yaga, na ukalage cha okola. Yili linyala koleta kivi ku munene wiitu na vinyumba yeeye vosi. Aveeye kiyingwa ligali kali mundu anyala kumuvolera kindu mba.”