1 Samweli 1:19 - KITABU KITAKATIFU

¹⁹ Mugambazuri lidiku lialonda ku, Elikana harara na vinyumba yeeye vavuuka mu mavwevwe, kandi inyima wukusigamira Yahova, virana yengo wavo ha Rama. Elikana yaali harara numukali weve Hana na Yahova yamutivulira lisaala lilie.

1 Samweli 1:19 Iomraidhean Croise

Litanga 21:1

Yahova yagasiza Sara kuli yaali niyalaga,

Litanga 30:22

Maku Nyasaye yizuliza Raheli. Yamutivulira lisaala lilie kandi naamukora konyoora avana.

Litanga 4:1

Maku Adamu yaali harara nu mukali weve Hawa. Hawa yavereka ma niyivura mwana muyaayi, ma navoora, “Yahova amali kongonya konyoora mwana muyaayi.” Maku yamugulika lieta lilie “Kaini.”

Litanga 8:1

Nyasaye yizuliza Nuhu na vandu vinyumba yeeye, harara ni zinyama ziosi ziu muvulimu, mitugu, vimolaa viosi, kandi amanyonyi goosi gu mu ligulu gaali harara na Nuhu mu liato. Yakola imbuza kuhuuza ku lirova, na mazi gageeha.

2 Avami 4:17

Navuzwa kuli Elisha yaali navooye, ahimbi ku ing'inga yeyo muhiga gwalonda ku, mukali oyo yivula mwana muyaayi.

Zaburi 119:147

Kali imbiri wi liuva nilikikiri kotonga, nzanira ku ivi ongonye, lisuuviriza liange liveeye mu lilagana liilio.

Zaburi 136:23

Yahova siyivilira kunyi lwa kwaali ni kuguutiywi mba; kigira uvuyanzi vwivwe vuhindiraa mihiga ni mihiga.

Zaburi 25:7

Usamihi uvwoni na mahiolo gu vwana vwange. O, Yahova mu vuyanzi vuvwo uvutahera kandi mu vulahi vuvwo unzizulizi.

Zaburi 5:3

Mugambazuri, uhuliraa mwoyo gwange, lwi liuva litongaa mbana lisaala liange ku ivi, nu kulindilira mativuli googo.

Zaburi 55:17

Nzanira ku Yahova vuli mugambazuri, mbasu hagati kandi vudiku, lielilira liange liaduuka kuye naye alahulira.

Marko 1:35

Yeso yavuka mugambazuri chova nikikiri imwamu, natura munyumba. Yatura ichova wi lidaala nazia havundu ha avandu vaali nivataveeye nasalira ho.

Luka 23:42

Yavoola, “Yeso! Unzizulizi lwu uduuka mu Vwami vuvwo.”

Joshua 18:25

Gaali ho kandi madaala manene gandi komi na ine harara na madaala gago agagakumbiriza, nago ni yaga: Gibeoni, Rama, Beerozi,

1 Samweli 1:1

Haali ho nu mundu mulala uwalangwa Elikana, kutura mu ihiiri ya Efuraimu, wamenyaa mu lidaala lia Rama mu kivala chi vigulu cha Efuraimu. Yaali muyaayi wa Jerohamu kandi mwisukulu wa Elihu, kisukururwi cha Tohu, na kesoni cha Zufu.

1 Samweli 1:11

Hana yalagana na Nyasaye navoora, “O, YAHOVA WANYALA VIOSI, henza ku inzi mutumikiri woovo! Lola vudinyu vwange na unzizulizi! Utanzivilira mba! Numba mwana muyaayi, inzi suuvirizaa ndi ndamuhaana ku ivi, Yahova, mu livamwoyo lilie liosi na sialivega liisu lilie.”

1 Samweli 15:34

Maku Samweli yazia Rama, na mwami Saolo naye nazia yengo weve Gibea.

1 Samweli 16:13

Samweli yavugula lwiga lwa maguta ga muzeituni navaka Daudi amaguta imbiri wa vamwavo veve. Nonoho, Roho wa Yahova yagumira Daudi kandi yaali naye kutura ing'inga yeyo. Maku Samweli yirana Rama.

1 Samweli 19:18

Daudi yiruka nazia ku Samweli mu lidaala lia Rama namuvolera goosi ga Saolo yaali naamukoleye. Maku oyo na Samweli vazia komenya mu lidaala lia Nayozi.

1 Samweli 2:11

Maku Elikana yirana yengo ha Rama, navuzwa muyaayi Samweli yamenya mu Shilo. Yatumikira Yahova hasi hu musaalisi Eli.

1 Samweli 25:1

Samweli yakuza, kandi avandu va Isiraeli vosi vavugana harara nivamusiomera. Maku vaamuta hango hehe ha Rama. Inyima wa yaga, Daudi yazia mwigendanyama lia Parani.

1 Samweli 7:17

Maku yiranaa yengo weve mu lidaala lia Rama, uwa yatumika kuli mukalagi. Mu Rama, yumbakira Yahova uvwali.

1 Samweli 8:4

Ahene yaho aviimiliri vosi va Isiraeli vavugana harara, ni vazia ku Samweli mu Rama,

1 Samweli 9:26

Kandi yagona yo. Mu mavwevwe, Samweli yalanga Saolo naveeye kwigulu kwinyumba, “Vuka na ndakusamuliza uzie.” Saolo yavuka kandi yavo harara na Samweli vatura ni vazia kunzira.