1 Samweli 1:18 - KITABU KITAKATIFU

¹⁸ Naye Hana yamutivulira, “Leka mukali woovo anyoore livugilirwa mu zimoni zizio” kunangwa yazia, nalia viukulia. Mumoni mwimwe simwali novovereri kandi mba.

1 Samweli 1:18 Iomraidhean Croise

Litanga 32:5

Mbeeye ni viayo vie zing'ombe, zibunda amagondi, zimburi, kandi vatumikiri avasaza na vatumikiri avakali. Nduma makuva ku ivi mwami wange, uduuki kombera zimbavasi.”

Litanga 32:6

Lwa vaatumwa viirana ku Yakobo, vamuvolera, “Kwa kuduuka ku amwavo woovo Esau, na, aveeye kologendo kuuza kukwaganira. Aveeye harara na vasaza (400).”

Litanga 33:15

Esau yativura, “Leka ndeke valala ku vatumikiri vange nivi.” Yakobo yativura, “Ivi utakola ndio mba. Inzi mbeeye nuvuyanzi kigira inzi manyirizi ndi ivi umali kombera zimbavasi.”

Litanga 33:8

Esau yateeva Yakobo, “Nu muganda gwa mbugani nagwo kutanga gwaali guliha” Yakobo yativura, “Mwami wange, inzi ndaatuma muganda yigwo kunangwa ivi uduuki kumbugilira.”

Zaburi 34:6

Sivaveezaa mu zisoni mba. Mundu mudaka yaniraa ku Yahova, na Yahova ahulira, kandi amuhonyia mu vudinyu vwivwe vwosi.

Kohelethu 9:7

Uzizagiliri kulia chukulia chicho kandi usangale; Unwi iwaini yooyo kandi ove nu vusangali. Goosi gaveeye malahi ku Nyasaye.

Yohana 16:24

Kuduuka kalunu mukiri koteeva kindu choosi mu lieta liange. Musaale na munyi mulahevwa, kunangwa uvusangari vwinyu vuduuki kuduukizwa ligali.

Varumi 15:13

Nyasaye oveeye uvutangiliru vwi lisuuvirizwa amukole mwizuli uvuyanzi vwosi ni mirembe kuvitira mu lisuuvira lienyu muye, kunangwa lisuuvirizwa zana liduuki kuzizagilira kuviruka mu zinguru zia Roho Mutakatifu.

Ruth 2:13

Na Ruzi yavoola, “Oleke nyoore zimbavasi imbiri woovo, mwami wange, kigira oleminyi mwoyo gwange kandi kigira omboleeye inzi, mukaana mutumikiri woovo, makuva malahi, kali nindaveeye mulala ku vakana vatumikiri vovo.”

Ruth 2:2

Lidiku lilala Ruzi yavolera Naomi, “Leka nzie mu mulimi ndoore ingano elekeywi nonde avayinziri vagesi. Mbeeye nilisuvira ndanyoora mulala wi zimbavasi uvugilira mulonde inyima.” Naomi ya muvooleraa, “Zia, okole ndio mukaana wange.”