Rut 4:4 - La'aqtaqa Ñim Lo'onatac 'Enauacna 2013

⁴ Qaq sauotaique da 'auaỹaten de'era, cha'aye sa iuena'a da 'anshetaique da 'ausheenaxana, nache hua'aqchigui 'anqa'en ne'enaua nso'ootrañi qataq ne'ena nqueroxonecpi, maye lma' ne'ena huaqta'a't nỹecpi. Cha'aye 'am maye ỹataqta 'am sa qaỹapeque dam qana'acnaxac so Elimelec, ỹoqo'oye iuen da nache 'am da 'ausheenaxana yi'iye 'alhua. Qaq da sa 'aushet da 'ausheenaxana, nache no'on da aỹem 'aua'aqtaxanem yaqto' saỹateeta, cha'aye nache 'am da 'am seca'atalec de'era qana'acnaxac, ỹoqo'oye da sa 'ausheenaxana, nache aỹem sesheenaxana yi'iye 'alhua. Nache som lauo' le'ec somaye 'enapec: Aja', aỹem sesheenaxana.

Toba del Oeste

⁴ Qama'le nach'ena jena'me jenjo' jo'ne jetaque auayaten, nataq'aen qom jetaque auajelaĝanec, nataq'aen paja'a jetaque aua'uo ga'me at'ataĝac, qa'a uo'oe jonaa'me naajo' 'yaĝaicachidi jo'ne qo'mi yec'ate'tape, nataq'aen ena'te auoqovin joga'me at'aqatac. Nataq'aen am jo'ne yataqachiñe ja am 'te qaya'a jodi'me Elimélec, qama'le naqa'am jo'ne 'noota ta'le auajelaĝanec jena'me jenjo' aleua. Qalaĝaja qom ja auajelaĝanec, 'noota qom jayem a'uaĝatem nayi, qa'a nataq'aen jayem jo'ne am jajoyalegue da'me nataq'aen jayem laqaya jodi'me, jo'ne nataq'aen 'uo da'me ladic da'me jajelaĝanec jena'me jenjo' aleua.» Qama'le joñe'me laqaya enaac: «Jaja'a, jajelaĝanec jena'me jenjo' aleua.»

Rut 4:4 Iomraidhean Croise

Génesis 23:11

«¡'A'i, 'am ỹataxala', ñaq aỹem 'arqouaguec qome! Aỹem choche 'am saatem qome yi'iye 'alhua, qataq ñi auac maye naña yemaye. Qaq nam ihuo' le'ecpi ỹauaachigui, qataq ỹaỹateeta da choche 'am saatem yemaye, qaq 'aulayiña qome yemaye aca 'arhua.»

Génesis 23:18

somaye taỹot so Abraham da yaqto' lalamaxat. Qaq de'era ỹauaachigui 'enauac so hitiitapi, qataq som natapeuga so lasom se'eso huaqta'a't nỹecpi.

Jeremías 32:25

Qaq 'Am Nataxala', ¿ta'ainco' da aỹem qonapega da sesheenaxana qataq da sisheeten yi'iye 'alhua, qataq sauo'oi soua ỹauaachiguilo ñaqa'en, ye ne'ena huaqta'a't nỹecpi taỹa'a da loxonec na caldeopi?»

Romanos 12:17

Da huo'o ca sa qami' iyacna'ape, nache saishet da qavi'eguelaxachiỹa'aguet da sa qauyacñiỹapec. Nachaqrata da qanpogoxoiñiỹapegue' da qauo'oche ca no'on, da talec 'enauac qanqa'eñi namayepi.

2 Corintios 8:21

Qaq qomi' ñepogoxoinaqtapegue' da so'otaq ca ỹaỹamaqchiguiñi. Qaq saishet da sauoqtaique da nachaqñita Ñim Lo'onatac 'Enauacna da qomi' ỹauaachiguilo, maye nataqa'en na shiỹaxauapi.

Deuteronómio 25:8

Nache ca nqueroxonecpi maye netaña que'eca huaqta'a't nỹecpi, iỹaxaneuga camaye da yaqto' detaxaỹapegue'. Qaq da ñaq 'eetalec da ỹoqta sa nashen da huaroneguet acamaye,

Filipenses 4:8

Qaq de'era pa'atec qami' ỹaqaỹa't, 'eeta': ỹataqta qauennataxañiitelec cam ỹataqta 'eesa, qataq 'enauac cam ishet da huo'o naq 'enec qanqa'en, qataq 'enauac cam nalochiguiñi, qataq ca 'onaxaic, qauennataxañiitelec nataqa'en cam no'on nataxac, qataq 'enauac cam ishet da ỹo'ot da ño'oxonnataxanaxac.

Rut 2:20

Nache aso Noemí 'enapeco': «¡Ñim Nataxala' ỹanem qome da nqouagaxa camaye! Cha'aye Ñim Nataxala' saishet da ỹaxaañi da qomi' ỹachaxaategalo da lchoxonnataxanaxa, 'eeta'am da 'eetec co'ollaxa so mashe ileupi. Qaq que'eca shiỹaxaua camaye maiche qaralamaxat qarhuo' le'ec, qaq ỹoqo'oye nacheca qome ca ishet da qomi' ntela'alo.»

Rut 3:12

Qaq ỹoqta 'eesa da maiche 'am ihuo' lashe, qalaxaye huo'o so lỹa 'arhuo' le'ec maye ỹoqta sa qaỹapeque de'era qana'acnaxac.

Rut 3:9

Huaña, nache so Booz inat asomaye, 'eeta': ¿Negue't 'am? Nache asomaye ỹasateguet somaye, 'eeta': Qomye aỹem Rut, maye aỹem 'aramaxashe. Qaq 'am, maiche 'am ỹalamaxat ihuo' le'ec, ỹoqo'oye iuen da aỹem 'anapoxonaxanaxaaña na laỹe na 'arpo' da yaqto' aỹem 'antela'a.