Rut 4:1 - La'aqtaqa Ñim Lo'onatac 'Enauacna 2013

¹ Qaq co'ollaq ime de'era, nache so Booz taua'a so ñegueuo so huaqta'a't nỹecpi, nache nso'ooñi, qaq co'ollaq mashe nso'ootañi, nache nateugueye som lauo' le'ec maye ỹectega co'ollaxa somaye, nache iỹaxanapegue', 'eeta': Iỹa, ña 'auanaicna'a, 'anso'ooñi. Nache somaye anac, nache nso'ooñi.

Toba del Oeste

¹ Joñe'me Booz dajoyi jodi'me nadic nale qonec'ata jena'me noic, nataq'aen naq'aic jo'ne yelo'ta ga'me qouapega jena'me jiyaĝadipi nale dojapega't. Copa'ta joca'li ñichiñe joñe'me Booz, male ta'yedi joñe'me laqaya, qama'le joñe'me Booz yiyaĝanegue joca'li: «Cha'li jayem anec'ata, oñiiñe, nataq'aen da'me jayem anaquiaĝana.» Qama'le ñe'me jiyaĝaua ya'uo yema joga'me enaac ñe'me Booz.

Rut 4:1 Iomraidhean Croise

Génesis 19:1

Qaq co'ollaq mashe napaltapiguiñi nache soua dos namaxa'she piguem lashe' ivildeua'a so huaqta'a't nỹecpi ye Sodoma. Qaq so Lot nso'ootañi co'ollaxa, netaña so ñegueuo se'eso huaqta'a't nỹecpi, som laponqa' naxa 'enauac na shiỹaxauapi. Qaq co'ollaq ila'agueta soomaye, nache ñesheguem da nqo'onegueta. Qaq co'ollaq iviregueta, nache ỹa'alyiñi naua l-llecte, nache iviraxata'aguet na latap na 'alhua,

Génesis 23:10

Qaq so Efrón som hitiita, ye ỹalectaigui somayepi, nache ỹasateguet so Abraham, hua'aqchigui naqa'en so lauo' le'ecpi, qataq som natapeuga so lasom som huaqta'a't nỹecpi, nache 'eeta':

Génesis 34:20

nache somaye jec, nnaicapegue' so lta'a Jamor, tareuga so ñegueuo so huaqta'a't nỹecpi, som huaña naxa da qaitaxaỹapigui da menaxac. Qaq huaña yemaye, nache da'aqtaxaarem so shiỹaxauapi, maye lma' yi'iye 'alhua, 'eetra':

2 Samuel 15:2

Nache somaye no'ottasheguem naxa da nte'etom, nache tauga so loigue so nqa'aic maye taỹaua'a so ñegueuo so huaqta'a't nỹecpi. Qaq naxa da huo'o na taua'a so nta'a da yaqto' ỹaỹamaxaañi cam qancotatapigui. Nache so Absalón iỹaxanapegue' naxa, nache inattac chaq negue't ca huaqta'a't nỹecpi cam chegaqa'a. Qaq naxa da ỹa'axat da chegaqa'a na maiche nalamaxat nhuo' le'ecpi ye Israel,

2 Crónicas 18:9

Qaq so nta'a ye Israel, qataq so Josafat, maye nta'a ye Judá, ñi 'oonolec soomaye nso'ootangui aso maiche nso'onaxaqui, qataq ỹaatrañi soua alogo maye lo'onataxanaxaqui' da nta'a, netraña so naponqa' maye sa qaỹapeque so ñegueuo ye Samaria. Qaq 'enauac so na'aqtaxanaxanecpi datato'oto soomaye, ỹa'axattac na l-loxocpi.

Da na'aqtaguec so Job 29:7

qataq co'ollaq ñeso'ootaña naxa ye huaña da qoỹan da nqataxac, qataq da ñeso'ootaña ye naponqa' maye huaigui na huaqta'a't nỹecpi.

Da na'aqtaguec so Job 31:21

Qataq saỹauanago' da sareetalec ca qaicaua caua lta'al da serolec da shenec da yaqto' aỹem ỹalaxaguet na aloico lo'opi.

Salmos 69:12

Qaq na nso'ootaña ñi ñegueuo 'enauac da aỹem na'aqtaxaatapigui, na nỹomaxaicpi qalaq ỹo'ot na lo'onecpi da aỹem ỹe'eetac.

Proverbios 31:23

Qaq so lhua ỹataqta qaỹauattoota cam hueta'a huaqta'a't nỹecpi, qataq ỹataqta nalaigui na 'amaqtaqaicpi ca qanayeuta'a 'alhua.

Isaías 55:1

'Enauac nam ilem laquip, anac qome da yaqto' nỹomgui na 'etaxat, qataq nam qaca aca alom anac qome da ỹache na trigo maye qoỹaatem da yaqto' aloq, qataq yaqto' ỹanata na lataxa qataq na huaca lche' maye qoỹaatem.

Jeremías 32:10

Nache so'ot aso lmalate da nmenaguec qataq setoqoolec aso ỹa'anaxanaqte qataq sauo'oi soua ỹauaacheguelo ñaqa'en, ime nache ñaloqten aso plata maye nachaso aso ñasataxagui da lasheue.

Amós 5:15

¡Sa qauoñiiguet qome da qauem, nacherata da qauauochec da no'on! Qataq nam huañapi naxa da qanmit na nasouaxashetpi, nache qauo'oche qome da ỹaỹamaqchiguiñi lataxac, cha'aye Ñim Nataxala' maye Qaica ca Ỹaqalanapec, sa iuena'a da choche ichoxoren na lca'alaxaicpi Israel le'ecpi.

Zacarías 2:6

Ñim Nataxala' 'eeta', da la'aqtac: «Nache Aỹem maye qami' so'oteque co'ollaxa da qaulaquiilec ana 'alhua. Qalaxaye nagui qami' shenapegalo: ¡Sa qanaỹaloxoñi qome da qoquiỹa'ai ne'ena 'alhua maye pa'aigue da sheu'!

Deuteronómio 16:18

Nache 'enauac ñi 'oonolec que'eca huaqta'a't nỹecpi maye ỹotta'a't naua nañalo, maye Ñim Nataxala' maye Qanatamnaxala'ai qami' ỹanema qome, qauauoi qome cam nataxala'pi qataq ca aloico lo'opi, da yaqto' ilo'ogue qataq nalochiguiñi naqa'en da nmit ca nasouaxashet.

Deuteronómio 17:5

nache que'eca ỹale huo'otaq 'alo maye ỹo'ot de'era saỹaỹamaxañi, qaỹauegueuga ca ñegueuo ca huaqta'a't nỹecpi nache qaira'a ca coma' da qaỹasaq choche ivitta'a da ileu.»

Deuteronómio 21:19

nache ca lta'a qataq aca late'e camaye, ỹauegueua'alo ca nqueroxonecpi maye netaña ca ñegueuo ca huaqta'a't nỹecpi,

Deuteronómio 25:7

Qaq que'eca ỹale da saishet da huaroneguet aca llo'oxoua, nache acamaye taỹa ca ñegueuo ca huaqta'a't nỹecpi maye hueta'a ca nqueroxonecpi nache, 'eeta': So ỹo'oxoua saishet da nache 'eetai' naqa'en da le'enaxat so lqaỹa ne'ena Israel, cha'aye saishet da ipaguelec da lataxac da qaỹaroneguet ca ño'oxoua.

Josué 20:4

Qaq que'eca shiỹaxaua qom huo'otaq ỹe'eguena ca 'oonolec que'eca huaqta'a't nỹecpi maye ñe'eguenaxaquipi, nache camaye da ivireua'a ca lasom ca lpaqtaxat que'eca huaqta'a't nỹecpi, nache ỹa'axat ca huo'omshe naneltaxaatac, da'aqtaxaatem ca nqueroxonecpi maye nataxala'pi que'eca huaqta'a't nỹecpi. Huaña, nache que'eca nqueroxonecpi nasheeteguet qome camaye, nache inoxonaqcheteuo, nache ỹanem ca lanataqa' da yaqto' naña camaye.

Rut 3:12

Qaq ỹoqta 'eesa da maiche 'am ihuo' lashe, qalaxaye huo'o so lỹa 'arhuo' le'ec maye ỹoqta sa qaỹapeque de'era qana'acnaxac.

Rut 3:18

Nache aso Noemí 'enapego' asomaye, 'eeta': 'Am ỹalole, 'auata'a nagui ca 'eetec qome ca qaỹataxaateuga de'era, cha'aye se'eso ỹale saishet qome da nmatec ne'ena na'a'q, da saxanaxa da ỹañoxot da ỹoicnapec ca lataxac de'era.