Rut 2:3 - La'aqtaqa Ñim Lo'onatac 'Enauacna 2013

³ Nache aso Rut jec, tauga so nanaxanaqa', nache natota'aguet ana ala so nañiguishec maye no'onaxatañi som deqataxaatacpi. Qaq so nanaxanaqa' maye tateua'a asomaye, nache lanaxanaqa' so Booz, som lauo' le'ec co'ollaxa ye Elimelec.

Toba del Oeste

³ Qama'le jañe'me Rut male ec joca'li, dajoyi ga'me nanaĝanaqa', qama'le joca'li male ue'ta di'me aleua male yacona jena'me ja yacota naa'me dapogaĝa'tape, qalaĝaja ch'e petauo joca'li jañe'me. Qalaĝaja di'me nanaĝanaqa' jo'ne ueta'ña jañe'me mach'e loĝot joñe'me Booz, jo'ne mach'e laqaya jodi'me Elimélec.

Rut 2:3 Iomraidhean Croise

2 Samuel 1:6

Nache somaye 'enapeco': Qomye choche huaqteguet da soota'a añi qasoxonaxa Gilboa, nache selota'a so Saúl, da ỹasheltalec aso lataquiaxai, qaq aso naigonapi qataq so netalec so caipi mashe nayeeta'a somaye.

2 Samuel 20:1

Qaq huo'o so qauemaic shiỹaxaua netaña ye Gilgal, somaye chegoxoguet so Benjamín, le'enaxat Sebá, som llalec so Bicri. Somaye ỹashiiyigui co'ollaxa aso nasheere peenaq lcoue, nache 'eeta': ¡Qami' Israel le'ecpi, 'onaxaic da 'enauac she'eguelaxasaxalo naua qarma'ate, cha'aye qaica da huo'o ca ñeuanaqaua'a, qataq da huo'o ca qomi' taleguete nataqa'en da seca'ataqtague' so David, som llalec so Yesé!

2 Reyes 8:5

Qaq co'ollaq so Guejazí ñaq da'aqtaxaatapeguem so nta'a da 'eetec so Eliseo co'ollaq nca'alaxatec so nogotolec maye mashe ileu, nache ivireuo asa'aso 'alo maye nachaso aso ỹa'axattac somaye, da iỹaxaneua'a da qaỹe'eguelaxatem so lma', qataq so na'alhua. Nache so Guejazí, 'enapeco': «'Am nta'a, maye ỹataxala', ara'ara 'alo, nachara ara sa'axattac qataq 'era da llalec maye so Eliseo nca'alaxatec.»

Mateo 10:29

Caua dos qoỹolqa da qaime'n, nache aca lasheue 'oonole lcatole. Qalaxaye saishet da ileu' caamaye da Ñim Lo'onatac 'Enauacna maye Qarta'ai saishet da la'aqtac.

Lucas 10:31

Qaq huaqteguet se'eso na'a'q da quetague' se'eso nqa'aic so 'oonolec nam ltaxaỹaxanaxanec na shiỹaxauapi da qaitaxaỹapegue' Ñim Lo'onatac 'Enauacna. Qalaxaye co'ollaq ila'a, nache napactalec.

2 Ts 3:12

Que'eca shiỹaxaua samaxasoxonaxalec qataq seqataxa, cha'aye qomi' lamaxa'she So Qarataxala' Jesucristo, da camaye ỹataqta do'onataxan, saqca ca taỹapigui lauel yaqto' ishet da nauec ca lhuenec qataq ỹaxaañi da sa ỹalemaxat na laỹepi.

Rut 2:2

Qaq huo'o so na'a'q nache aso Rut, maye Moab lashe, 'enapego' aso Noemí, 'eeta': «Aỹem 'auasheetec qome da sauga ye nanaxanaqa', shapegueto' da huo'o ca aỹem ỹasheetem da choche seca'attaueegue da yaqto' ñatota'aguet na naañi ala na nañiguishec maye qanqattac.» Nache asomaye 'enapeco': «Aja', 'aue, 'am ỹalole.»

Rut 2:4

Qaq huaqchigui co'ollaxa da se'eso na'a'q nvirec so Booz, chegaqaua'a ye Belén, nache somaye iquin so deqataxaatacpi, 'eeta': ¡Qami' hueta'agueta qome Ñim Nataxala'! Nache somayepi ỹasateguet somaye, 'eeta': ¡Da lchoxonnataxanaxa Ñim Nataxala', 'am huetalec qome!