Rut 1:2 - La'aqtaqa Ñim Lo'onatac 'Enauacna 2013

² Qaq somaye le'enaxat Elimelec, qaq aso lhua le'enaxat Noemí, qaq soua dos llalqa le'enaxa't, Majlón qataq Quelión. Qaq soomaye Efrata lashe', maye nacheye ye Belén. Qaq co'ollaq ivitra yi'iye 'alhua Moab, nache neraña soomaye.

Toba del Oeste

² nach'egaua Mahlón nataq'aen Quilión. Yemeda naa'me naajo' mach'e Belén laje'. Ca'li male yovideta di'me Moab, qama'le neda'ña joca'li di'me dijo' aleua.

Rut 1:2 Iomraidhean Croise

Génesis 35:19

Qaq 'era da 'eetec aso Raquel co'ollaq ileu, qaq nache qailareña so loigue so nqa'aic maye taỹa'a ye Efrata, yem le'enaxat nagui da Belén.

Miqueas 5:2

Qaq 'am Belén, Efrata maye 'am saq 'amaqtaq da 'aualectaigui nam nhuo' le'ecpi na Judá, qalaq nache 'am chegoxoigui cam nataxala' qome na Israel, maye chegoxoguet so ỹataqta hua'auchiguiñi nhuo' le'ecpi.

Jueces 17:7

Qaq huo'o co'ollaxa so nsoqolec maye chegoxoguet so lauo' so Leví maye chochaq hueta'a co'ollaxa ye Belén som lma' so maiche lauo' le'ecpi so Judá.

Jueces 3:30

Qaq 'era da 'eetec co'ollaxa da so Israel le'ecpi nauec so Moab le'ecpi. Qaq co'ollaq ime de'era, nache huo'o da nlagaxayec se'eso 'alhua imattrec soua ochenta vi'iye.

Rut 1:3

Qalaxaye so mashe qaỹata'ague da netraña ye Moab, nache ileu so Elimelec, som lhua aso Noemí, huaña nache asomaye nda'agueta soua dos llalqa.

Rut 1:5

nache nataqa'en ileu so Majlón qataq so Quelión. Huaña nache aso Noemí nda'a't, cha'aye ileu' soua llalqa qataq so lhua.

Rut 2:1

Qaq aso Noemí, huo'o co'ollaxa so lauo' le'ec som lhua Elimelec, qaq somaye le'enaxat Booz. Qaq somaye ỹataqta sallaxanec, qataq ỹataqta huo'o naq 'enec.

Rut 4:9

Huaña nache so Booz 'enapega so nqueroxonecpi, qataq som ỹauaatauopi, 'eeta': 'Enauac da qoñeeta, aỹem qauauañiichigui nagui da aỹem ñemene' aso Noemí, da sesheenaxana ye 'alhua maye lalamaxat co'ollaxa so Elimelec, qataq soua llalqa Quelión qataq Majlón.

1 Samuel 1:1

Qaq se'eso nma' maye huaigui aye qasoxonaxapi ye Efraín, le'enaxat Ramá, nache netaña co'ollaxa so ỹale maye chegoxoguet so llalaqpi so Suf, qaq somaye le'enaxat Elcana. Somaye nache llalec so Jeroán qataq laual so Eliú. So lỹa lapi' co'ollaxa le'enaxat Tohu, som llalec so Suf, maye chegoxoguet som llalaqpi so Efraín.

1 Samuel 17:12

Qaq huo'o so ỹale maye lma' ye Belén le'enaxat Yesé, maye co'ollaq huaigui da lo'onataxanaxac da nta'a so Saúl, nache somaye nale'ena da mashe ỹe. Qaq se'eso ỹale, ocho soua llalqa, qaq so David nache nataqa'en llalec somaye.

1 Samuel 17:21

Nache so Israel le'ecpi, qataq so filisteopi, mashe nalogoñi datata'a't da yaqto' delogoỹa't.