Números 9:6 - La'aqtaqa Ñim Lo'onatac 'Enauacna 2013

⁶ Qalaxaye huo'o co'ollaxa so shiỹaxauapi maye saishet da qui'itta, souaxat da ỹasheleua'a so leuaxaic, ỹoqo'oye saishet da ỹalegueua'a so Lapascua se'eso na'a'q. Qaq somayepi, nache taua'a co'ollaxa so Moisés qataq so Aarón se'eso na'a'q,

Números 9:6 Iomraidhean Croise

Éxodo 18:15

Nache so Moisés 'enapeco': «Qomye ne'ena shiỹaxauapi anac aỹem naua'a, cha'aye huotaique da nnate' Ñim Lo'onatac 'Enauacna.

Éxodo 18:19

Qaq ỹoqo'oye nagui 'ana'axaỹaxana da iqataxac maye 'am sami', qaq Ñim Lo'onatac 'Enauacna 'am itauan qome. Qaq 'am qome nache 'am ltaxaỹaxanaxanec na nalamaxat nhuo' le'ecpi da 'autaxaỹapegue' Ñim Lo'onatac 'Enauacna, qataq da 'aỹa'anot Ñimaye cam qanqalaata'ai'.

Éxodo 18:26

Qaq nacheso somayepi som ishet da nmit na lasouaxashetpi so nhuo' le'ecpi 'enauaque naua na'axa'te. Qaq nam nasouaxashetpi maye ỹataqta huo'o da lqalaic, nache qairoua'a so Moisés, qaq nam nasouaxashet maye saq 'amaqtaq, nache maiche ỹaỹamaxaañi somayepi.

Levítico 21:11

Qataq saishet da taua'a ca hueta'a ca leuaxaic, na'aictaxa da lta'a, huo'otaq late'e, yaqto' saishet da na'aqchet.

Levítico 24:11

Nache so llalec asa'aso Israel lashe, ỹo'ot da l-laraxanaxac, qataq isheuen da le'enaxat Ñim Nataxala', huaña nache qaỹauegueua'a co'ollaxa so Moisés. Qaq aso late'e somaye le'enaxat Selomit, asom llale so Dibri, maye chegoxoguet na lauo' le'ecpi so Dan.

Números 15:33

Nache so ilalec se'eso ldeetac, somayepi ỹauegueua'a co'ollaxa so Moisés, Aarón qataq so lapoota'a't nhuo' le'ecpi,

Números 19:11

Qaq ca ipoteua'a ca camachaqca shiỹaxaua leuaxaic, camaye saishet da qui'itta da lataxac ivittrec caua siete na'axa'te.

Números 19:14

Qaq da qalapaxañi lataxac da huo'o ca ileuaigui ca maiche lpe'l, 'eeta': 'Enauac na netaiguipi que'eca npe'l qataq ca pa'aigui camaye, nache saishet da qui'itta da lataxac ivittrec caua siete na'axa'te.

Números 19:16

Qaq da huo'otaq huo'o ca huetauga ca no'onaxa, nache da ipoteua'a ca shiỹaxaua nalaatac, huo'otaq ca maiche ivita ye laloqo' da ileu, huo'otaq caua npi'ineqa, huo'otaq huachiqui, nache camaye saishet da qui'itta da lataxac ivittrec caua siete na'axa'te.

Números 19:18

Ime, nache cam shiỹaxaua maye qui'itta da lataxac, ỹacona aca nchegoxosoxonaqte, nache ishiiñigui que'eca 'etaxat da ỹapapiaxat, nache ichegoxolec que'eca npe'l, qataq aca naco'oñapi, qataq na laỹepi nogoxoshetpi, qataq ca shiỹaxauapi maye netaigui camaye, nataqa'en ca ipoteua'alo caua npi'ineqa, nalaatac, huo'otaq ca leuaxaic maye maiche ivita ca laloqo' da ileu, huo'otaq aca huachiqui.

Números 27:2

Qaq se'esoua cinco nqaỹa't, tareua'a co'ollaxa so ñegueuo so npe'l maye naỹonqa' da detaxaỹapegueto so Moisés qataq so ntaxaỹaxanaxanec Eleazar, qataq so lataxala'pi so lapoota'a't nhuo' le'ecpi, nache soomaye 'eeta':

Números 27:5

Nache so Moisés iroua'a Ñim Nataxala', de'era lquiquiaxa'c soomaye,

Números 5:2

«Qonapega qome na Israel le'ecpi da ca'ai naqa'en ca qanayeuta'a nanataqa', 'enauac na shiỹaxaua maye hueta'ac na nchega naqa'en na lo'oc, qataq na anactac na lli'i ñi logoxoshet, huo'otaq ca ipoteua'a ca leuaxaic.

Números 9:7

nache somayepi 'enapego' so Moisés, 'eeta': Qomi' sashelaxaua'a caillaye so leuaxaic, ỹoqo'oye saishet da qomi' qui'itte'. ¿Qaq negue'to' ca qomi' nqanaxa't da yaqto' sanaxauo ca qarachetaqtaxanaxat, da shenaqta'am na laỹe Israel le'ecpi?

Juan 18:28

Nache qaỹauec So Jesús, qaỹachegoxotchiguiña so lma' so Caifás da qaỹauega so lma' so nta'a Pilato. Qaq mashe yaqta'a co'ollaxa da yo'oxoñi, qaq nam judiopi saishet co'ollaxa da pa'aua'a so nqasoxoc so nta'a, cha'aye ivittaique da nshepaxan da nachaalataxac. Cha'aye da nache 'eetec de'era, nache saishet da dequi'iỹapegueua'a na nallec se'eso na'a'q maye le'enaxat Lapascua.