Números 9:2 - La'aqtaqa Ñim Lo'onatac 'Enauacna 2013

² «Na Israel le'ecpi, ỹo'ot qome ca lquia'axac da ỹo'oxoren so laloxoqui so lapascua, qalaxaye huetoigui naqa'en ye maiche laloxoqui.

Números 9:2 Iomraidhean Croise

2 Reyes 23:21

Huaña co'ollaxa nache so nta'a Josías, ỹamaxalec so shiỹaxauapi da ỹo'ot so Lapascua, da yaqto' ỹo'oxoren Ñim Nataxala' maye Natamnaxala', cha'aye nachera da nanettalec aso nere maye huetalec da aỹamaxataxac.

2 Crónicas 35:1

Qaq so Josías, huaña naqa'en ye Jerusalén da ỹo'ot so Lapascua, da ỹo'oxoren Ñim Nataxala' so na'a'q catorce som la'auaxanec ca'agoxoic.

Esdras 6:19

Qaq so noxonecpi maye ñe'eguelaq co'ollaxa chegaqa'a ye Babilonia, ỹo'ot so lquia'axac lta'araic maye huaigui so Lapascua, huetoigui so na'a'q catorce so la'auaxanec ca'agoxoic.

Levítico 23:5

Da ivireuga ca na'a'q catorce ca la'auaxanec ca'agoxoic, qataq da mashe inoxoochiguiñi añi nala', nache qauo'oche ca Lapascua da yaqto' qavio'oxoyiñi Ñim Nataxala'.

Números 28:16

Qaq ca na'a'q catorce ca la'auaxanec ca'agoxoic ye vi'i, nache huetoigui qome da qaỹo'ot ca Lapascua da qaỹo'oxoren Ñim Nataxala',

Números 9:3

Maye nache huaigui ne'ena ca'agoxoic qataq huetoigui ca avit ca na'a'q catorce, qaq ỹataqta qanayectelec da lataxac dam napaxaguenataxanaxac da qaỹo'ot de'era ño'oxonnataxanaxac.»

Marcos 14:12

Qaq som la'auaxanec na'a'q soua na'axa'te naponaxaqui' maye huaigui da qanallec ana nauole 'ayiiña maye qaca aca lalegue anam ỹasheeraxachigui, qataq qaỹalauat na qagueta llalec se'eso na'a'q Lapascua, qaq se'eso na'a'q soua napaxaguenataqa, inatta'ape So Jesús, 'eetra': –¿Ca hua'ague ca 'auauotaique da saxague da yaqto' saỹamaxataxañi ca qarquia'axac da nvireuo na Lapascua?

Lucas 22:7

Qaq co'ollaq mashe ivireugalo soua na'axa'te maye huetoiguilo da qanallec ana nauole 'ayiiña maye sa qaỹauo'o aca lalecte. Se'eso na'a'q nataqa'en nalaataxaqui na qagueta llalec da yaqto' qanallec da qaiuennate so na'a'q le'enaxat da Lapascua.

Josué 5:10

So Israel le'ecpi nmataqa' ye Gilgal, qaq huetoigui so avit se'eso na'a'q catorce se'eso ca'agoxoic da qaỹo'ot so Lapascua, huaña ye nalochiguiñi 'alhua ye Jericó.