Números 8:2 - La'aqtaqa Ñim Lo'onatac 'Enauacna 2013

² «Qonapega ñi Aarón, da ivita da ỹe'eraxatoigui ñeua siete ncoỹaraxanaxaquipi, nache natatec naqa'en.»

Números 8:2 Iomraidhean Croise

Salmos 119:105

Naua 'ara'aqtaqa 'eeta'ama aca ncoỹaraxanaxaqui da icoỹatta'aguelo naua iqauaxaqui', qataq icoỹatta'ague so ñeqa'aic.

Salmos 119:130

Cha'aye da qaỹa'axatte' naua 'ara'aqtaqa nache ỹo'ot da yo'oqchiguiñi, qataq ỹanem da lauattonaxanaxac ca huesota da lataxac.

Éxodo 25:37

Qataq 'auo'o't caua siete ncoỹaraxanaxaqui', da yaqto' icoỹattalec na dataỹaueegue,

Éxodo 37:23

Nataqa'en ỹo'o't soua siete ncoỹaraxanaxaqui' ndoxottec na oro, qataq so lchegaxat na hualoq laỹe ncoỹaraxanaxat, qataq so laỹe' na alo.

Éxodo 39:37

qataq aso ncoỹaraxanaxaqui maye siete soua lhua'q maye chegaqaigui na lcat oro, qataq so logoxoshetpi, qataq so aceite maye lca'atoxot,

Éxodo 40:25

Ime, qaq ỹegueua'a aso ima'a't ncoỹaraxanaxaquipi, ỹauaachigui naqa'en Ñim Nataxala', qaq nache ipacchigui da lamaxasoxonaxac Ñimaye.

Isaías 8:20

da yaqto' ỹaconeguet ca napaxaguenataxanaxac huo'otaq ca na'aqtac? Qaq 'era qome da la'aqtac namayepi qalaxaye de'era la'aqtac namayepi choche 'oopashec.

Levítico 24:4

Nache aya'aye ncoỹaraxanaxaqui maye siete naua lcoue maye chegaqaigui na ndotec oro, nache 'eetai' da icoỹattalec qome ye lanataqa' Ñim Nataxala'.

Números 8:1

Ñim Nataxala' 'enapega so Moisés, 'eeta':

Números 8:3

Nache so Aarón ipacchigui da lamaxasoxonaxac Ñim Nataxala' maye ỹamaxalec co'ollaxa so Moisés, nache natatec naqa'en asa'aso ncoỹaraxanaxaquipi.

Mateo 5:14

Qami' nataqa'en qoñiita'am aca lcoỹaraqte nam huetalec ana 'alhua. Nataqa'en qoñiita'am ca nỹecpi maye netalec aca qaỹoqotcheguemec 'alhua, camaye 'enauac da qaila'a.

Juan 1:9

Qaq som ỹoqta 'eesa da yo'oqchiguiñi mashe nvira ana 'alhua, nacheso nagui so icoỹarelec 'enauac na shiỹaxauapi.

2 Pedro 1:19

Qaq aỹem ỹataqta 'eesa ñaqa'en de'era la'aqtaxanaxac Ñim Lo'onatac 'Enauacna maye ỹa'axattac co'ollaxa so la'aqtaxanaxanecpi Ñimaye. Qaq ỹoqo'oye qami' ñachoxoreetoiguilo da ỹataqta qana'axaỹaxañiỹa de'era na'aqtaxanaxac, cha'aye damaye nachera da qami' da'aqtaxanema da 'eetec da qanachaalataxaqui, choche ivitta'a que'eca na'a'q qom ñe'eguelaq So Cristo, nache naralaxat da qanachaalataxaqui.

Apocalipsis 1:12

Qaq can ñamata'ague na ilaq da sechemaxata som aỹem detaqtacot, nache sela'alo soua siete ncoỹaraxanaxaqui' maye chegaqaiguilo na ndotec oro.

Apocalipsis 1:20

Aỹem 'am sa'aqtaxanem dam saqcha'a naiguilo soua siete huaqaañi, maye 'auauaachiguilo da huetaiguilo na ihuaq qataq dam saqcha'a naiguilo soua siete ncoỹaraxanaxaqui' maye chegaqaiguilo na oro. Soua siete huaqaañi, naiguilo naua lamaxa'she Ñim Lo'onatac 'Enauacna maye ilotagueto nam ỹa'amaqten So Jesús maye netaleguete naua siete 'aleu'. Qaq soua siete ncoỹaraxanaxaqui' naigui na 'amqaanataxanaxaicpi maye netaleguete naua siete 'aleu'.

Apocalipsis 4:5

Qaq asa'aso so'onaxaqui chegoqtapegueua'a na nqashelgaxa, qataq nllimiaxa, qataq datateguet asomaye soua siete ncoỹaraxanaxaqui' 'ettaiguilo, maye nachesoua soua siete saq cha'alo la'añaxaco Ñim Lo'onatac 'Enauacna.