Números 8:12 - La'aqtaqa Ñim Lo'onatac 'Enauacna 2013

¹² Ime, nache na leviitapi ỹashel-lec na lqaic ca huaca llalaqpi, nache ca 'oonolec que'eca huaca llalaqpi, ỹaneuo da yaqto' qaỹapalaxat na lasouaxashetpi, qaq ca lỹa qalaq ỹanot Ñim Nataxala' da lachetaqtaxanaxat sa imauaq da qaỹavigaxatta.

Números 8:12 Iomraidhean Croise

Éxodo 29:10

Qaq da ime, nache 'auauegueua'a ca lasom ca npe'l ca huaca llalec, yaqto' ñi Aarón qataq ñeua llalqa, ỹashel-leguete na lqaic que'eca shiguiỹac,

Levítico 1:4

Qaq nache huaña yemaye da ỹashel-lec na lqaic que'eca shiguiỹac, yaqto' que'eca shiguiỹac qaỹaỹamaxareeta. Qataq nache chegoqchigui da qaỹapalaxat na lasouaxashetpi que'eca shiỹaxaua.

Levítico 14:22

qaq da nalotaleguete da desheenaxanalo caua dos qoto' lta'araiqa, huo'otaq caua qoto' llalqa, nache ca 'oonolec ỹaneuo da lachetaqtaxanaxat maye sa imauaq da qaỹavigaxat, qaq ca lỹa, nache lachetaqtaxanaxat qaỹavigaxatta.

Levítico 16:11

Nache ñi Aarón ỹa'auaxaañi da ỹaneuo ca huaca maye maiche lachetaqtaxanaxat sa imauaq da qaỹavigaxat yaqto' qaỹapalaxat na lasouaxashetpi, qataq na lasouaxashetpi na llalaqpi.

Levítico 16:21

nache ỹashel-lec na lqaic qataq nache ỹa'axat 'enauac na lle'etaxaloxosat na Israel le'ecpi, souaxat da npe'eeleguete naua lataxaco, qataq sa ỹalaxaguet Ñim Nataxala'. Qaq 'era da 'eetec da ỹachelec qome ca quetaq que'eca nasouaxashetpi, nache ca lỹa shiỹaxaua huapegue' da ỹo'orauga ca toolec 'alhua da yaqto' talec naqa'en camaye,

Levítico 16:6

Qalaxaye ỹa'auaxaañi da ỹaneuo ca huaca maye maiche lachetaqtaxanaxat sa imauaq da qaỹavigaxat, yaqto' qaỹapalaxat na lasouaxashet qataq na lasouaxashetpi na llalaqpi ñimaye.

Levítico 4:15

Huaña, nache na nqueroxonecpi maye lataxala'pi na Israel le'ecpi, ỹashel-lec na lqaic que'eca huaca. Ime, nache ipelecot na lqosot, huaña naqa'en ye lanataqa' Ñim Nataxala'.

Levítico 4:20

nache ỹe'enaxatchigui da lataxac ca huaca maye ỹaneuo da lachetaqtaxanaxat maye sa imauaq da qaỹavigaxat. Qaq 'era da 'eetec ca ntaxaỹaxanaxanec da yaqto' qaỹapalaxat ca sa nanoma npe'enaxac namayepi.

Levítico 4:35

Ime, nache nqat 'enauac ca lcheta, ỹe'enaxatchigui naqa'en da lataxac da nqat na lcheta ca laỹepi qagueta nachetaqtaxanaxat maye qanhuaachigui. Qaq ca ntaxaỹaxanaxanec, nache npa'axatcheguem naqa'en acamaye da ỹavigaxat, ỹachalec añi nca'atoxonaxalate maye huetalec ca lỹa shiguiỹac maye nachetaqtaxanaxat qaỹavigaxatta. Qaq da nache 'eetec de'era ca ntaxaỹaxanaxanec, nache qaỹapalaxat ca lasouaxashet que'eca shiỹaxaua.

Levítico 4:4

Qataq iroua'a ye ñegueuo ñi npe'l maye huaña naxa da qanauane' Ñim Nataxala' que'eca huaca, nache ỹashel-lec na lqaic. Ime, nache ipelecot na lqosot huaña naqa'en ye lanataqa' Ñim Nataxala'.

Levítico 5:7

Qaq da huo'otaq sa nalolec da desheenaxana aca qagueta huo'otaq aca quetaq, nache ỹanot Ñim Nataxala' caua dos qoto' lta'araiqa, huo'otaq caua dos qoto' llalqa da yaqto' lachetaqtaxanaqte. Qaq ca 'oonolec caamaye ỹaneuo da lachetaqtaxanaxat maye sa imauaq da qaỹavigaxat, qaq ca lỹa nache lachetaqtaxanaxat qaỹavigaxatta.

Levítico 8:14

Ime, nache so Moisés damaxasoxoolec da qandouo so huaca maye qoỹaneuo da nachetaqtaxanaxat maye sa imauaq da qaỹavigaxat, nache so Aarón qataq soua llalqa ỹashel-leguete na lqaic se'eso huaca.

Levítico 8:15

Qaq so Moisés, nache ipelecot na lqosot se'eso huaca. Ime, nache ỹacona so laỹe' so ltago'q, nache ỹa'ayingui ana llaxaata, da yaqto' ỹa'ame'n naua lsheeneqa soua lcoue aso nca'atoxonaxalate, qaq so no'onañi ntago'q, nache icorot na pa'aguiñi asomaye. Qaq 'era da 'eetec da qui'itta naqa'en aso nca'atoxonaxalate, qataq nache huaña da qaỹapalaxat ca nasouaxashet.

Levítico 8:18

Nache so Moisés damaxasoxoolec da qandouo so qagueta maye nachetaqtaxanaxat qaỹavigaxatta. Qaq so Aarón qataq soua llalqa, nache ỹashel-leguete na lqaic somaye.

Levítico 8:34

Qaq Ñim Nataxala', nache damaxasoxoolec de'era qaỹo'ot nagui, da yaqto' qaỹapalaxat na qarasouaxashichi.

Levítico 9:7

Ime, nache so Moisés 'enapega so Aarón, 'eeta': «Ña 'anquigueua'a añi nca'atoxonaxalate, nache 'aỹa'aneuo aca 'arachetaqtaxanaqte maye sa imauaq da qaỹavigaxat, qataq aca 'arachetaqtaxanaqte qaỹavigaxatta. Nataqa'en 'aỹa'aneuo qome aca lachetaqtaxanaqte na Israel le'ecpi, yaqto' qaỹapalaxat na 'arasouaxashetpi qataq na lasouaxashetpi namayepi. Nache ipacchigui da lamaxasoxonaxac Ñim Nataxala'».

Números 6:14

nache ỹanot Ñim Nataxala' ca qagueta llalec maye ivi' ye 'oonolec vi'i, qataq qaica ca lque'emaxa, da lachetaqtaxanaxat qaỹavigaxatta, qataq aca 'oonole qagueta llale qaica ca lque'emaxa maye sa imauaq da qaỹavigaxat, da yaqto' qaỹapalaxat ca nasouaxashet, qataq ca peenaq maye qaica ca lque'emaxa da lachetaqtaxanaxat maye qanhuaachigui.

Números 6:16

Nache ca ntaxaỹaxanaxanec ỹanot Ñim Nataxala', ca nachetaqtaxanaxat sa imauaq da qaỹavigaxat, da yaqto' qaỹapalaxat na nasouaxashet, qataq ca qaỹavigaxatta,

Números 8:13

Ime, nache na leviitapi nachaateua'a 'anqa'en ñi Aarón qataq ñeua llalqa, nache namayepi 'aỹa'anot Ñim Nataxala' da yaqto' nachetaqtaxanaxatpi.

Números 8:8

Qaq da ime, nache namayepi ỹacona ca 'oonolec huaca llalec, qataq ca laỹolec na ỹataqta no'on 'ayiiña, maye qairaqneguet na aceite, nache qaỹo'ot ca nachetaqtaxanaxat chegaqaigui na ala na nañiguishec, qaq 'am qalaq 'auacona ca lỹa huaca llalec, da yaqto' nachetaqtaxanaxat sa imauaq da qaỹavigaxat.

Hebreos 9:22

Qaq na namaxasoxonaxacpi ỹa'axat da naua ntago'q hua'c da ishet da ỹapalaxat na nasouaxashetpi maye chegaqaigui nam ỹotta'a't qaỹo'otpi. Qataq iuen da sanaqoto Ñim Lo'onatac 'Enauacna caua ntago'q da yaqto' ỹapalaxat na qarasouaxashetpi.