Números 7:3 - La'aqtaqa Ñim Lo'onatac 'Enauacna 2013

³ nache ỹaueguereuo soua seis naigona maye nlaqchiguilo na le'ec da ỹanot Ñim Nataxala', qataq doce soua nauegaxanaxala'ate huaca. Nache soua dos lataxala'ate na maiche nhuo' le'ecpi, ỹaneuo aso 'oonole naigona, qaq ñi 'oonolec somayepi nache ỹaneuo so 'oonolec nauegaxanaxala' huaca. Qaq 'enauac se'eso ỹaneuo, qaỹachaña so saqaỹapeque so npe'l.

Números 7:3 Iomraidhean Croise

Génesis 45:19

Qataq qonapegalo caamaye da ỹaue'c caua naigonal ỹachegoxotchiguiña na Egipto, da yaqto' ỹe'eguena'alo, nache naue'c caua lhua't qataq caua llalqa, qataq nataqa'en cam qarta'ai. Qaq anac qome

Génesis 45:21

Nache soua llalqa so Israel ỹo'o't dam qaỹamaxaleguete. Qaq so José, nache ỹanema soua naigonal, ipacchigui naqa'en da lamaxasoxonaxac so faraón, qataq ỹanema soomaye so aloq da huangui so nqa'aic.

Esdras 2:68

Qaq somayepi co'ollaq ivita aso atamnaxaqui maye lalamaqte Ñim Nataxala' maye naña ye Jerusalén, nache so lataxala'pi so nhuo' le'ecpi, huo'o so ỹaneuo aso lachetaqtaxanaqte da yaqto' qaltaq qano'oxoosheguem aso atamnaxaqui, qaipagaqchiichiguiña so togoshec lma'.

Éxodo 25:2

«Qonapega qome na Israel le'ecpi da Aỹem ndoua'a aca lachetaqtaxanaqte. Qalaxaye saishet da 'auamaqalec nachaqrata da ñi 'oonolec maiche lhuennataxac, qataq lquiyaqteỹaxac da ndouo aca lachetaqtaxanaqte.

Isaías 66:20

Qataq anac naqa'en nam qarhuo'oi le'ecpi maye ỹalectaigui nam ỹotta'a't shiỹaxauapi, da yaqto' Aỹem naua'a, da 'eeta'am aca nachetaqtaxanaqte. Naua'a añim qui'itta ñeqasoxonaxa maye naña ye Jerusalén, huota'a na lalo caipi, naigonapi, qataq ana nauogonñiguishepi, 'ashenapi qataq ana nauanaxanaxapi, qaq nachetac nam qui'itta nhuenecpi da 'eeta'am naxa nam llalaqpi so Israel, da ndoua'a na lachetaqtaxanaxatpi ñi ima'. Qaq 'era da ỹa'aqtac Aỹem Nataxala'.

Amós 2:13

Qaq ỹoqo'oye qami' dapaxagueta qome ñaqa'en na 'alhua, 'eeta'am aca naigona maye nlaqchigui na trigo da huo'o ca dapaxañi naqa'en.

Números 7:4

Nache Ñim Nataxala' 'enapega so Moisés, 'eeta':