Números 7:10 - La'aqtaqa Ñim Lo'onatac 'Enauacna 2013

¹⁰ Qaq co'ollaq ime, da qoỹaneuo aso nca'atoxonaxalate, nache so lataxala'pi na maiche nalamaxat nhuo' le'ecpi, ỹaneuo so lachetaqtaxanaxatpi, nache ỹachaña so sa qaỹapeque aso nca'atoxonaxalate.

Números 7:10 Iomraidhean Croise

1 Reyes 8:63

Nache so Salomón ỹanot Ñim Nataxala' so veintidós mil huaca lhuaraicpi, qataq so ciento veinte mil qaguetapi, da nachetaqtaxanaqte qanhuaachigui. Qaq 'era da 'eetec co'ollaxa so nta'a, qataq 'enauac so Israel le'ecpi da ỹanot Ñim Nataxala', aso atamnaxaqui maye lalamaqte Ñimaye.

2 Crónicas 7:5

nache so nta'a Salomón ỹaneuo so veintidós mil huacapi, qataq aso ciento veinte mil qaguetapi da lachetaqtaxanaqtepi. Qaq 'era da 'eetec da so nta'a, qataq 'enauac so Israel le'ecpi, da ỹaneuo aso atamnaxaqui maye lalamaqte Ñim Lo'onatac 'Enauacna.

2 Crónicas 7:9

Qaq so na'a'q ocho, nache ỹo'ot so ỹataqta lta'araic naponaxac, cha'aye huetoiguilo naqa'en soua siete na'axa'te da ỹaategueuo aso nca'atoxonaxalate, qataq huetoiguilo naqa'en soua lỹa't siete na'axa'te da iuennate co'ollaq qanayenaigui so nauecañi npe'lpi maye qo'oipaq lcouepi.

Nehemías 12:27

Qaq co'ollaq ivita so laloqo' da qoỹaneuo so lpaqtaxat ye Jerusalén, nache qaỹe'eguenauga so leviitapi maye netañalo soua lma'ate, nache qaỹauegueua'a ye Jerusalén da yaqto' qaỹo'ot so ño'oxonnataxanaxac qataq so no'onaxanaxac, qaỹauota'a aso nviquepi címbalo, arpa qataq aso lira.

Nehemías 12:43

Qaq se'eso na'a'q qalota so qoỹaneuo nachetaqtaxanaxat da qaỹavigaxat, nache somayepi ỹataqta lta'araic da ntonaxac, cha'aye Ñim Lo'onatac 'Enauacna ỹanem da ntonaxac, nataqa'en ntootapigui' so 'alpi qataq so ñaqpiolec, ỹataqta lta'araic se'eso tonaxac ye Jerusalén, ỹoqo'oye ivira'a da hua'aqtac so qaỹoqta.

Salmos 30:1

'Am Nataxala', 'am sanot da ỹo'oxonnataxanaxac, cha'aye aỹem 'anca'alaxatec, qataq sa 'auashenem na ñepa'aguenaxauapi da aỹem lashetac.

Números 7:1

Qaq so Moisés co'ollaq ime da nauaxaỹaxaasheguem so npe'l, nache icorelec so ncoraxanaxat aceite da yaqto' ỹaneuo, lỹateuo naqa'en 'enauac so no'onataxanaxatpi, nataqa'en icorelec aso nca'atoxonaxalate.

Números 7:11

Nache Ñim Nataxala' 'enapega so Moisés, 'eeta': «Ye 'oonolec na'a'q, nache ñi 'oonolec ne'ena lataxala'pi na maiche nalamaxat nhuo' le'ecpi, ỹaneuo ca lachetaqtaxanaxat da ỹaneua'a añi nca'atoxonaxalate.»

Números 7:84

Qaq 'eso so lachetaqtaxanaxatpi so lataxala'pi so Israel le'ecpi co'ollaq ỹaneua'a aso nca'atoxonaxalate: Nache ivi' doce so nquia'axaquipi lta'araic plata, doce aso ỹomaxaquipi plata, qataq doce so nemaxanaxat oro.

Números 7:88

Qaq da ima'a't so shiguiỹacpi maye nachetaqtaxanaxat qanhuaachigui, nache ivi' veinticuatro so nauegaxanaxala' huacapi, sesenta peenaqpi, sesenta quetaq lhuaraicpi, qataq sesenta qagueta llalaqpi maye mashe ivi' 'oonolec vi'i. Nache 'enauac se'eso nachetaqtaxanaxatpi qoỹaneuo co'ollaq ime, da qoỹaneuo aso nca'atoxonaxalate.

Deuteronómio 20:5

Ime, qaltaq detaqa qome ca nta'alpi, nache 'eeta': Da huo'o ca 'oonolec da qoñiita da mashe imat da no'oxoosheguem ca dalaxaic lma', qaq da saxanaxa da naigui, nache camaye iuen da naigui que'eca lma', cha'aye saiuena'a da ileu camaye da ileuaigui ca alaataxac, nache cam lma' ỹaqa'a ca naigui.