Números 7:1 - La'aqtaqa Ñim Lo'onatac 'Enauacna 2013

¹ Qaq so Moisés co'ollaq ime da nauaxaỹaxaasheguem so npe'l, nache icorelec so ncoraxanaxat aceite da yaqto' ỹaneuo, lỹateuo naqa'en 'enauac so no'onataxanaxatpi, nataqa'en icorelec aso nca'atoxonaxalate.

Números 7:1 Iomraidhean Croise

Génesis 2:3

Nache Ñim Lo'onatac 'Enauacna ỹaalec da no'on la'aqtac se'eso na'a'q siete, qataq iỹotauga da yaqto' qaỹo'oxoren Ñimaye, cha'aye se'eso na'a'q huetoigui da nmateeguesop 'enauac na lo'onatacpi.

1 Reyes 8:64

Qaq nache huetoigui se'eso na'a'q da so nta'a, ỹaneuo so laiñiguishec so qasoxoc maye datatauga aso atamnaxaqui maye lalamaqte Ñim Nataxala', nache huaña naqa'en somaye da ỹaneuo aso nachetaqtaxanaqtepi qaỹavigaxatta, qataq aso ala na nañiguishec, qataq na lcheta ana nachetaqtaxanaqtepi maye qanhuaachigui. Cha'aye aso nca'atoxonaxalate bronce, maye netaña ye lanataqa' Ñim Nataxala', asomaye qapio'ole, nache sa nalolec 'enauac se'eso nachetaqtaxanaxatpi qaỹavigaxatta, qataq aso ala na nañiguishec, qataq aso qanhuaachigui.

Éxodo 13:2

«Aỹem qaỹa'añiỹot qome na la'auaxanec qaỹa'alquipi, cha'aye 'enauac na la'auaxanec llalaqpi na Israel le'ecpi, namaye 'enauac ỹalamaxatpi, nache 'ena'am na la'auaxanec llalec na shiguiỹacpi».

Éxodo 29:36

nache ca 'oonolec na'a'q 'aỹa'aneuo ca 'oonolec huaca llalec da nachetaqtaxanaxat, da yaqto' qaỹapalaxat ca nasouaxashet, qataq 'auqui'itaxatta qome aca nca'atoxonaxalate da 'auavigaxat ca nachetaqtaxanaxat maye sa imauaq da qaỹavigaxat, qataq da 'aỹa'aneuo aca nca'atoxonaxalate da yaqto' qui'itta acamaye, nache 'aucorelec ca aceite.

Éxodo 40:11

Nataqa'en 'aucorelec que'eca ncoraxanaxat ca nỹoxonaxaqui, qataq na pa'aguiñi camaye, nache camaye ỹataqta 'auqui'itaxatta.

Números 17:2

Qonapega qome na Israel le'ecpi da ndoreuo caua doce nashelte, qalaxaye ñi 'oonolec na lataxala'pi ndouo aca 'oonole nashelte. Nache 'erelec qome añi 'oonole na le'enaxatpi namayepi.

Números 7:10

Qaq co'ollaq ime, da qoỹaneuo aso nca'atoxonaxalate, nache so lataxala'pi na maiche nalamaxat nhuo' le'ecpi, ỹaneuo so lachetaqtaxanaxatpi, nache ỹachaña so sa qaỹapeque aso nca'atoxonaxalate.

Números 7:84

Qaq 'eso so lachetaqtaxanaxatpi so lataxala'pi so Israel le'ecpi co'ollaq ỹaneua'a aso nca'atoxonaxalate: Nache ivi' doce so nquia'axaquipi lta'araic plata, doce aso ỹomaxaquipi plata, qataq doce so nemaxanaxat oro.

Números 7:88

Qaq da ima'a't so shiguiỹacpi maye nachetaqtaxanaxat qanhuaachigui, nache ivi' veinticuatro so nauegaxanaxala' huacapi, sesenta peenaqpi, sesenta quetaq lhuaraicpi, qataq sesenta qagueta llalaqpi maye mashe ivi' 'oonolec vi'i. Nache 'enauac se'eso nachetaqtaxanaxatpi qoỹaneuo co'ollaq ime, da qoỹaneuo aso nca'atoxonaxalate.

Mateo 23:19

¡Qami' qaica ca qauaỹaañiỹapec! Cha'aye añi nca'atoxonaxalate maye qaỹachalec naxa ana nachetaqtaxanaqte da qoỹanot Ñim Lo'onatac 'Enauacna, añimaye napacalec da la'amaqchec aca nachetaqtaxanaqte, qataq nachañi añi ỹo'ot da huo'o da la'amaqchec aca nachetaqtaxanaqte da hueto'ot Ñim Lo'onatac 'Enauacna.