Números 6:12 - La'aqtaqa Ñim Lo'onatac 'Enauacna 2013

¹² qataq nache chegoqchiguiña da qaltaq qaiỹotauga da lalamaxat Ñim Nataxala', qataq ỹaneuo ca qagueta llalec maye ivi' ye 'oonolec vi'i, da lachetaqtaxanaxat maye sa imauaq da qaỹavigaxat. Nache caua hua'au' na'axa'te saishet qome da qanaloqteereuo souaxat da qana'aqchet da lataxac camaye da qoỹanot Ñim Nataxala'.

Números 6:12 Iomraidhean Croise

Éxodo 12:5

Qaq que'eca shiguiỹac, camaye ỹale qataq ivi' qome ca 'oonolec vi'i, qataq ỹataqta qaica ca lque'emaxa, qagueta huo'otaq quetaq.

Ezequiel 18:24

Qalaxaye cam no'on da lataxac da ỹaxaañi ca no'on maye ỹo'ottac, nache ỹo'ot 'enauac nam qauempi, qataq nam qaiqaiga maye ỹo'ottac cam qauemaic, nache ¿qaupicheetega peta'a da queta da nca'altauec? Aỹem saishet qome da she'eguelaxa da seuennatega 'enauac nam no'on maye ỹo'otpi co'ollaxa: qaq camaye ileu qome souaxat da saỹalaq, qataq souaxat nam lasouaxashetpi.

Levítico 14:24

Nache ca ntaxaỹaxanaxanec ỹacona ca qagueta maye nachetaqtaxanaxat maye sa imauaq da qaỹavigaxat, qataq ca laỹolec ca aceite, nache ỹaasheguem da ỹanot Ñim Nataxala'.

Levítico 5:6

Nache camaye ỹanot Ñim Nataxala' aca qagueta, huo'otaq quetaq da lachetaqtaxanaqte maye sa imauaq da qaỹavigaxat. Qaq 'era da 'eetec da ỹo'ot ca ntaxaỹaxanaxanec da yaqto' qaỹapalaxat ca ilamaxata'a lasouaxashet que'eca shiỹaxaua.

Levítico 5:7

Qaq da huo'otaq sa nalolec da desheenaxana aca qagueta huo'otaq aca quetaq, nache ỹanot Ñim Nataxala' caua dos qoto' lta'araiqa, huo'otaq caua dos qoto' llalqa da yaqto' lachetaqtaxanaqte. Qaq ca 'oonolec caamaye ỹaneuo da lachetaqtaxanaxat maye sa imauaq da qaỹavigaxat, qaq ca lỹa nache lachetaqtaxanaxat qaỹavigaxatta.

Números 6:11

Nache ca ntaxaỹaxanaxanec ỹaneuo ca 'oonolec caamaye da yaqto' nachetaqtaxanaxat maye sa imauaq da qaỹavigaxat, qaq ca lỹa nache qaỹavigaxatta yaqto' qaỹapalaxat ca lasouaxashet camaye, souaxat da huaqta'ai' ca leuaxaic. Qaq nacheca que'eca na'a'q da qaltaq qui'itta que'eca shiỹaxaua maye qaiỹotauga da lalamaxat Ñim Nataxala',

Números 6:13

Qaq da ime da qaltaq qoỹaneuo camaye da lalamaxat qanqa'en Ñim Nataxala', nache camaye taua'a ca ñegueuo ca npe'l maye naỹonqa',

Mateo 24:13

Qalaxaye Aỹem ñeca'alaxatec 'enauac nam Aỹem quetague' qataq saishet da ỹaxanec da lpi'iỹaxac Aỹem choche ivitta'a ca loga't da nachaalataxac.

Mateo 3:15

Qalaxaye So Jesús 'enapeco': –'Onaxaic da 'auo'ot nagui de'era. Cha'aye qomi' iuen da sepagaqtelec dam la'aqtac Ñim Lo'onatac 'Enauacna. Nache so Juan ỹaỹamaxareeta,

Santiago 2:10

Qami' da qaualaqaiguet 'enauac na namaxasoxonaxacpi, qalaxaye da huo'otaq 'oonolec ca saishet da qaupaquiilec namayepi, nache 'eeta'am da 'enauac na laỹepi namaxasoxonaxacpi da saishet da qaualaqaiguet.

2 Juan 1:8

Qaq maxatchaxa qome qanchilỹañi yaqto' saishet da qauqataqchichi 'enauac nam no'on maye qami' so'otaxaque. Cha'aye da saishet da nache qoñiitec de'era, nache qami' saishet da qauacoñiiguet cam ỹataqta nalochiguiñi qansheetenaguiiqui maye chegoqo'ot Ñim Lo'onatac 'Enauacna.