Números 6:10 - La'aqtaqa Ñim Lo'onatac 'Enauacna 2013

¹⁰ Nache que'eca na'a'q ocho, camaye iroua'a ca ñegueuo ca npe'l maye huaña naxa da qanauane' Ñim Nataxala', da ỹanem ca ntaxaỹaxanaxanec caua dos qoto' lta'araiqa, huo'otaq llalqolqa.

Números 6:10 Iomraidhean Croise

Ezequiel 44:26

Qaq da huo'otaq ipoteua'a, nache iuen da nỹo, ime nache iuata'a da inoxoore'c caua siete na'axa'te.

Levítico 1:14

Qaq da huo'o ca ỹanot ca lachetaqtaxanaxat qaỹavigaxatta Ñim Nataxala' da huo'otaq maỹo, nache ỹauota'a ca qoto' lta'araic, huo'otaq ca qoto' llalec.

Levítico 12:6

Nache da iviraxattrec caua laloxoqui' da nqui'itaxatta, souaxat da lañoxoc ca llalec ỹale huo'otaq 'alo, nache acamaye iroua'a ye ñegueuo ñi npe'l, ca qagueta llalec maye ivi' ca 'oonolec vi'i yaqto' lachetaqtaxanaxat qaỹavigaxatta, qataq ca 'oonolec qoto' llalec huo'otaq ca qoto' lta'araic, yaqto' lachetaqtaxanaxat maye sa imauaq da qaỹavigaxat. Qaq ỹanem ca ntaxaỹaxanaxanec,

Levítico 14:31

Nache ca 'oonolec ỹaneuo da nachetaqtaxanaxat maye sa imauaq da qaỹavigaxat, qaq ca lỹa nache nachetaqtaxanaxat qaỹavigaxatta, qataq aca nachetaqtaxanaqte chegaqaigui na ala ca nañiguishec. Qaq 'era da 'eetec so ntaxaỹaxanaxanec da yaqto' qaỹapalaxat ca lasouaxashet que'eca shiỹaxaua maye nqui'itaxattac».

Levítico 15:14

Qaq da ivireuga ca na'a'q ocho, nache ỹaconalo caua dos qoto' lta'araiqa, huo'otaq caua dos qoto' llalqa. Ime, nache taua'a ye ñegueuo ñi npe'l maye huaña naxa da qanauane' Ñim Nataxala', nache ỹanema ca ntaxaỹaxanaxanec.

Levítico 15:29

Qaq da ivireuga ca na'a'q ocho, nache ỹaconalo caua dos qoto' lta'araiqa, huo'otaq caua dos qoto' llalqa, nache iroua'alo ca ntaxaỹaxanaxanec huaña ye ñegueuo ñi npe'l.

Romanos 4:25

Ñim Lo'onatac 'Enauacna ỹan So Jesús co'ollaxa da yaqto' qomi' ileualeguete souaxat na qarasouaxashetpi, qataq nca'alaxateeguesop da nleuaxa, da yaqto' ỹapalaxat na qarasouaxashetpi.