Números 5:9 - La'aqtaqa Ñim Lo'onatac 'Enauacna 2013

⁹ Qataq 'enauac aca qaiỹotauga nachetaqtaxanaqtepi maye ỹaneuo na Israel le'ecpi, acamaye qairoua'a ca ntaxaỹaxanaxanec da yaqto' lalamaqte.

Números 5:9 Iomraidhean Croise

Éxodo 29:28

Qaq damaye lalamaxat qome ñi Aarón qataq ñeua llalqa. Qaq 'era qome da chochaq tatec lataxac, qataq llec aca nachetaqtaxanaqte maye qaỹamaxalec na Israel le'ecpi. Qaq 'enauac aca'aca nachetaqtaxanaqte da nhuaachigui qome da ỹan na Israel le'ecpi, acamaye qoỹaasheguem da qoỹanot Ñim Nataxala'.

Levítico 10:13

Nache huaña yemaye da qollequi, cha'aye nacheye ye qaiỹotauga da qarquia'aqa'ai da qollequi aca nachetaqtaxanaqte maye mashe qaiỹotauga da qami' taỹoto, qaq 'era da lataxac maye 'am sanem, qataq daua 'aỹa'alqa, cha'aye nachera da aỹem qaỹamaxalec.

Levítico 10:14

Qaq aca'aca lachetaqtaxanaqte na Israel le'ecpi maye qanhuaachigui, ca ltogue lapat maye qoỹaasheguem da qoỹanot Ñim Nataxala', qataq ca ltele'eta maye qaralamaxache da qollequi, camaye nache huaña ye qaiỹotauga da qarquia'aqa'ai, 'am qataq ca 'aỹa'alaqpi ỹalleppi, qataq ca 'alpi.

Levítico 10:15

Nache ca ltele'eta qataq na ltogue lapat lỹateuo ca lcheta da qaỹa'añeeuo, nache 'enauac camaye qaỹa'añisheguem da qaỹa'añiỹot Ñim Nataxala', da nachetaqtaxanaxat ỹaqauga maye qaỹavigaxat. Qaq 'era qome da nache 'eetai' lataxac da 'icỹaxac qataq ca 'aỹa'alaqpi, cha'aye 'era da lamaxasoxonaxac Ñim Nataxala'.»

Levítico 6:26

Qaq que'eca ntaxaỹaxanaxanec maye ỹaneuo que'eca shiguiỹac maye sa imauaq da qaỹavigaxat, camaye nacheca ca ishet da chec ca laỹe camaye, qalaxaye nache hueta'a ye ỹaqauga nqasoxoc ñi npe'l.

Levítico 7:32

Qaq ca ltele'eta aloiguishec ca shiguiỹac maye nachetaqtaxanaxat, nache taỹot ca ntaxaỹaxanaxanec.

Levítico 7:34

Cha'aye aca nachetaqtaxanaqtepi maye qanhuaachigui maye Aỹem ỹanot qome nam Israel le'ecpi, seỹotauga qome ca ltogue lapat qataq ca ltele'eta da yaqto' nache 'eetai' qome da taỹot ñi ntaxaỹaxanaxanec Aarón, qataq cam chegoxoguetpi ñimaye. Qaq 'era qome da nache 'eetai' lataxac da llecỹaxac na Israel le'ecpi.

Números 18:19

Nache 'enauac qome na iỹotauga lachetaqtaxanaxat da Aỹem ỹanot na Israel le'ecpi, nache 'am taỹot qome, qataq naua 'aỹa'alqa ỹale't, qataq naua 'alol maye ñaq 'am neto'oto. Qaq 'era da lataxac maye nache 'eetai' qome da qaỹo'ottac. Nache de'era ñaỹamaxataxac da 'am ñaỹamaxate' maye 'eeta'am da qaỹalecnaxana ca toue, damaye nache 'eetai' qome da 'auo'ottac 'am qataq cam 'am chegoxoguetpi.»

Números 31:41

Nache so Moisés ỹanem so ntaxaỹaxanaxanec Eleazar, som qaiỹotaugapi da lalamaxat Ñim Nataxala'. Nache ipacchigui qanqa'en da lamaxasoxonaxac Ñim Nataxala', maye ỹamaxalec co'ollaxa so Moisés.

Números 5:8

Qaq da huo'otaq ileu que'eca shiỹaxaua maye hueto'ot ca lasouaxashet, qataq da qaica ca lauo' le'ec da yaqto' qoỹanem aca nsheetenaqte, nache qoỹanot Ñim Nataxala', qalaxaye qoỹanem ca ntaxaỹaxanaxanec, nache lỹateuo ca qagueta peenaq maye qaỹavigaxat, da yaqto' qaỹapalaxat ca lasouaxashet que'eca shiỹaxaua.

Deuteronómio 12:26

Qalaxaye ca nogoxoshet maye huotaique da qaỹa'añi da qarachetaqtaxanaxache, qataq ca qauachaxañiỹapec da qaỹa'añiỹot Ñim Nataxala', camaye iuen da qaroiua'a ca lca'ateua'a da lanataqa' Ñimaye,