Números 5:7 - La'aqtaqa Ñim Lo'onatac 'Enauacna 2013

⁷ nache camaye iuen da ỹa'axat ca lasouaxashet. Qataq isheeten que'eca shiỹaxaua maye hueto'ot ca lasouaxashet, qataq ipacchigui naqa'en aca lasheue ca lasouaqtac, qataq ỹauo'o aca ỹactec da isheeten camaye.

Números 5:7 Iomraidhean Croise

Salmos 32:5

Qalaxaye 'am sa'axatem co'ollaxa na ỹasouaxashetpi, qataq saishet da 'am soxocheesop na qauem maye so'otpi, nache sheeta': «Aỹem sa'axatem na ỹasouaxashetpi Ñim Nataxala'.» Nache 'am 'auapalaxat 'enauac namayepi.

Proverbios 28:13

Qaq ca ỹoxotchiguiñi ca lasouaxashet qalaq saishet da no'on da llecỹaxac, qaq ca ỹa'axatta qataq ỹaxanec ca lasouaxashet, camaye ishet da qaichoxoren.

Levítico 26:40

Qalaxaye da qaua'axacheeta ca qarasouaxashichi, qataq ca lasouaxashetpi so qarta'ailpi, qataq da 'eetec da ỹe'eguelaqtalec da Aỹem qauataiỹa'aguet, qataq Aỹem qauatenachichi naxa,

Levítico 26:41

qaq nachera da ỹo'ot qome da qami' sataỹa'agueta, qataq qanqo'oñiỹa ñaqa'en ca na'alhua ca qampa'aguenaxauaipi, yaqto' sa na'amaqten da qarquiyaqteỹaxaqui. Huaña, nache saishet da qauqolliguichi da qanhuaxanaguiiqui.

Levítico 5:15

«Da huo'otaq huo'o ca shiỹaxaua da sa ipaguelec da ỹanot nam ishet da ỹanot Ñim Nataxala', nache camaye ỹaneuo ca qagueta qaica ca lque'emaxa da yaqto' lachetaqtaxanaxat maye sa imauaq da qaỹavigaxat. Huo'otaq naloqnagui aca lasheue que'eca shiguiỹac aca ỹaneuo, nache iroua'a Ñim Nataxala'.

Levítico 5:16

Qataq aca'aca lasheue que'eca shiguiỹac, nache ỹauo'o aca ỹauaxaỹaxaatalec da desheetenaxan, nache ỹanem ca ntaxaỹaxanaxanec. Qaq 'era da 'eetec ca ntaxaỹaxanaxanec da yaqto' qaỹapalaxat ca lasouaxashet que'eca shiỹaxaua chegoqchigui ca qagueta maye ỹaneuo da nachetaqtaxanaxat maye sa imauaq da qaỹavigaxat.

Levítico 5:5

Qaq da huo'otaq huo'o ca nache 'eeta'am de'era ca npe'enaxac, nache iuen da ỹa'axatta da ỹoqta 'eesa que'eca lasouaxashet.

Levítico 7:7

Qataq aca'aca nachetaqtaxanaqte maye sa imauaq da qaỹavigaxat qataq aca lỹa nachetaqtaxanaqte maye nataqa'en sa imauaq da qaỹavigaxat, caamaye, nache 'eeta'a't da llecỹaxa'c. Qataq que'eca ntaxaỹaxanaxanec maye ỹaneuo que'eca shiguiỹac, camaye nacheca ca taỹot acamaye.

Números 5:8

Qaq da huo'otaq ileu que'eca shiỹaxaua maye hueto'ot ca lasouaxashet, qataq da qaica ca lauo' le'ec da yaqto' qoỹanem aca nsheetenaqte, nache qoỹanot Ñim Nataxala', qalaxaye qoỹanem ca ntaxaỹaxanaxanec, nache lỹateuo ca qagueta peenaq maye qaỹavigaxat, da yaqto' qaỹapalaxat ca lasouaxashet que'eca shiỹaxaua.

Lucas 19:8

Qaq co'ollaq ime da nquia'axac, nache nachaañi so Zaqueo, nache 'enapega So Jesús, 'eeta': –'Am Ỹataxala', aỹem qome secolaxatchiguingui na laiñi da isallaxa. Ime, qaq sanem nam choxoraqpi. Qaq da huo'otaq huo'o ca secachiỹot, nache cuatro da she'eguelaxalec da she'eguelaxatot camaye cam secachiỹa.

Josué 7:19

Huaña, nache so Josué 'enapega so Acán, 'eeta': «'Am ỹalcolec, ñaq huo'o naq 'enec 'anqa'en qataq 'aỹa'anot da 'ayo'oxonnataxanaxac Ñim Nataxala' maye Natamnaxala' na Israel le'ecpi, nache aỹem 'aua'aqtaxanem de'era 'auo'ot. ¡Saishet da aỹem 'oxocheesop!»