Números 5:2 - La'aqtaqa Ñim Lo'onatac 'Enauacna 2013

² «Qonapega qome na Israel le'ecpi da ca'ai naqa'en ca qanayeuta'a nanataqa', 'enauac na shiỹaxaua maye hueta'ac na nchega naqa'en na lo'oc, qataq na anactac na lli'i ñi logoxoshet, huo'otaq ca ipoteua'a ca leuaxaic.

Números 5:2 Iomraidhean Croise

2 Reyes 7:3

Qaq huo'oi soua cuatro ỹale't maye huetra'ac na lepra, maye huetra'a som ñegueuo ye huaqta'a't nỹecpi, qaq soomaye nnattega't co'ollaxa, 'eeta': ¿Ta'ainco' taxa da nache souaqta'a ne'ena da seuataqta'a da seleuaq?

Levítico 13:45

«Qaq ca shiỹaxaua maye huec da nhuetaxanaxa maye nchega naqa'en na no'oc, camaye iuen da colaqta'ape naqa'en caua alogo, qataq dapoche na laue, qataq qapi da nauattalec na lashec, nache ỹa'alaqtai' da huo'o ca taỹa'ague, 'eeta': ‹¡Aỹem nchega na ỹo'oc!, ¡Aỹem nchega na ỹo'oc!›

Levítico 13:46

Qaq 'enauaque caua na'axa'te da hueta'ac da nhuetaxanaxa maye nchega naqa'en na lo'oc ca shiỹaxaua, nache saishet da qui'itta. Ỹoqo'oye qaiỹotauga da tauga ca pa'auec ca nanataqa' maye qanayiutaña, qataq nache 'oonolec camaye.»

Levítico 13:8

Qaq da ime da imeten ca ntaxaỹaxanaxanec que'eca dalolaxaic, nache da ila'a da mashe nquictauec aca nasheguem na lo'oc, nache camaye da'aqtaxanem da saishet da qui'itta que'eca shiỹaxaua, cha'aye huec na nhuetaxanaxa maye nchega naqa'en na lo'oc.

Levítico 14:8

Nache que'eca shiỹaxaua maye nqui'itaxattac, camaye iuen da iỹoi' caua alogo, qataq nachel, qataq npetec 'enauac na laue. Qaq 'era da 'eetec camaye da yaqto' qui'itta. Qaq da ime, nache ishet da inoxoneua'a ca nanataqa' maye qanayeetaña, qalaxaye saishet da netaña ca maiche lpe'l caua siete na'axa'te.

Levítico 21:1

Ñim Nataxala' 'enapega so Moisés, 'eeta': «Qonapega qome na ntaxaỹaxanaxanecpi maye chegoxoguet ñi Aarón, qoneta': Saishet qome da na'aqchet da qui'itta lataxac namayepi ca leuaxaic, maye maiche qarhuo'oi le'ec souaxat da ipoteua'a,

Levítico 23:29

Qaq ca shiỹaxaua, da saishet da ỹo'ot ca na'a'q maye qaỹo'ot da qouaqchetaxac, nache camaye qaỹo'orauec, ca'ai qanqa'en ca lauo' le'ecpi.

Números 12:10

Nache so lo'oc co'ollaq ca'ai so npe'l, nache aso María nchega na lo'oc qataq ỹataqta ỹapagaq. Qaq so Aarón co'ollaq ỹamata'a aso María, nache ila'a da mashe huec na nchega naqa'en na lo'oc,

Números 12:14

Nache Ñim Nataxala', 'eeta': «So 'arta'a taxa da nqaigoxoigui na lashec aramaye, nache aramaye ivi' caua siete na'axa'te da nqañoxooñi souaxat da lcoxo. Qaq ỹoqo'oye aramaye ca'ai qome qanqa'en na qanayeuta'a nanataqa', qaq da inoxoorec caua siete na'axa'te, nache ishet da qaltaq ñe'eguelaxauo.»

Números 31:19

Qataq 'enauac de'era qoñiita da huo'o ca dalaataxan, huo'otaq ỹasheltapigui ca leuaxaic, nache pa'atauga qome qanqa'eñi na pa'auec na qoñiitaña nanataqa' ivittrec caua siete na'axa'te. Qaq ca na'a'q tres, qataq ca na'a'q siete, nache qami' qataq na qoroxoñiqui, qanqui'itaxacheeta qome.

Números 5:1

Ñim Nataxala' 'enapega so Moisés, 'eeta':