Números 5:16 - La'aqtaqa Ñim Lo'onatac 'Enauacna 2013

¹⁶ Nache ca ntaxaỹaxanaxanec ỹauegueuo aca'aca 'alo da yaqto' nachaateua'a Ñim Nataxala'.

Números 5:16 Iomraidhean Croise

Jeremías 17:10

Aỹem Nataxala', maye ñimit aca nquiyaqte qaq saỹaten yem ỹataqta pa'auo lhuennataxac, nache sanem cam taiguet da ỹaconeguet, ipacchigui cam naigui nam ỹo'otpi.»

Levítico 1:3

Nache que'eca shiguiỹac maye ỹaneuo da lachetaqtaxanaqte da qaỹavigaxatta, da huo'otaq huaca, nache ỹauota'a ỹale, qataq qaica ca lque'emaxa yaqto' ỹaỹamaxareeta Ñim Nataxala'. Ime, nache iroua'a ye ñegueuo ñi npe'l maye huaña naxa da qanauane' Ñimaye.

Números 5:15

Qaq da nache 'eetec de'era, nache que'eca ỹale, ỹauegueua'a ca ntaxaỹaxanaxanec aca lhua, nache ỹaneuo ca dos kilos ca 'ayiiña, chegaqaigui na cebada da lachetaqtaxanaxat camaye. Qalaxaye saishet da icorelec ca aceite huo'otaq ca nchenaxanaxat aca'aca lachetaqtaxanaqte, cha'aye acamaye nachetaqtaxanaqte souaxat da nca'alaxanaxac. Qataq acamaye nachetaqtaxanaqte da yaqto' ya'aqalec ca nasouaxashet.

Números 5:17

Ime, nache que'eca ntaxaỹaxanaxanec icoyingui ca 'etaxat sa qaishetapec acatai' ỹomaxaqui 'alhuole, nache ỹalecneguet ca lsoche na 'alhua maye huaigui ca pa'auo que'eca npe'l.

Hebreos 13:4

Qataq qami' iuen da ỹataqta qanchelỹa'a da qarhuaỹaxaqui qataq ỹataqta lta'araic qanqa'eñi da naigui. Caua namoxou' iuen da ỹataqta nde'n, cha'aye Ñim Lo'onatac 'Enauacna ỹauo'o qome da nhuaxanaguec na quisheguetaxaicpi qataq nam sa iren da lhuaỹaxac.