Números 4:5 - La'aqtaqa Ñim Lo'onatac 'Enauacna 2013

⁵ Da ivita da jec ne'ena nhuo' le'ecpi, nache so Aarón qataq na llalaqpi, nachena na nqat qome ca lapoxot ca ñegueuo ca npe'l, nache dapoxona camaye da ỹapolec añi arca maye laỹe' da aỹamaxataxac.

Números 4:5 Iomraidhean Croise

1 Crónicas 15:15

Nache so leviitapi ỹache aso laỹe' soua nqataxaco, ỹacheraleguete naua lallaco soua 'epaxaye maye lachoxola'ate asomaye, cha'aye nachera da lamaxasoxonaxac Ñim Nataxala' maye ỹamaxalec co'ollaxa so Moisés.

1 Crónicas 23:26

Ỹoqo'oye na leviitapi saishet qome da qaltaq ỹe'eguelaxa da nquigaxattac ñi npe'l maye lalamaxat Ñim Nataxala', qataq nam no'onataxanaxatpi da qaỹo'ot da ño'oxonnataxanaxac.»

2 Crónicas 3:14

Nataqa'en ỹo'ot so napoxonaxat hualoq laỹe morau da lo'oxoỹaxac, qataq so lỹa ỹactec da ltogaxa da lo'oxoỹaxac, qataq so lino, ime nache ỹachalec somaye soua le'enaqtaqa querubines maye huo'oi naua laua't.

Éxodo 36:35

Nataqa'en qaỹo'ot so lapoxonaxat no'oxonec malaxaraic, tocalec, qataq so togaxaraic da lo'oxoỹaxac, qataq so ỹataqta no'on lino, qataq qanteteua'alo soua dos shiỹaxau' maye huo'oi soua laua't da yaqto' llo'oxoraxat.

Éxodo 40:3

Nache 'aỹa'anaigui qome añi Arca maye laỹe' naua ñaỹamaxataxaco, qataq 'aua'ara't ca lapoxonaxat.

Éxodo 40:5

Nataqa'en 'aupa'axaneuo aca lca'atoxolate ca nchenaxanaxat, nache 'aỹa'anaña ca datatta añi laỹe' na iqataxacpi. Ime, qaq 'auaviguisheguem ca lapoxonaxat ca ñegueuo ca npe'l.

Isaías 25:7

Qaq nache huaña qome aña'añi qasoxonaxa da Ñim Nataxala' nlaxaañi som ipelteetalec 'enauac na nhuo' le'ecpi, so npo' maye ỹapotalec 'enauac na ỹotta'a't shiỹaxauapi.

Levítico 16:2

Nache Ñim Nataxala' 'enapega so Moisés, 'eeta': «Qonapega qome ñi 'arqaỹa Aarón da saishet da saq ỹataq ca ñichiguiña añi nala' da huenoxoneua'a ye pa'auo ñi lapoxonaxat ñi npe'l maye netaña añi laỹe' naua ñaỹamaxataxaco, yaqto' da ñachaxan nache saishet da ileu, da sootaigui ca lo'oc maye nalotcheguema ñi lapoxot añi laỹe' naua ñaỹamaxataxaco.

Números 10:14

qaq hua'autec so alleppi maye ỹachetac aso la'anaqte nam chegoxoguetpi so Judá, qaq somayepi nache lataxala' so Nasón, som llalec so Aminadab.

Números 4:15

Nache ñi Aarón qataq ñeua llalqa, da ime da laỹona't 'enauac cam nogoxoshetpi maye sa qaishetapec, nache na Israel le'ecpi ishet da jec, nache anac na chegoxoguet so Quehat da ỹache 'enauac ca nogoxoshetpi. Qalaxaye saishet da ỹasheleua'a ca camachaqca que'eca nogoxoshetpi maye sa qaishetapec, yaqto' saishet da ileu. Qaq 'enauac que'eca logoxoshetpi que'eca npe'l maye naỹonqa', da nachena nam chegoxoguetpi so Quehat nam ishet da ỹache camaye.

Números 4:4

Qaq da lo'onataxanaxac ne'ena chegoxoguetpi so Quehat, da ilo'ogue na nogoxoshetpi maye ỹataqta sa qaishetapec, 'eeta':

Números 7:9

Qaq so chegoxoguetpi so Quehat qalaq qaca aca ỹanem naigona qataq nauegaxanaxala'pi, cha'aye somayepi nacheso so nallaguisheeta naxa da ỹache so nogoxoshetpi maye ỹataqta sa qaishetapec.

Mateo 27:51

Huaña, nache nataqa'en so lapoxot hualoxolaỹi maye pa'auo aso no'onaxanaxaqui late'erai, som nacchiguingui na laiñi, somaye colaqchiguingui na laiñi ỹataqta ivirañi so lcolaxa, qaq ana 'alhua qalaq cholaxan qataq na coma'pi qalaq depoqogui,

Deuteronómio 31:9

So Moisés ỹiyiñi co'ollaxa na nqataxacpi, nache ỹanem so ntaxaỹaxanaxanecpi leviitapi maye nacheso so ỹachetac naxa aso laỹe' da naỹamaxataxac Ñim Nataxala', qataq 'enauac so nqueroxonecpi ye Israel,

Hebreos 10:20

Cha'aye co'ollaq ileu So Jesús, nache nqat so napoxonaxat maye qomi' npaxatta'agueta. Qalaxaye nagui So Jesús nca'altauec, qataq chegoqchigui Somaye da dalaxaic qataq huaỹoqtec da lataxac da ñequigaxaua'a Ñim Lo'onatac 'Enauacna.

Hebreos 9:3

Qaq dam laỹe so napoxonaxat hualoxolaỹi nataqa'en huo'o so lỹa ndaqa', le'enaxat Ndaqa' sa Qaishetapec,

1 Samuel 6:19

Qalaxaye Ñim Nataxala' huo'o co'ollaxa so ileupi naqa'en som lma' ye Bet Semes, souaxat da ỹalloigui na pa'auo aso laỹe' da aỹamaxataxac. Qaq ivi' setenta so ileupi, nache so lma' yemaye, nỹeetagui souaxat so lta'araic nleuaxa maye Ñim Nataxala' ỹo'otec somayepi.