Números 4:32 - La'aqtaqa Ñim Lo'onatac 'Enauacna 2013

³² qataq aca lauoqtepi ca npaqtaxanaxat maye coleesop ca nqasoxoc ca npe'l, qataq aca na'attalecpi naxa, qataq aca qaitoqnañi lashepi ca lquetpi, qataq 'enauac ca no'onataxanaxatpi que'eca npe'l. Qaq ñi 'oonolec namayepi ỹataqtac na 'auamaxalec da ỹache.

Números 4:32 Iomraidhean Croise

1 Crónicas 9:29

Qataq huo'oi soua pa'aira'aguet da ilo'ogue so laỹepi nogoxoshetpi maye saqaishetapec, nataqa'en nam 'ayiiña, lataxa, aceite, nchenaxanaxat, qataq so coraxatpi maye ama na laita.

Éxodo 25:9

Nache que'eca npe'l qataq ca no'otaxatpi ỹataqta 'aue'enaxatchigui qome da no'onataxac cam 'am sachaxana.»

Éxodo 27:9

«Qaq nataqa'en 'auo'ot qome ca nqasoxoc que'eca npe'l. Ca pa'aigue da taguiñi, qalaq ivi' qome ca cuarenta y cinco metros ca lalogaxa qataq lpaqtaxat ca hualoq laỹe maye chegaqaigui na lino.

Éxodo 38:17

Qaq aso na'attalecpi aso lauoqtepi se'eso napoxonaxat, qaỹauota'a na lcat bronce, qaq so lemaxatpi qataq aso la'aitepi nache chegaqaigui na lcat plata, qataq 'enauac aso lauoqtepi qalapaxalec na lcat plata, qataq asomayepi qaỹauo'o aso la'aitepi lcat plata.

Éxodo 38:21

Qaq so Moisés damaxasoxoolec da qaỹo'ot aso lmalate so lcatpi maye qaỹo'onataxana co'ollaxa da qaỹo'ot so npe'l, nache ipataxalec so Itamar maye llalec so Aarón, som lataxala' so leviitapi.

Números 3:36

Qaq se'eso chegoxoguet so Merari, nache qaipataxalec da ilotague' 'enauac so nchiiguishec 'epaqpi maye l-llecnaxanaxatpi, qataq aso lauoqtepi qataq so na'attalec asomayepi, qataq 'enauac so laỹe logoxoshetpi so npe'l,

Números 3:8

Qataq ilo'ogue qome 'enauac na logoxoshetpi ñi npe'l, qataq ilo'oguet na Israel le'ecpi, qataq huapegue' na no'onatacpi maye huaña ye lanataqa' Ñim Nataxala'.

Números 4:31

Qaq da lo'onataxanaxac da huapegue' ca npe'l, nache ỹache ca nchiiguishec 'epaqpi, qataq ca l-llecnaxanaxatpi ca npe'l, huoqtepi, qataq ca na'attalecpi naxa acamaye,

Números 4:33

Qaq 'era da lo'onataxanaxac qome na chegoxoguet so Merari, da huapegue' ca npe'l, qaq so Itamar maye llalec so ntaxaỹaxanaxanec Aarón, nacheso so ilo'ogue qome namayepi.»

Números 4:49

Nache ipacchigui da la'aqtac Ñim Nataxala' maye ỹamaxalec co'ollaxa so Moisés, da qoỹiyiñi ñi 'oonolec somayepi, qataq ỹataqtac qanqa'en na ishet da ỹo'ot, qataq ỹache. Qaq 'era da 'eetec co'ollaq qaỹo'ot aso ne'enaxat lmalate, nache qaipacchigui da lamaxasoxonaxac Ñim Nataxala' maye ỹamaxalec co'ollaxa so Moisés.

Números 7:1

Qaq so Moisés co'ollaq ime da nauaxaỹaxaasheguem so npe'l, nache icorelec so ncoraxanaxat aceite da yaqto' ỹaneuo, lỹateuo naqa'en 'enauac so no'onataxanaxatpi, nataqa'en icorelec aso nca'atoxonaxalate.

Números 7:8

Qaq so chegoxoguetpi so Merari, nache ỹanema soua cuatro naigona qataq soua ocho nauegaxanaxala'ate huaca, cha'aye nacheye ye lcata nam iuen da yaqto' ỹo'ot da lo'onataxanaxac, maye ilotague' so Itamar, som llalec so ntaxaỹaxanaxanec Aarón.