Números 4:18 - La'aqtaqa Ñim Lo'onatac 'Enauacna 2013

¹⁸ «Saishet qome da qauashiñi da imeuo na maiche nalamaxat nhuo' le'ecpi, maye chegoxoguet so Quehat, da ỹalectaigui na leviitapi.

Números 4:18 Iomraidhean Croise

Éxodo 19:21

Nache Ñim Nataxala' 'enapega, 'eeta': «'aunotec qome, nache 'auqata ye Israel le'ecpi da saishet da napacalec na loga'tpi na na'anec, qataq qonapega da saishet da nshetaique da aỹem ỹauaachigui. ¡Ten qom qalota ca ileu yemayepi!

Éxodo 30:33

Qataq da huo'o ca ỹo'ot ca ncoraxanaxat da 'eeta'am da no'onataguec namaye, qataq da icorelec ca camachaqca shiỹaxaua, nache camaye qaỹo'orauec, ca'ai qanqa'en ca lauo' le'ecpi.»

Éxodo 30:38

Qaq da huo'o ca 'oonolec da ỹo'ot ca nchenaxanaxat da 'eeta'am naqa'en camaye da yaqto' maiche lalamaxat da nchenaxat, nache camaye qaỹo'orauec, ca'ai qanqa'en na lauo' le'ecpi.»

Jeremías 38:23

Qaq so Jeremías, nache queto'ot da 'eetega so nta'a, 'eeta': 'Enauac na 'alpi, qataq na 'aỹa'alaqpi 'am nta'a, namayepi loxonec qome na caldeopi, qaq 'am nta'a saishet qome da 'auañoxot da 'ananeltaxaneguet namayepi, nacherata da 'am qoỹaneua'a ñi nta'a ye Babilonia, qaq ne'ena huaqta'a't nỹecpi qalaq qoỹegueua'a qome.

Números 16:32

nache l-llañe' 'enauac so llalaqpi se'eso shiỹaxauapi, maye huaxaiguet co'ollaxa so Coré, qataq so logoxoshetpi somayepi.

Números 17:10

Nache Ñim Nataxala' 'enapega so Moisés, 'eeta': Aye lashelte so Aarón 'avi'eguelaxateua'a qome ye sa qaỹapeque ye netaña añi arca maye laỹe' da ñaỹamaxataxac. Nache 'auachaña da yaqto' la'anaxat ne'ena ñalaqpi maye saỹalaq. Yaqto' nache tachiguiña da aỹem quetapeguelec, qataq qaica ca ileu qome.

Números 18:5

Cha'aye ndotrec qami' da qauloitague' qome 'enauac na sa qaishetapec qataq añi nca'atoxonaxalate. Yaqto' saishet da talec ca nhuaxanaguec na Israel le'ecpi.

Números 3:27

Qaq soua maiche nalamaqa'ate nhuo' lashe' maye chegoxogueta so Coat: Amirán, Isar, Hebrón qataq Uziel.

Números 4:17

Ñim Nataxala' 'enapega so Moisés qataq so Aarón, 'eeta':

Números 4:19

Qaq da yaqto' saishet da ileu namayepi, souaxat da ỹasheleua'a ca nogoxoshetpi maye sa qaishetapec, nache namayepi ỹo'ot qome de'era 'eeta': So Aarón qataq soua llalqa, ỹapaxaguenec qome ñi 'oonolec namayepi ca lo'onataxanaxac qataq cam ishet da ỹache.

1 Samuel 6:19

Qalaxaye Ñim Nataxala' huo'o co'ollaxa so ileupi naqa'en som lma' ye Bet Semes, souaxat da ỹalloigui na pa'auo aso laỹe' da aỹamaxataxac. Qaq ivi' setenta so ileupi, nache so lma' yemaye, nỹeetagui souaxat so lta'araic nleuaxa maye Ñim Nataxala' ỹo'otec somayepi.